7 हे़क्क्याङ् खे़ङ्हाॽरे़ खुनिॽ निङ्वाॽ मये़आङ् सेःन्मे़दोसुसि, “मे़ःम्बे़! कन् काक् के़बाःप्पाहाॽग गालिलिसि मे़ःन्छिबि?
खुनिॽ निङ्वाॽ मये़ हे़क्क्याङ् हःन्दा मे़ले़क्ते़आङ् अक्खेलॽरिक् सेःन्मे़दोसिङ्, “कन् फाॽइङ्ग थे़माःन्बे?”
पारे़त्छि, “गालिलबा मनासे, थेआङ् ताङ्साक्पो ओगे़मे़त्तुम्बाबे? ये़सुन् साङ्ग्राम्पेदाङ्ङो थोधो पङ्सिङ् पेबा हे़क्केए खुने़ॽ थिक्ये़न् याम्मो युरो॥”
हे़क्केःल्ले़ खे़ङ्हाॽरे़ नोगप् मे़बिरु, “खे़ने़ॽआङ् गालिललाम्मे के़द्ये़बाबि? खे़ने़ॽ आबाङे साम्योसाप्लान् निरे़ साॽरे़, गालिललाम्बाग आप्फाल्ले़आङ् माङ्निङ्वाॽपान् के़बाःप्पे़न् मे़दाने़न्लो॥”
खे़ङ्ग माङ्हिम्मिल्ले़ कुघे़म्सिङ् नुबा मे़प्मनाबा लाम्धेःप्पो सदादिङ् चानाःक्नु के़युङ्बा नु लाङ्घेःक्मा मे़न्छुक्मनाबा मनाःन्ने फाॽआङ् कुसिङ् मे़निःत्तुआङ् साॽरिक् खुनिॽ निङ्वाॽ मये़रो॥
खिमो खे़न् मुत्थ्रिक् पोगे़आङ् कुने़त्नान् याङ्सिङ् हे़क्क्याङ् मनाहाॽरे़ खुनिॽ तगिए लःन्दे़ पेरो॥ खे़न् मनाहाॽरे़ मे़निसुआङ् साॽरिक् खुनिॽ निङ्वाॽ मये़॥ निङ्वाॽफुमाङ्ङिन् अक्खे मे़मे़त्तुर कुनारा मे़भोसु, “अक्तङ्बाग आनिगे आप्फाल्ले़आङ् मे़न्निए वयिगे़रो॥”
खे़ॽयो के़जुम्बाआङ् के़वाॽबा मनाहाॽरे़ खुनिॽ निङ्वाॽ मये़र अक्खे मे़लॽरे़, “कङ्ग आक्तङ्बा निसाम्बे? खुने़ॽग फे़न्साम्हाॽ इङ्जाङ् पिरुसिआङ् खे़ङ्हाॽरे़आङ् मे़घे़प्सुरो॥ आक्तङ्बा युक्किन्ने कत्तुबे!”
सप्फाआङ् खे़प्मो के़ये़प्पा मनाहाॽ पत्रुसरो मे़बेआङ् मे़मे़त्तु, “से़क्खासाङ् खुने़ॽ कुहुॽसाम्बाहाॽओ खे़ने़ॽआङ् लत्थिक्ने़रो, थेआङ्भे़ल्ले़ के़बान् इक्लान् गालिलसमा कुइसिक् चोक्लो॥”
मनालुम्मोलाम् कुभारे़ नोगप् मे़बिरुसि, “कङ्ग गालिलसमा नासरतलाम् के़दाबा माङ्निङ्वाॽपान् के़बाःप्पा ये़सुरो॥”
ये़सुरे़ कन् खे़प्सुल्ले़ कुनिङ्वाॽ मये़र खुने़ॽ कुएगाङ् कुएगाङ् के़दिम्बाहाॽ अक्खे मे़त्तुसि, “इङ्गाॽ से़क्खाए मे़त्निङ्, अक्तङ्बा यम्बा नसान् के़गप्पा मनाःङ्ग इस्राइलोआङ् इङ्गाॽ मे़ङ्घोए वाॽआरो!
हे़क्केःल्ले़ कङ्हाॽरे़ आबाङे आनिॽ पाःन्दाङ्हाॽओ आक्खेलॽरिक् पाःप्मा मे़सुक्तुबाबे?