२ तिमोथि 4:20 - लिम्‍बु

²⁰ इरास्‍तसे़न् कोरन्‍थिओ वये़ लारे़रो॥ हे़क्‍क्‍याङ् त्रोफिमसे़न् तुगे़र वये़बाल्‍ले़ मिलेतसओए पक्‍थाङ्‌लो॥

२ तिमोथि 4:20 Referans Kwoze

सेःक्‌युक्‍मिबाहाॽ 20:4

हे़क्‍क्‍याङ् बेरिया के़युङ्‌बा पुरसरे़ कुस्‍सा सोपात्रोस, थिस्‍सलोनिकालाम् अरिस्‍तार्खस नु सिकन्‍दस, दर्बिलाम् गायस, गलातियालाम् तिमोथि, हे़क्‍क्‍याङ् एसियासमा ते़ङ्‌गप्‍पोलाम् तुखिकस नु त्रोफिमससि खुने़ॽनुए मे़वये़रो॥

सेःक्‌युक्‍मिबाहाॽ 19:22

हे़क्‍क्‍याङ् खुने़ॽ कुभाॽ के़बिबा ने़प्‍फु कुन्‍जुम्‍हाॽ तिमोथि नु इरास्‍तसे़न् तगि मे़सेदोनियाओ पाङ्‌घुसिआङ् खुने़ॽग एसिया ते़ङ्‌गप्‍पोए कुभा ये़न् याःक्‍ते़रो॥

रोमि 16:23

आहिम्‍दाङ्‌बा गायसरे़ खिनिॽ से़वा के़हाक्‍तिआङ् वाॽरो॥ कप्‍मो गायसरे़ कुहिम्‍मो के़जुम्‍बा सेसेहुप्‍लक्‍कोबा नसानिबाहाॽरे़आङ् से़वा के़म्‍हाक्‍तिआङ् वाॽरो॥ कन् ये़क्‌यक्‍कोबा याङ्‌गे़युङ्‌बा इरास्‍तस नु आनिॽ नसानिबा चुम् क्‍वार्तसरे़आङ् से़वा हाङे़त्‍छुआङ् वाॽरो॥

सेःक्‌युक्‍मिबाहाॽ 20:15

खे़प्‍मोलाम् आनिगे कुदाःन्‍दिक्‍मा खियस वागप्‍खाम्‍मो के़प्‍मना॥ हे़क्‍क्‍याङ् कुआत्‍छिन्‍दाःन् सामोस वागप्‍खाम्‍मो के़प्‍मनाआङ् कुआक्‍खे़न्‍दान् मिलेतस ये़क्‌यक्‍को ताःम्‍नारो॥

सेःक्‌युक्‍मिबाहाॽ 20:17

पावलरे़ मिलेतस्‍लाम् एफिससमा सेसेहुप्‍लक्‍पा तुम्‍लाम्‍लोबाहाॽ कुदुम्‍से़ उःत्तुसि॥

सेःक्‌युक्‍मिबाहाॽ 18:1

खे़न् एगाङ् पावले़न् ए़थे़न्‍सलाम् कोरन्‍थि ये़क्‌यक्‍को पे॥

सेःक्‌युक्‍मिबाहाॽ 18:8

क्रिस्‍पस मे़प्‍मनाबा यहुदि चुम्‍लुङ्‌हिम्‍मोबा लाम्‍लोबे़न् नु कुहिम्‍सयङ्‌हाॽरे़आङ् नसान् मे़जोगु॥ हे़क्‍केलॽरिक् कोरन्‍थिबा यरिक् वेॽ मनाहाॽरे़ सुनाइङ् मे़घे़प्‍सुआङ् नसान् मे़जोगुर बप्‍तिस्‍मा मे़बोःक्‍खे़रो॥