सेःक्‌युक्‍मिबाहाॽ 20:1 - लिम्‍बु

¹ हे़क्‍क्‍याङ् खे़न् हयङ्‌किल्‍लिङ् लॽमे़न् चिजि खक्‍खक् पोःक्‍खे़आङ् पावलरे़ एफिससमा नसानिबा फुॽनुसाॽहाॽ उःत्तुसिआङ् आःन्‍छिङ्‌मा पिरुसि॥ हे़क्‍क्‍याङ् खे़ङ्‌हाॽनु से़म्‍मुॽइ चोगुआङ् खुने़ॽ खे़प्‍मोलाम् मे़सेदोनियाओ पेरो॥

सेःक्‌युक्‍मिबाहाॽ 20:1 Referans Kwoze

२ कोरन्‍थि 7:5

थेआङ्‌भे़ल्‍ले़ आनिगे मे़सेदोनिया थुम्‍मो त्‍ये़ॽइगे़ल्‍ले़ कन् आनिगे नासिङ्‌गे़न् थक्‍किल्‍ले़ नाःम्‍सिङ्‌मा ये़म् मे़घोसुन्॥ आनिगे़ग काक् पिसाङ्‌लाम्‍बा ये़त्तुक्‍खेःल्‍ले़ कबिगे़रो, लाःक्‍कात्तो पाःन्‍धङ् हे़क्‍क्‍याङ् निङ्‌वाॽसिगाङ्‌बा किमा सिमे़न् वये़रो॥

सेःक्‌युक्‍मिबाहाॽ 19:21

कन् पाःन्‍हाॽ पोःक्‍खे़चुरे़आङ् पावलरे़ मे़सेदोनिया नु अक्‍खैया थुम् पोङ्‌मार यरुसले़म पेःक्‍मा निङ्‌वाॽ चोगु॥ हे़क्‍क्‍याङ् खे़ल्‍ले़ अक्‍खे मे़त्तुसि, “इङ्‌गाॽग खे़प्‍मो पेःक्‍माआङ् रोम ये़क्‌यक्‍कोआङ् पेःक्‍माए पोङ्‌लो॥”

१ तिमोथि 1:3

इङ्‌गाॽ मे़सेदोनिया थुम्‍मो पेगाङ्‌ङिल्‍ले़ खे़ने़ॽ पेलि फाक्‍ने़बा कुइसिक् खे़ने़ॽ एफिससओ ए याःक्‍ते़ॽओ॥ खे़प्‍मो कुभा मनाहाॽरे़ इङ्‌ले़क्‍पा निसाम् मे़हुॽरुसिर मे़याक्॥ खे़ङ्‌हाॽ हे़क्‍के चोःक्‍मा मे़बाङ्‌घे़से़न्‍ने़ॽओ॥

१ थिस्‍सलोनिकि 5:26

हे़क्‍क्‍याङ् के़रे़क् फुॽनुसाॽ नु ने़ॽनुसाॽहाॽरे़ मिःम्‍जिनु से़वा मये़म्‍मे़ॽओ॥

१ कोरन्‍थि 16:20

कप्‍मोबा के़रे़क् फुॽनुसाॽ नु ने़ॽनुसाॽहाॽरे़आङ् से़वा के़म्‍हाक्‍तिॽरो॥ खिनिॽग नसानिबा मिःम्‍जिःल्‍ले़ से़वा मे़त्तासिम्‍मे़ॽओ॥

१ कोरन्‍थि 16:5

इङ्‌गाॽ मे़सेदोनिया थुम्‍मो लाम्‍दिक् चोःक्‍काआङ् खिनिॽ तुम्‍से़ ताआ, थेआङ्‌भे़ल्‍ले़ इङ्‌गाॽ मे़सेदोनिया पोङ्‌मार लाम्‍दिक् चोःक्‍मा निङ्‌वाॽ चोगुङ्‌ङाङ् वाॽआरो॥

रोमि 16:16

खिनिॽग सेसे मिःम्‍जिःल्‍ले़ से़वा मे़त्तासिम्‍मे़ॽओ॥ हे़क्‍क्‍याङ् कप्‍मोबा काक् सेसेहुप्‍लक्‍हाॽरे़ से़वा के़म्‍हाक्‍तिॽरो॥

सेःक्‌युक्‍मिबाहाॽ 20:37

खे़ङ्‌हाॽरे़ पावले़न् मे़हे़प्‍तुआङ् मे़हाबे़र चुप् मे़मे़त्तुरो॥

सेःक्‌युक्‍मिबाहाॽ 20:10

कर पावले़न् यो पेआङ् खुने़ॽ सम्‍दाङ् सल्‍लिक् सन्‍छिङ्‌ल हे़प्‍प्रे़क् हे़प्‍तुआङ् मनाहाॽ मे़त्तुसि, “खिनिॽ निङ्‌वाॽओ मे़गिसे़म्‍मिन्‍ने़ॽओ, खुने़ॽग कुहिङ्‌वे़त् वाॽरो!”

सेःक्‌युक्‍मिबाहाॽ 16:9

खे़प्‍मो खे़न् से़न्‍दिक् पावलरे़ तादिगे़न् सुफोधिक् निसु॥ खे़प्‍मो मे़सेदोनियासमा मनाधिक् मे़सेदोनियाओ थाङे़आङ् आनिगे याप्‍मि कुभाॽ आबिरे़ॽ लॽरिक् पेलि फाक्‍तुर ये़बे़बा निसुरो॥

सेःक्‌युक्‍मिबाहाॽ 11:26

खे़प्‍मो खुने़ॽ तुमुआङ् एन्‍तिओक्‍को तारु॥ हे़क्‍क्‍याङ् तङ्‌बे खाराक् खे़ङ्‌हाॽरे़ सेसेहुप्‍लक्‍को मनाहाॽ तुमे़त्‍छुर यरिक् मनाहाॽ हुॽरे़त्‍छुरो॥ (हुॽसाम्‍बाहाॽ एन्‍तिओक्‍कोए काक्‍नु तगि ख्रिस्‍तानिसि फाॽआङ् मे़मे़त्तुसिरो॥)

तोलिङ्‌सोमु 48:10

खे़न् ये़म्‍मो खदाक्‍मि तुम्‍से़बाल्‍ले़ चोगुल्‍ले़ याकुबरे़ कुमिक् मये़आङ् नुरिक् खामे़न्‍निमनाबा पोःक्‍खे़आङ् वये़॥ खे़ल्‍ले़चोगुल्‍ले़ युसुफरे़ खे़ङ्‌हाॽ कुम्‍बारे़ कुबेसाङ् तेॽरुसि हे़क्‍क्‍याङ् कुम्‍बारे़ खे़ङ्‌हाॽ चुप् मे़त्तुसिआङ् हे़प्‍प्रे़क् हे़प्‍तुसि॥

२ कोरन्‍थि 13:12

खिनिॽग नसानिबा मिःम्‍जिःल्‍ले़ से़वा मे़त्तासिम्‍मे़ॽओ॥

सेःक्‌युक्‍मिबाहाॽ 16:12

खे़प्‍मोलाम् आनिगे लाङ्‌घेःक्‍मनाआङ् फिलिप्‍पिओ के़प्‍मनारो॥ खे़ङ्‌ग मे़सेदोनियासमा थुम्‍मोबा के़ये़क्‍पा ये़क्‌यक् नु रोमि यक्‍लाजेॽआङ् वये़रो॥ खे़प्‍मो आनिगे कुभा ये़न् वयिगे़रो॥

सेःक्‌युक्‍मिबाहाॽ 20:2

हे़क्‍क्‍याङ् खे़न् थुम्‍मो पोःक्‍खे़र लाम्‍दिक् चोगे़ल्‍ले़ नसानिबाहाॽ आःन्‍छिङ्‌मा पिरुसि॥ हे़क्‍केलॽरिक् खुने़ॽ ग्रिस लाजेॽओ के़रे़आङ्

सेःक्‌युक्‍मिबाहाॽ 20:3

खुने़ॽ खे़प्‍मो ला सुम्‍सि थारिक् याःक्‍ते़॥ हे़क्‍क्‍याङ् खुने़ॽ खे़प्‍मोलाम् सिरिया ले़प्‍माङ् वालाम्‍दिक् चोःक्‍माआङ् पेःक्‍मा यारिप् पोःक्‍खे़आङ् वये़ल्‍ले़ यहुदिहाॽरे़ खुने़ॽ से़प्‍मा इङ्‌मे़दङ्‌घुआङ् वाॽ फाॽआङ् निङ्‌वाॽ खोसुआङ् खे़प्‍मोलाम् खुने़ॽ मे़सेदोनियालाम् लाङ्‌घेःक्‍माआङ् पेःक्‍मा निङ्‌वाॽ चोगु॥

रोमि 15:19

कन् याःम्‍बक्‍किन् सेसेमाङ्‌ङिल्‍ले़ कुमुक्‍साम्‍लाम् मिक्‍सेःन्‍हाॽ नु निङ्‌वाॽ के़माबा याःम्‍बक् चोगुङ्‌ङाङ् वाॽआरो॥ अक्‍खेलॽरिक् इङ्‌गाॽ यरुसले़मलाम् इल्‍लिरिकुम ते़ङ्‌गप् थारिक् ख्रिस्‍तरे़ काक् कुसुनाइङ्‌ङिन् इङ्‌भोसुङ् सुरुङ्‌ङाङ् वाॽआरो॥