२ तिमोथि 4:15 - लिम्‍बु

¹⁵ खे़ने़ॽआङ् खे़न्‍नु सिङ्‌सिङ् ये़क्‌ये़क् वये़ॽ, थेआङ्‌भे़ल्‍ले़ खे़ल्‍ले़ आनिगे निसाम्‍मिन् साॽरिक् अत्तुरो॥

२ तिमोथि 4:15 Referans Kwoze

२ तिमोथि 3:8

जेन्‍नस नु जेम्‍ब्रससिरे़ मोसान् मे़अत्तुबा कुइसिक् खे़न् मनाहाॽरे़ से़क्‍खान् मे़अत्तुरो॥ खे़न् मनाहाॽ फे़न्‍निङ्‌वाॽबासिरो, हे़क्‍क्‍याङ् खुनिॽ नसाःन्‍निन् से़क्‍खाबा मे़जोक्‍ने़न्॥

फिलिप्‍पि 3:2

हर्दो हे़क्‍मा के़बाङ्‌बाहाॽनु सिङ्‌सिङ् लॽरे़म्‍मे़ॽओ, थेआङ्‌भे़ल्‍ले़ खे़ङ्‌हाॽग किप्‍मा के़घुबा ख्‍याबा हे़क्‍तङ्‌बासिरो॥

२ तिमोथि 4:14

फे़न् के़धक्‍पा अलेक्‍जेन्‍दरले़ इङ्‌गाॽ साॽरिक् तुक्‍खे चाःत्ताङ्‌लो॥ दाङ्‌बाल्‍ले़ हाराॽ कुयाःम्‍बक् कुइसिक् पिरुनिरो॥

२ तिमोथि 4:16

थिक्‍सिगेःक्‍पो इङ्‌गाॽ खासे़न्‍लोबाल्‍लो मे़दाराङ्‌ङिल्‍ले़ आत्तिन्‍हाॽरे़आङ् याप्‍मि कुभाॽ मे़म्‍बिराङ्‌ङिन्, कर के़रे़क्‍ले़ इङ्‌गाॽ मे़ले़राङ्‌ङाङ् मे़बेरो॥ कन् पाःन्‍नो निङ्‌वाॽफुमाङ्‌ङिल्‍ले़ खुनिॽ तक्‍ले़ङ्‌वाओ खासे़न् मे़जोगुन्‍निरो॥