हे़क्केसाङ् खे़ने़ॽ के़दक्ले़ङ्वाओ इङ्गाॽ लत्छा पाःन्धिक् पाःप्माए पोङ्—खे़ने़ॽग इजेबेल मे़प्मनामा मे़न्छुमाॽइन् नासि के़धःत्तुआङ् के़वाॽरो॥ खे़ल्ले़ आबाङे निङ्वाॽफुमाङ्ङिल्ले़ माङ्निङ्वाॽपान् के़बाःप्माआ लॽरिक् मे़त्छिङ्लो॥ कर इङ्गाॽ आसे़वारोबाहाॽ याम्बोःप्मा याःम्बक् चोःक्मा नु नावाइत्लाहाॽओ तोःम्मनाबा चाहाॽ चामा हुॽरुसिआङ् इङ्ले़क्तुसि॥
२ तिमोथि 3:8 - लिम्बु8 जेन्नस नु जेम्ब्रससिरे़ मोसान् मे़अत्तुबा कुइसिक् खे़न् मनाहाॽरे़ से़क्खान् मे़अत्तुरो॥ खे़न् मनाहाॽ फे़न्निङ्वाॽबासिरो, हे़क्क्याङ् खुनिॽ नसाःन्निन् से़क्खाबा मे़जोक्ने़न्॥ Gade chapit la |
२ तिमोथि 3:8
31 Referans Kwoze
आमिःम् आन्जुम्से, यरिक् इङ्ले़क्पा माङ्निङ्वाॽपान् के़बाःप्पाहाॽ इक्सादिङ् खाम्बेःक्मो के़रे़क् पिसाङ् मे़लःन्दे़आङ् मे़वाॽरो॥ खे़ल्ले़चोगुल्ले़ इङ्गाॽ सेसेमाङ्लाम् पाःत्ता के़लॽबाहाॽ काक् नसान् मे़जोगे़म्सिम्मिन्ने़ॽओ, कर खे़ङ्हाॽ निङ्वाॽफुमाङ्लाम् के़दाबासिबि मेःम्बि फाॽआङ् साॽरे़म्सिम्मे़ॽओ॥
खे़ङ्हाॽरे़ खुनिॽ मिक्किल्ले़ ताप्फे़ःम्बा याम्दादाबा चाराम्मा याःम्बक्हाॽ मे़जोगुआङ् आक्खे़न् लायो मे़जोगुसाङ् खुनिॽ निङ्वाॽ मे़दाने़न्लो॥ खे़ङ्हाॽरे़ कुदोःप्मा मनाहाॽ लायोओ मे़धासुसिॽ॥ खे़ङ्हाॽरे़ग खिःम्मा याःम्बक् चोःक्मा साॽरिक् मे़ले़स्सुॽरो॥ खे़ङ्हाॽग निङ्वाॽफुमाङ्ङिल्ले़ कुसाङ्ग्रारे़ ते़त्तुसिबा मनासिरो॥
आमिःम् आस्सासे, कुनुप्मा ये़म्मिङ्ग निःत्ताङ्ङे वाॽरो॥ ख्रिस्तरे़ कुबिफ्युङ्ङिङ्ग ता लॽरिक् के़घे़प्सुम्माङ् के़वयिॽ॥ आल्लोसा खे़न् हे़क्तङ्बा ख्रिस्तरे़ कुबिफ्युङ्हाॽ यरिक् मे़द्ये़ मे़जुरे़आङ् मे़वाॽरो॥ खे़ल्ले़चोगुल्ले़ कन् पाःन्नोलाम् कुनुप्मा ये़म्मिन् निःत्ताङ्ङे वाॽ के़लॽबा पाःन्निन् कुसिङ् आनिःत्तुम्लो॥
Piblisite