२ तिमोथि 4:18 - लिम्बु18 दाङ्बाल्ले़ इङ्गाॽ काक् फे़न् पाःन्नोलाम् से़ःप्पाआङ् साङ्ग्राम्पेदाङ्बा कुहाङ्जुम्मो कम्ब्राङ् मे़त्तार तेॽआरो॥ दाङ्बाल्ले़ कुमिमिदिङ्ङिन् सदादिङ् नु सदादिङ् पोङ्निरो॥ आमे़न्॥ Gade chapit la |
हे़क्क्याङ् बा खे़ल्ले़चोगुल्ले़ए इङ्गाॽ तुक्खे चाआर वाॽआरो॥ कर इङ्गाॽ सिरिङ् मे़मआन्लो, थेआङ्भे़ल्ले़ हात् इङ्गाॽ नसान् चोगुङ्ङाङ् वाॽआ फाॽआङ् नुरिक्काङ् निसुङ्ङाङ् वाॽआरो, हे़क्क्याङ् इङ्गाॽ कुहुक्को पिरुङ्बा पाःन्हाॽ निङ्वाॽफुमाङ्ङिल्ले़ कुनुःङ्मा युमा ये़न् थारिक् से़ःप्तुआङ् कत्तुॽ फाॽआङ् इङ्गाॽ निस्से वाॽआरो॥
खुने़ॽग अक्तङ्बा किप्मा के़घुबा सिमे़न्लाम् से़ःप्तिगे़ हे़क्क्याङ् ताःन्दिआङ् से़ःप्तिगे़रो॥ खुने़ॽ चक्मे़ल्लॽए याम्मोआङ् से़ःप्तिगे़ हे़क्क्याङ् खिनिॽ तुवा चोःक्नु कुभाॽ याप्मि के़बिरिॽ फाॽआङ् खुने़ॽओ निङ्साङ् चोगुम्बे़आङ् वयिगे़रो॥ हे़क्क्याङ् यरिक् मनाहाॽरे़ आनिगे लागि मे़जोगुबा तुवाःल्ले़न् नोगप्पो निङ्वाॽफुमाङ्ङिल्ले़ आनिगे मुॽइसाम् पिरिगे़ॽ हे़क्क्याङ् आनिगे लागि निङ्वाॽफुमाङ्ङिन् नोगे़न् मे़बिरुॽरो॥
याबेसरे़ अक्खे पाःत्तुआङ् इस्राइलिहाॽरे़ खुन्छिॽ निङ्वाॽफुमाङ्ङिन् पेलि फाक्तु, “पेलि फाक्ने़, आङ्गाॽ हाङ्वागे़न् यरिक् मुॽइसाम् पिराङ्ङे़ॽआङ् आलाजेॽ सिङ्बुङ्हाॽ फोसाङ् पिराङ्ङे़ॽओ! आदाङ्बारे़ कुहुक्किन् आसम्धाङ् पत्ल, हे़क्क्याङ् के़साक्पालाम् से़ःप्ताङ्ङे़ॽओ, हे़क्केलॽरिक् आक्तङ्बा परिक्ले़ काःन्नासाङ् मे़दुक्ने़न्लरो॥” हे़क्क्याङ् निङ्वाॽफुमाङ्ङिल्ले़ खे़ल्ले़ कुबेलिन् के़त्तुरो॥
खिनिॽ हिङ्मन्नो के़दाबा काक् हङ्साॽमाहाॽ मे़न्छाम् याप्मिलुम्मो के़दाबा कुइसिक् चोक्लो॥ निङ्वाॽफुमाङ्ङिङ्ग नसाःन्साबा चोक्लो॥ खुने़ॽग खिनिॽ थम्मा के़न्छुक्तुम्मिम्बा हङ्साॽमाओ थाःमा के़म्बाङ्घिन्लो॥ कर थम्मा के़सुक्तुम्ल फाॽआङ् खिनिॽ हङ्साॽमाओ के़ध्ये़ॽइल्ले़ खुने़ॽए खे़प्मोलाम् ताङ्से़ःप्सिङ्मा लाम्माङ् के़बिरिॽरो॥
के़रे़क् काःम्मालाम् याप्मि ताङ्गे़से़ःप्पा माङ्लाइङ्बाल्ले़ निङ्वाॽफुमाङ्ङिल्ले़ कन् अङे़ःक्वाहाॽ हाङ्वा मुॽइसाम् पिरुसिररो॥ कङ्हाॽओए आङ्गाॽ आमिङ्ङिन् वाॽररो, हे़क्क्याङ् आङ्गाॽ आम्बा अब्राहाम नु इसहाक्के़ल्ले़ खुन्छिॽ मिङ् सदादिङ् वाॽररो, हे़क्क्याङ् इक्सादिङ् खाम्बेःक्मो कङ्हाॽ निःत्मे़न्दे़त्ते थारिक् मे़बोःन्लरो॥”
दाउदरे़ नाबाले़न् स्ये़ के़लॽबा खे़प्सु, खे़ल्ले़ पाःत्तु, “खे़ल्ले़ चोगुबा ताप्फे़ःम्बा याःम्बक्किल्ले़ कुलागि खासे़न् के़जोःक्पा नु खुने़ॽ कुसे़वारोबान् ताप्फे़ःम्बा याःम्बक् चोःक्मालाम् के़से़ःप्पा यहवे दाङ्बे़ल्ले़ कुनारा पोररो॥ नाबालरे़ चोगुबा फे़न्याःम्बक्किन् आबाङे कुधे़गेःक्पो थासु पिरुआङ् वाॽ॥” खे़ब्याङ् दाउदरे़ अबिगेले़न् खुने़ॽ कुमेत् पोङ्मा सुक्पि मे़सुक्ने़म्बि फाॽआङ् इङ्घङ् हाङुदेसु॥