10 खुने़ॽ साॽरिक् कुसे़त् लाःक्ते़आङ् थेइ चामा निङ्वाॽ चोगुआङ् वये़, हे़क्क्याङ् वेॽहाॽरे़ चा मे़जोगुर मे़बत्छे़ल्ले़ कुधना ले़क्खे़रो॥
“हे़क्क्याङ् इङ्गाॽ यरुसले़म्मो याम्मो नुःक्खाङ् पेगाङ्ङाङ् माङ्हिम्मो तुवा चोःक्कि युङाङ्ङिल्ले़ इङ्गाॽ सुफो निसुङ्लो॥
दाङ्बाल्ले़ कुये़न्नो सेसेमाङ्ङिल्ले़ थुक्ताङ्ङाङ् वयाङ्ङिल्ले़ आएगाङ्लाम् थुत्थुरिःप्पाल्ले़ पयम् यम्बा कुइक्ला हे़क्तङ्बा इक्लाधिक् खे़प्सुङ्॥
कुदाःन्दिक् तानाम्सा ये़सुन् कुहुॽसाम्बाहाॽनु ये़क्यक्को नुःक्खे़आङ् पेर पत्छे़ल्ले़ कुसे़त्लाःक्ते़॥
खे़प्मो खुने़ॽ लिबोङ् (४०) से़न्दिक् नु ले़न्दिक् थारिक् थेआङ् मे़जने़न्नाङ् साॽरिक् कुसे़त्लाःक्ते़रो॥
निङ्वाॽफुमाङ्ङिल्ले़ कुसुफोहाॽओ खुने़ॽ आङ्गाॽ इस्राइल लाजेॽओ तेॽराङ्बा निसुङ्, हे़क्क्याङ् लत्छा साॽरिक् केःम्बा कोःक्मा सम्धाङ् युक्खाङ्॥ खे़प्मोलाम् आङ्गाॽ यो लाङ्गे़त् ले़प्माङ् कुभा हिम्हाॽ के़युङ्बा लत्छा ये़क्यक् हे़क्तङ्बाधिक् निसुङ्॥
खे़न् एगाङ् बेबिलोनओ मे़दे़म्सु मे़देॽरुसिआङ् के़वाॽबाहाॽओ निङ्वाॽफुमाङ्ङिल्ले़ कुयाम्साम्मिल्ले़ आङ्गाॽ सुफोओ याम्मो याङ्ना के़त्ताङ्॥ हे़क्केलॽरिक् आङ्गाॽ यरुसले़ःम्मो पेगाङ्ङिल्ले़ निसुङ्बा सुफोन् नुबे़॥
निङ्वाॽफुमाङ्ङिल्ले़ कुबाःन्जाक् के़घे़म्बे़ल्ले़ के़रे़क्नुःल्ले़ यम्बा निङ्वाॽफुमाङ्लाम् सिक्कुम्दिङ् निङ्वाॽ खोसुरो, खुने़ॽ मुक्साम्दाङ्बालाम् सुफो निसुरो खुने़ॽ साम्बोन् फन्छिङ्ङाङ् से़वा मे़त्तुरो, हे़क्क्याङ् खे़ल्ले़ कुमिक्किन् हङ् लॽ लॽरिक् पाःत्तुरो॥
निङ्वाॽफुमाङ्ङिल्ले़ कुबाःन्जाक् के़घे़म्बे़ल्ले़ अक्खे पाःत्तुरो, खुने़ॽ मुक्साम्दाङ्बान् लाम् सुफो निसुरो, खुने़ॽ साम्बोन् फन्छिङ्ङाङ् से़वा मे़त्तुरो, हे़क्क्याङ् खे़ल्ले़ कुमिक्किन् हङ् लॽरो॥
“इङ्गाॽ जोप्पा ये़क्यक्को तुवा चोःक्कि वयाङ्ङिल्ले़ सुफोधिक् निसुङ्॥ ताङ्साक्पोलाम् यम्बा तेत् हे़क्तङ्बान् लिसि कुसुक्पो खेःङ्मनाबा आबेसाङ् मक्थ्ये़बा इङ्गाॽ निसुङ्॥