सेःक्युक्मिबाहाॽ 18:8 - लिम्बु8 क्रिस्पस मे़प्मनाबा यहुदि चुम्लुङ्हिम्मोबा लाम्लोबे़न् नु कुहिम्सयङ्हाॽरे़आङ् नसान् मे़जोगु॥ हे़क्केलॽरिक् कोरन्थिबा यरिक् वेॽ मनाहाॽरे़ सुनाइङ् मे़घे़प्सुआङ् नसान् मे़जोगुर बप्तिस्मा मे़बोःक्खे़रो॥ Gade chapit la |
सेःक्युक्मिबाहाॽ 18:8
25 Referans Kwoze
कर यहवे दाङ्बे़ल्ले़ कुलागि माङ्से़वा याःम्बक् चोःक्मा खिनिॽ सिराॽमे़धाङ्ने़न्ने़भग्र खिनिॽ हाःत्ले़ कुसे़वा याःम्बक् के़जोगुम्ॽ, खिनिॽ पाधे़बाहाॽरे़ युफ्रेतिस वहःङ् नाधाःम्बि से़वा मे़मे़त्तुसिबा माङ्हाॽ से़वा के़मे़त्तुम्सिम्बि इ खिनिॽ आल्लो के़युङिबा एमोरिहाॽरे़ खुन्छिॽ माङ्हाॽ से़वा के़मे़त्तुम्सिम्बि खिनिॽ आइन्छा निःन्धो चोगे़म्मे़ॽ॥ कर आङ्गाॽ नु आङ्गाॽ आहिम्सयङ्हाॽरे़ग यहवे दाङ्बाओए माङ्से़वा याःम्बक् चोगुम्बे़रो॥”
थेआङ्भे़ल्ले़ खे़ल्ले़ आबाङे कुस्साहाॽ नु कुमुॽइदाङ्साहाॽरे़ साम्यो नु खासे़न् मे़जोगुआङ् यहवे दाङ्बाल्ले़ कुनिङ्वाॽ हे़क्के कुइङ्जाङ्हाॽ इःप्मा नाःप्मा पाङ्घुसिर फाॽआङ् आङ्गाॽ खुने़ॽ सेगुङ्ङाङ् वाॽ॥ खे़ल्ले़चोगुल्ले़ यहवे दाङ्बाल्ले़ अब्राहाम्मिन्नु चोगुबा माङ्हुप्पिन् के़त्ल चोगुरो॥”
कन् सक्इङ्घङ्ङिङ् कोरन्थि ये़क्यक्को के़ने़बा निङ्वाॽफुमाङ्ङिल्ले़ कुसेसेहुप्लक्कोबा सेसे कुमनाहाॽ हाक्कासिगे़रो॥ खुने़ॽ ख्रिस्त ये़सुलाम् के़रे़क् पिसाङ् आनिॽ दाङ्बा ये़सु ख्रिस्तरे़ कुमिङ् के़लोङ्बाहाॽ सेसे चोगुसिबा हे़क्केए खिनिॽ सेसे के़जोगिबारो॥ ख्रिस्ते़ङ्ग खे़ङ्हाॽरे़न् नु आनिॽ दाङ्बारो॥
निङ्वाॽफुमाङ्ङिल्ले़ कुनिङ्वाॽलाम्बा ख्रिस्त ये़सुरे़ कुसेःक्युक्मिबा पोङ्से़ सेगाङ्बा इङ्गाॽ पावल नु आनिॽ नुसाॽ तिमोथिरे़ कोरन्थि ये़क्यक्कोबा निङ्वाॽफुमाङ्ङिल्ले़ कुसेसेहुप्लक् नु अक्खैया ते़ङ्गप् खाराक् के़युङ्बा काक् ख्रिस्ते़न् नसान् के़जोःक्पाहाॽ कन् सक्इङ्घङ्ङिन् हाक्कासिगे़बारो॥
Piblisite