सेःक्‌युक्‍मिबाहाॽ 1:11 - लिम्‍बु

¹¹ पारे़त्‍छि, “गालिलबा मनासे, थेआङ् ताङ्‌साक्‍पो ओगे़मे़त्तुम्‍बाबे? ये़सुन् साङ्‌ग्राम्‍पेदाङ्‌ङो थोधो पङ्‌सिङ् पेबा हे़क्‍केए खुने़ॽ थिक्‌ये़न् याम्‍मो युरो॥”

सेःक्‌युक्‍मिबाहाॽ 1:11 Referans Kwoze

सुफो 1:7

ओमे़त्ते़म्‍मे़ॽ, खुने़ॽग खाप्‍मिःप्‍पो युःर पत्‍लो॥ हे़क्‍क्‍याङ् काक् मे़न्‍छाम्‍गे़न् याप्‍मिहाॽ नु खुने़ॽ के़धुप्‍पाहाॽरे़आङ् मे़निसुॽरो॥ हे़क्‍क्‍याङ् इक्‍सादिङ् खाम्‍बेःक्‍मोबा के़रे़क् मे़न्‍छाम् सुवाङ्‌हाॽ खुने़ॽ चोगुल्‍ले़ मे़रिङ् मे़धक्‍लो॥ हाराॽ अक्‍खेए पोङ्‌लरो! आमे़न्॥

१ थिस्‍सलोनिकि 4:16

थेआङ्‌भे़ल्‍ले़ तुम्‍माङ्‌लाइङ्‌बाल्‍ले़ कुइक्‍ला हे़क्‍क्‍याङ् निङ्‌वाॽफुमाङ्‌ङिल्‍ले़ कुधुत्तुरिःप्‍पाल्‍ले़ कुइक्‍लानु दाङ्‌बान्‍ने साङ्‌ग्राम्‍पेदाङ्‌लाम् यम्‍बा इक्‍लाओ अःक्‍ल युरो॥ हे़क्‍क्‍याङ् काक् ख्रिस्‍ते़न् नसान् के़जोःक्‍पाआङ् के़सिबाहाॽ सिमे़न्‍लाम् हिङ्‌मन्‍नो काक्‍नु तगि मे़हिङ्‌ङाङ् मे़बोक्‍लो॥

मर्कुस 13:26

हे़क्‍क्‍याङ् मे़न्‍छाम्‍सान् खाप्‍मिःत्तो यम्‍बा मुक्‍साम् हे़क्‍क्‍याङ् मिमिदिङ्‌ङिन्‍नु युर पप्‍पा मे़न्‍छाम् याप्‍मिहाॽरे़ मे़निसुॽरो॥

युहुन्‍ना 14:3

हे़क्‍क्‍याङ् इङ्‌गाॽ पेःक्‍काआङ् खिनिॽ लागि युङ्‌दे़न् यारिप् चोगुङ्‌ङाङ् याम्‍मो युआ हे़क्‍क्‍याङ् खिनिॽआङ् तेॽनिङ्‌लो॥ हे़क्‍केलॽरिक् इङ्‌गाॽ आत्ति वाॽआ खे़प्‍मो खिनिॽआङ् के़वयिॽरो॥

मत्ति 25:31

“मे़न्‍छाम्‍सान् कुमिमिदिङ्‌ङो के़रे़क् कुमाङ्‌लाइङ्‌बाहाॽनु युःल्‍ले़ खुने़ॽ मिमिदिङ्‌गे़न् कुहाङ्‌युक्‍नाओ युङ्‌सिङ्‌लो॥

मत्ति 24:30

हे़क्‍क्‍याङ् खे़न् ये़म्‍मो ताङ्‌साक्‍पो मे़न्‍छाम्‍साःल्‍ले़ कुयुमाल्‍ले़न् मिक्‍सेःन्‍निन् थाःप्‍पाङ् इक्‍सादिङ् खाम्‍बेःक्‍मोबा के़रे़क् मे़न्‍छाम् सुवाङ्‌हाॽ मे़रिङ् मे़धक्‍लो॥ खे़ङ्‌हाॽरे़ मे़न्‍छाम्‍सान् ताङ्‌साक्‍पो मुक्‍साम् हे़क्‍क्‍याङ् पयम् मिमिदिङ्‌ङिन्‍नु खाप्‍मिःत्तो युःर पप्‍पा मे़निसुॽरो॥

मत्ति 16:27

थेआङ्‌भे़ल्‍ले़ इङ्‌गाॽ मे़न्‍छाम्‍सान् पानुदिङ् आम्‍बारे़ कुमिमिदिङ्‌ङो कुमाङ्‌लाइङ्‌बाहाॽनु युःआल्‍ले़ के़रे़क् मे़न्‍छाम् याप्‍मिहाॽरे़ मे़जोगुबा याःम्‍बक्‍किल्‍ले़न् लाॽरुबा थुम्‍घोन् पिरुङ्‌सिङ्‌लो॥

१ थिस्‍सलोनिकि 1:10

हे़क्‍क्‍याङ् निङ्‌वाॽफुमाङ्‌ङिल्‍ले़ सिमे़न्‍लाम् याम्‍मो हिङ्‌घुबा कुस्‍सा ये़सुरे़ साङ्‌ग्राम्‍पेदाङ्‌लाम् कुयुमे़न् के़हाङ्‌घुम्‍बान् मे़मे़त्तिगे़आङ् वाॽरो॥ खुने़ॽए के़दाबा निङ्‌वाॽफुमाङ्‌ङिल्‍ले़ कुघुम्‍दिङ्‌लाम् ताङ्‌आसे़ःप्‍लो॥

लुका 21:27

हे़क्‍क्‍याङ् मे़न्‍छाम्‍सान् खाप्‍मिःत्तो यम्‍बा मुक्‍साम् हे़क्‍क्‍याङ् मिमिदिङ्‌नु युर पप्‍पा मे़न्‍छाम् याप्‍मिहाॽरे़ मे़निसुॽरो॥

सेःक्‌युक्‍मिबाहाॽ 13:31

हे़क्‍क्‍याङ् यरिक् ये़न् थारिक् खुने़ॽनु गालिललाम् यरुसले़म थारिक् लाम्‍दिक् के़जोःक्‍पाहाॽरो ओसेःन्‍धाक्‍सिङ्‌ल वये़रो॥ आल्‍ल खे़ङ्‌हाॽ इस्राइलसमा मनाहाॽरे़ लागि तोःन्‍दि मे़वाॽरो॥

लुका 24:5

खे़ङ्‌हाॽ खुनिॽ यङ्‌मा के़रे़आङ् खाम्‍मो साम्‍बोन् हबत् मे़बोःक्‍खे़ल्‍ले़ खे़ङ्‌हाॽरे़ खे़न् मे़न्‍छुमाहाॽ थेआङ् खिनिॽ कुहिङ्‌वे़त् मनान् कुसिवे़त् मनालुम्‍मो के़गोःत्तुम्‍बाबे फाॽआङ् सेःन्‍मे़दोसुसि॥

सेःक्‌युक्‍मिबाहाॽ 3:12

हे़क्‍क्‍याङ् पत्रुसरे़ खे़ङ्‌हाॽ ओमे़त्तुसिर मे़त्तुसि, “इस्राइलिसे, कन् पाःन्‍नो थेआङ् खिनिॽ निङ्‌वाॽ मये़बाबे? थेआङ् कन् मनान् आन्‍छिगे मुक्‍साम् नु साम्‌योबाल्‍ले़ लाङ्‌गे़घेःक्‍पा चोगुबा फाॽआङ् याप्‍मि ओगे़मे़त्तिबाबे?

सेःक्‌युक्‍मिबाहाॽ 2:7

हे़क्‍क्‍याङ् खे़ङ्‌हाॽरे़ खुनिॽ निङ्‌वाॽ मये़आङ् सेःन्‍मे़दोसुसि, “मे़ःम्‍बे़! कन् काक् के़बाःप्‍पाहाॽग गालिलिसि मे़ःन्‍छिबि?

मर्कुस 14:70

कर पत्रुसरे़ याम्‍मो नाॽरु॥ याङ्‌सि खे़प्‍मो के़वाॽबा मनाहाॽरे़ खुने़ॽ मे़निसुआङ् मे़मे़त्तु, “से़क्‍खासाङ् खे़ङ्‌हाॽओ खे़ने़ॽ थिक्‍ने़रो, थेआङ्‌भे़ल्‍ले़ खे़ने़ॽआङ् गालिललाम् के़द्‌ये़बारो॥”

मत्ति 16:28

इङ्‌गाॽ से़क्‍खाए मे़त्‍निङ्, इङ्‌गाॽ मे़न्‍छाम्‍सान् आहाङ्‌जुम्‍मो हाङ् चोःक्‍से़ युःआबा मे़न्‍निए थारिक् कप्‍मो के़ये़प्‍पाहाॽओ कुभाग मे़न्‍छिने़न्‍लो॥”

मर्कुस 16:19

हे़क्‍क्‍याङ् दाङ्‌बा ये़सुरे़ हे़क्‍के पाःत्तु सुरुआङ् खुने़ॽ थाःङ्‌धाःङ् साङ्‌ग्राम्‍पेदाङ् ले़प्‍माङ् थो पक्‍खे़र पेआङ् निङ्‌वाॽफुमाङ्‌ङिल्‍ले़ कुजुप्‍साङ् ले़प्‍माङ् युङ्‌सिङ्‌लो॥

सेःक्‌युक्‍मिबाहाॽ 1:9

ये़सुरे़ हे़क्‍के पाःत्तु सुरुआङ् खुने़ॽ ओमे़मे़त्तुर मे़बत्‍छे़ल्‍ले़ए थाःङ्‌धाःङ् साङ्‌ग्राम्‍पेदाङ् ले़प्‍माङ् पक्‍खे़र खाप्‍मिःत्तिल्‍ले़ इःप्‍तु तेॽरुरो॥

सेःक्‌युक्‍मिबाहाॽ 1:22

खुने़ॽ युहुन्‍नारे़ चोगुबा बप्‍तिस्‍माआङ्‌धो दाङ्‌बा ये़सुन् आनिॽ लुम्‍मोनु साङ्‌ग्राम्‍पेदाङ् पेबा थारिक् के़निबा पोङ्‌मा पोङ्॥ खुने़ॽ आनिॽनुए दाङ्‌बा ये़सुन् सिमे़न्‍लाम् याम्‍मो कुहिङ्‌वे़त् पोःक्‍खे़बा पाःन्‍निल्‍ले़न् तोःन्‍दि पोङ्‌मा पोङ्‌लो॥”

सेःक्‌युक्‍मिबाहाॽ 3:21

हे़क्‍क्‍याङ् निङ्‌वाॽफुमाङ्‌ङिल्‍ले़ तगिनुसाए कुसेसे माङ्‌निङ्‌वाॽपान् के़बाःप्‍पाहाॽरे़ मे़बाःत्तुबा कुइसिक् के़रे़क् पाःन्‍हाॽ याम्‍मो कुसङ् मे़न्‍जोःक्‍के थारिक् ये़सु ख्रिस्‍ते़न् साङ्‌ग्राम्‍पेदाङ्‌ङो वाॽमा पोङ् फाॽआङ् पाःत्तुआङ् वाॽ॥

हिब्रु 9:28

ख्रिस्‍ते़न् काक् मनाहाॽरे़ खुनिॽ लायोहाॽ कुसे़ थिक्‍ले़ङ्‌मो सिदुङ्‌जभा पोःक्‍खे़, हे़क्‍क्‍याङ् याम्‍मो युःल्‍ले़ आनिॽ लायोहाॽ कुसे़ग मेःन्, कर खुने़ॽ कुयुमान् निङ्‌वाॽ इगेःक्‍काङ् के़हाङ्‌बाहाॽ से़न्‍लप् पिसे़ने़ युःरो॥