सेःक्युक्मिबाहाॽ 10:2 - लिम्बु2 खुने़ॽ नु कुहिम्सयङ्हाॽ मिङ्सोदाङ्बा नु साम्योसाबा मे़वये़रो॥ खुने़ॽग याङ्गे़साॽबाहाॽ यरिक् कुभाॽयाङ् के़बिबा नु थिक्याःन्धक् निङ्वाॽफुमाङ्ङिन्नु तुवा के़जोःक्पा वये़रो॥ Gade chapit la |
सेःक्युक्मिबाहाॽ 10:2
51 Referans Kwoze
खे़ङ्हाॽरे़ नोगप् मे़बिरु, “आनिगे़ग कर्नालियस मे़प्मनाबा थक्तुम्बे़ल्ले़ याप्मि पाङ्घे़बारो॥ खुने़ॽग साम्योबा हे़क्क्याङ् निङ्वाॽफुमाङ्ङिन्नु के़गिबा मना नु यहुदिहाॽरे़ खुने़ॽग साॽरिक्के मिङ्सो इङ्धाङ् मे़बिरुरो॥ निङ्वाॽफुमाङ्ङिल्ले़ पाङ्घुबा सेसे माङ्लाइङ्बाधिक्ले़ खे़ने़ॽ कुहिम्मो उःप्माआङ् खे़ने़ॽलाम् पाःप्मा के़गत्तुबा पाःन्हाॽ खे़म्मा फाॽआङ् खुने़ॽ मे़त्तुरो॥”
“आङ्गाॽ आहाङ्जुम् के़रे़क्पा मनाहाॽरे़ दानिए़लरे़ कुनिङ्वाॽफुमाङ्ङिन् मे़गिरुर हे़क्क्याङ् मिङ्सो इङ्धाङ् मे़बिरुर फाॽआङ् आङ्गाॽ कन् इङ्जाङ्ङिन् उवा चोगुङ्लो॥ “थेआङ्भे़ल्ले़ खुने़ॽग कुहिङ्वे़त् निङ्वाॽफुमाङ्लो, हे़क्क्याङ् खुने़ॽ सदादिङ् आभे़ल्ले़साङ् वाॽरो॥ खुने़ॽ कुहाङ्जुम्मिन् मे़मे़क्ने़न्लो खुने़ॽ कुहाङ्युक्किन् आभे़ल्ले़आङ् मे़नुप्ने़न्लो॥
आल्ल दानिए़लरे़ खे़न् इङ्जाङ्ङिन् लःन्दे़बा निङ्वाॽ खोसुआङ् खुने़ॽ कुहिम्मोबा थोसमा कुदाःत्लाओबा याक्फाङ्ङो पे, खे़प्मो पेधाःप्हाॽ यरुसले़म ले़प्माङ् हङ्बे़त् पत्छे़॥ तगि हे़क्केए खुने़ॽ थिक्याःन्ले़ सुम्ले़ङ् थुङ्बोॽहजॽ युङ्सिङ्ङाङ् निङ्वाॽफुमाङ्ङिन् नुगे़न् पिरुर पेलि फाक्तु॥
नाम्धा पिसाङ्बा लाजेॽओ के़युङ्बा मनाहाॽरे़ यहवे दाङ्बे़ल्ले़ कुमिङ्ङिन् इङ्धाङ् मे़बिरुरो, हे़क्क्याङ् तॽइ नाङ्गे़न् ले़प्साङ्लाम् खे़ङ्हाॽरे़ खुने़ॽ मिमिदिङ् मे़बिरुरो॥ थेआङ्भे़ल्ले़ खुने़ॽ के़गुङ्बा के़युबा च्वाःत् हे़क्के युरो, खे़न् के़गुङ्बा के़युबा च्वाःत्हाॽ यहवे दाङ्बे़ल्ले़ कुसक्माःल्ले़ सुःन्दु युरुरो॥
साभःङ्जा मे़जबा ये़न्निल्ले़ कुदाःन्दिक् तानाम्सा अयुबे़न् पोगे़आङ् आबाङे के़रे़क् कुस्साहाॽरे़ खुनिॽ मिङ्ङो मिधिङ्मनाबा सिदुङ्जभा तोःन्दुर यागे़॥ खुने़ॽ हे़क्केलॽरिक् आबाङे कुस्साहाॽ सेसेसुत्थो चोगुसिर वये़॥ कुस्साहाॽरे़ मे़न्नि मे़न्धाए निङ्वाॽफुमाङ्ङिल्ले़ कुजाःत्थि मे़देसुआङ् लायो लासोत् मे़जोगुबि फाॽआङ् खुने़ॽ सेसेसुत्थो चोगुसिर वये़॥
आदाङ्बारे़ के़युक्नादे़न् साङ्ग्राम्पेदाङ्लाम् खे़प्से़ॽआङ् खे़न् वेॽ लाजेॽबाल्ले़ नाःक्तुबा पाःन्निन् पिरे़ॽओ, हे़क्केलॽरिक् आदाङ्बारे़ के़मना इस्राइलरे़ हे़क्के इक्सादिङ् खाम्बेःक्मोबा के़रे़क् मनाहाॽरे़ आदाङ्बारे़ के़मिङ्ङिन् कुसिङ् मे़निःत्तुररो, हे़क्क्याङ् आदाङ्बा के़म्गित्ताङ् आङ्गाॽ चोगुङ्बा कन् हिम्मो आदाङ्बारे़ए के़मिङ् युङ्मनाआङ् वाॽ फाॽआङ् निङ्वाॽ मे़घोसुररो॥
खे़ने़ॽ के़युक्ना साङ्ग्राम्पेदाङ्लाम् खे़प्से़ॽओ, हे़क्क्याङ् खे़न् वेॽ लाजेॽबाल्ले़ नाःक्तुबे़न् पिरे़ॽओ, हे़क्केलॽरिक् खे़ने़ॽ के़मना इस्राइलिहाॽ कुइसिक् इक्सादिङ् खाम्बेःक्मोबा के़रे़क् मनाहाॽरे़ खे़ने़ॽ के़मिङ्ङिन् कुसिङ् मे़निःत्तुआङ् खे़ने़ॽनु मे़गिररो, हे़क्क्याङ् आङ्गाॽ चोगुङ्बा कन् माङ्हिम्मिन् खे़ने़ॽ के़मिङ्ङो चोगुङ्बा फाॽआङ् कुसिङ् मे़निःत्तुररो॥
कर यहवे दाङ्बे़ल्ले़ कुलागि माङ्से़वा याःम्बक् चोःक्मा खिनिॽ सिराॽमे़धाङ्ने़न्ने़भग्र खिनिॽ हाःत्ले़ कुसे़वा याःम्बक् के़जोगुम्ॽ, खिनिॽ पाधे़बाहाॽरे़ युफ्रेतिस वहःङ् नाधाःम्बि से़वा मे़मे़त्तुसिबा माङ्हाॽ से़वा के़मे़त्तुम्सिम्बि इ खिनिॽ आल्लो के़युङिबा एमोरिहाॽरे़ खुन्छिॽ माङ्हाॽ से़वा के़मे़त्तुम्सिम्बि खिनिॽ आइन्छा निःन्धो चोगे़म्मे़ॽ॥ कर आङ्गाॽ नु आङ्गाॽ आहिम्सयङ्हाॽरे़ग यहवे दाङ्बाओए माङ्से़वा याःम्बक् चोगुम्बे़रो॥”
थेआङ्भे़ल्ले़ खे़ल्ले़ आबाङे कुस्साहाॽ नु कुमुॽइदाङ्साहाॽरे़ साम्यो नु खासे़न् मे़जोगुआङ् यहवे दाङ्बाल्ले़ कुनिङ्वाॽ हे़क्के कुइङ्जाङ्हाॽ इःप्मा नाःप्मा पाङ्घुसिर फाॽआङ् आङ्गाॽ खुने़ॽ सेगुङ्ङाङ् वाॽ॥ खे़ल्ले़चोगुल्ले़ यहवे दाङ्बाल्ले़ अब्राहाम्मिन्नु चोगुबा माङ्हुप्पिन् के़त्ल चोगुरो॥”
Piblisite