सेःक्‌युक्‍मिबाहाॽ 1:4 - लिम्‍बु

⁴ थिक्‍ले़ङ् खुने़ॽ खे़ङ्‌हाॽनु चर युङे़ल्‍ले़ अक्‍खे मे़त्तुसि, “यरुसले़म ले़रे़म्‍मे़ॽआङ् आल्‍लोसा मे़बेगे़म्‍मिन्‍ने़ॽओ, कर साङ्‌ग्राम्‍पेदाङ्‌ङोबा पानुदिङ् आम्‍बारे़ सेसेमाङ् पिनिङ् लॽरिक् चोगुबा माङ्‌हे़क्‍किन् हाङ्‌घे़म्‍मे़ॽ॥ कङ्‌ग तगि मे़त्‍निङ्‌बा के़घे़प्‍सुम्‍माङ् के़वयिॽरो॥

सेःक्‌युक्‍मिबाहाॽ 1:4 Referans Kwoze

लुका 24:49

“आल्‍ल खे़प्‍से़म्‍मे़ॽओ, इङ्‌गाॽ पानुदिङ् आम्‍बारे़ चोगुबा माङ्‌हे़क्‍किन् खिनिॽओ पाङ्‌घुङ् युसुङ्‌लो, कर निङ्‌वाॽफुमाङ्‌लाम् मुक्‍साम्‍मिल्‍ले़ कुधिम् मे़म्‍बोङ्‌ङे थारिक् बा कन् ये़क्‌यक्‍कोए वये़म्‍मे़ॽओ॥”

युहुन्‍ना 14:16

इङ्‌गाॽ पानुदिङ् पाःन्‍नु पेलिगे़न् तुवा चोगुङ्‌लो, हे़क्‍क्‍याङ् खुने़ॽग खिनिॽनु सदादिङ् वाॽर फाॽआङ् वेॽ कुभाॽ के़बिबाधिक् के़बिरिॽरो॥

युहुन्‍ना 15:26

“आल्‍ल पानुदिङ् पालाम् कुभाॽ के़बिबा सेसेमाङ्‌ङिन् खिनिॽओ पाङ्‌घुङ्‌लो॥ खुने़ॽग पानुदिङ् पाःलाम्‍बा के़युःबा से़क्‍खाओ लाम्‍गे़लोबा सेसेमाङ्‌लो, खुने़ॽए इङ्‌गाॽ आयाःम्‍बेओ तोःन्‍दि के़बिरिॽरो॥

सेःक्‌युक्‍मिबाहाॽ 2:33

हे़क्‍क्‍याङ् खुने़ॽ पानुदिङ् पा निङ्‌वाॽफुमाङ्‌ङिल्‍ले़ कुजुप्‍साङ् ले़प्‍माङ् युक्‍खु॥ खुने़ॽ निङ्‌वाॽफुपालाम् सेसेमाङ्‌ङिल्‍ले़न् माङ्‌हे़क्‍किन् खोसुआङ् आनिगे़ओ थासुबान् खिनिॽ आबाङे के़निसुम् के़घे़प्‍सुम्‍माङ् के़वयिॽरो॥

युहुन्‍ना 7:39

कङ्‌ग ये़सुरे़ सेसेमाङ्‌ङिल्‍ले़ कुयाःम्‍बेओ पाःत्तुबारो॥ थेआङ्‌भे़ल्‍ले़ खुने़ॽओ नसान् के़जोःक्‍पाहाॽरे़ सेसेमाङ्‌ङिन् मे़घोसुबा पोःक्‍खे़आङ् वये़रो॥ सेसेमाङ्‌ङिन् खे़न् ये़म् थारिक् मे़म्‍बाङ्‌ङे वये़रो, थेआङ्‌भे़ल्‍ले़ ये़सुन् साङ्‌ग्राम्‍पेदाङ्‌ङो मे़न्‍नुःङ् मे़म्‍बेःक्‍के वये़रो॥

युहुन्‍ना 20:22

हे़क्‍क्‍याङ् ये़सुरे़ खे़ङ्‌हाॽओ साङ्‌गुगे़न् सक्‍माःल्‍ले़ मुःत्तुसिर अक्‍खे मे़त्तुसि, “सेसेमाङ्‌ङिन् ताःक्‍ते़म्‍मे़ॽओ॥

लुका 12:12

हाबा खे़न् ये़म्‍मो थे पाःप्‍मा पोङ् फाॽआङ् सेसेमाङ्‌ङिल्‍ले़ खिनिॽ के़हुॽरिॽरो॥”

लुका 11:13

खिनिॽ फे़न्‍निङ्‌वाॽ के़गत्तुम्‍साङ् आबाङे साःहाॽ नुबा चिगक्‌वाहाॽ पिमासि के़ले़स्‍सुम्‍मिल्‍ले़, खिनिॽ साङ्‌ग्राम्‍पेदाङ्‌ङोबा पाःल्‍ले़आङ् सेसेमाङ्‌ङिन् खिनिॽ के़नाःक्‍तुम्‍मिल्‍ले़ से़क्‍खासाङ् के़बिरिॽएरो॥”

सेःक्‌युक्‍मिबाहाॽ 10:41

खुने़ॽग काक् यहुदिहाॽनुग मेःन्, कर निङ्‌वाॽफुमाङ्‌ङिल्‍ले़ कुदोःन्‍दि पिसे़ सेगिगे़बाहाॽनु ओसेःन्‍धाक्‍सिङ्‌लो॥ खुने़ॽ सिमे़न्‍लाम् हिङे़आङ् आनिगे खुने़ॽनुए सोरिक् चाःम्‍ना थुङ्‌मनारो॥

मत्ति 10:20

थेआङ्‌भे़ल्‍ले़ खिनिॽ आबाङे के़म्‍बारिन् कर खिनिॽ पानुदिङ् पाः निङ्‌वाॽफुमाङ्‌ङिल्‍ले़ कुसेसेमाङ्‌ङिन् खिनिॽलाम्‍बा पाःत्‍लो॥

खानिःत् 9:22

नियान् इग्र लाधिक् किग्र तङ्‌बेधिक् थारिक्‍साङ् सेसे साःङ्‌गाहिम्‍मिल्‍ले़ कुसम्‍धाङ् खाॽमिःत्ते़न् पत्‍छे़र थारिक् इस्राइलिहाॽ लाम् मे़न्‍धासिङ्‌ङिन्, कर खाॽमिःत्ते़न् इःङ्‌सिङ्‌नुमे़ःन्‍ने खे़ङ्‌हाॽ लाम् मे़धासिङ्॥