4 बरनाबास नु सावले़न् सेसेमाङ्ङिल्ले़ पाङ्घुसिआङ् सिलुकिया ये़क्यक्को पेसि॥ खे़प्मोनु वालाधालाम् सैप्रस वागप्लाजेॽओ पेसिरो॥
हे़क्के के़जोःक्पाओ युसुफ मिङ् के़वाःप्पा ले़बि थाःक्कोबा सैप्रस वागप्खाम्मो सागे़वाःन्छिङ्बाधिक् वये़॥ खुने़ॽ कत्तुबा प्याङ्सिन् सङ्घुआङ् याङ्हाॽ सेःक्युक्मिबाहाॽरो तारुरो॥ सेःक्युक्मिबाहाॽरे़ खुने़ॽ बरनाबास मिङ्मे़लोःक्खु (खे़न् फाॽइन् हाङ्हाङ् के़जोःक्पा सा पोङ्लो)॥
थिक्ये़न् खे़ङ्हाॽरे़ चाने़त्तो मे़युङे़र दाङ्बाल्ले़न् से़वा मे़जोगुर मे़वये़ल्ले़ सेसेमाङ्ङिन् खे़ङ्हाॽओ अक्खेलॽरिक् पारे़, “बरनाबास नु सावले़न् इङ्गाॽ आलागि से़न्दे़म्सिम्मे़ॽओ, खे़ङ्हाॽग इङ्गाॽ आयाःम्बक् चोःक्से़ उःत्तुङ्सिङ्ङाङ् वाॽसिरो॥”
आल्ल स्तिफनसे़न् मे़से़रुआङ् एगाङ् यरुसले़म्मो तुक्खे मे़जाःत्तुसिबाल्ले़ चोगुल्ले़ नसानिबाहाॽ काक् पिसाङ् मे़से़रे़र मे़बेरो॥ कुभाग फोनिसिया ते़ङ्गप्, सैप्रस वागप्खाम्, नु एन्तिओक ये़क्यक्काङ् मे़गे़रे़रो॥ खे़ङ्हाॽरे़ग खे़प्मोबा यहुदिहाॽरक् सुनाइङ् इङ्मे़भोसुसिरो॥
खे़प्मोलाम् आनिगे तगि पोङ्मनार पेःक्मना कर सुरित् केजङ्ङिन् आनिगे तक्ले़ङ्वा ले़प्माङ्लाम् हुरे़बाल्ले़ चोगुल्ले़ खे़न् सुरित्मान्नु से़ःप्सिङ्मा फाॽआङ् आनिगे सैप्रस वागप्खाम्मिल्ले़ थोहाङ्ले़प्माङ्नु कुया कुया पोङ्मनार पेःक्मनारो॥
कर के़रे़क् इङ्गाॽ पेगाङ्बा ये़क्यक्को सेसेमाङ्ङिल्ले़ इङ्गाॽ मे़त्ताङ्बा कुइसिक्, पुङ्लाहिम् नु तुक्खेरे़ खे़प्मो हाङ्ङार वाॽआरो॥
हे़क्केःल्ले़ याम्मो खे़ङ्हाॽरे़ चाने़त्तो मे़युङे़आङ् तुवा मे़जोगु, हे़क्क्याङ् खुनिॽ हुक्हाॽ बरनाबास नु पावलरे़ खुन्छिॽ सम्दाङ् मे़ने़स्सुआङ् तुवा मे़जोगु हे़क्क्याङ् मे़बाङ्घु मे़देसुसिरो॥
कुभा ये़न् एगाङ् पावलरे़ बरनाबासे़न् मे़त्तु, “आल्ल आन्छिॽआङ् नुःङ्सि पित्छि, हे़क्क्याङ् दाङ्बाल्ले़ कुबाःन्जाक्किन् इङ्भन् आजोगे़त्छुबा पाङ्जुम्हाॽओ लःन्छिर फुॽनुसाॽहाॽ आक्खे मे़जोगुर मे़याक्पे फाॽआङ् साॽसुसिरो॥”