२ तिमोथि 3:13 - लिम्‍बु

¹³ कर फे़न् याःम्‍बक् के़जोःक्‍पा मना नु इङ्‌गे़ले़क्‍पा मनाहाॽग वेॽ मनाहाॽ इङ्‌ले़क्‍तुम्‍सिम्‍बा, ताप्‍फे़ःल्‍लिक् मे़त्तुम्‍सिम्‍बा लॽरिक् मे़इःत्तुर मे़बेःक्‍किल्‍ले़ आप्‍फेक् इङ्‌मे़ले़क्‍सिङ्‌ल साॽरिक्‍काङ् ताप्‍फे़ःम्‍बा मे़बोङ्‌ल मे़बेःक्‍लो॥

२ तिमोथि 3:13 Referans Kwoze

१ तिमोथि 4:1

आल्‍ल सेसेमाङ्‌ङिल्‍ले़ नुरिक्‍काङ् आनिॽ अक्‍खे आमे़त्ते़आङ् आवाॽरो, ताःन्‍दि के़दाबा ये़म्‍मो कुभा मनाहाॽरे़ नसाःन्‍निन् मे़ले़रुआङ् इङ्‌ले़क्‍केबा फे़न्‍साम्‍हाॽरे़ मे़हुॽरुसिबा निसाम्‍बुङ्‌ङिन् मे़इःत्तु मे़नाःत्तुॽरो॥

२ पत्रुस 2:20

कर खे़ङ्‌हाॽरे़ दाङ्‌बा नु से़न्‍लप्‍दाङ्‌बा ये़सु ख्रिस्‍ते़न् कुसिङ् मे़निःत्तुआङ् इक्‍सादिङ् खाम्‍बेःक्‍मोबा आजिःन्‍जिःम्‍बा पाःन्‍लाम् मे़लन् हे़क्‍क्‍याङ् याम्‍मो मे़नुःङ् मे़बेःक्‍ने़ फाॽग्र खे़ङ्‌हाॽरे़ लागि तगिनुःल्‍ले़आङ् कुनुप्‍मोग साॽरिक् ताप्‍फे़ःम्‍बा पोङ्‌लो॥

तितस 3:3

थेआङ्‌भे़ल्‍ले़ आनिॽआङ् थिक्‍ले़ङ् अदङ् नु इङ्‌जाङ् इःप्‍मा नाःप्‍मा मे़न्‍दे़म्‍मनाबा, इङ्‌ले़क्‍के, याम्‍निङ्‌वाॽ तादा नु याम् तादारे़ आयुक्‍ते़आङ् आवये़रो॥ हे़क्‍केलॽरिक् सिक्‍पोःक्‍मा नु नाहे़म्‍माओ आवये़, हे़क्‍क्‍याङ् मनाहाॽ आजिःत्तुम्‍सिम्‍माङ् आवये़रो॥

२ तिमोथि 3:8

जेन्‍नस नु जेम्‍ब्रससिरे़ मोसान् मे़अत्तुबा कुइसिक् खे़न् मनाहाॽरे़ से़क्‍खान् मे़अत्तुरो॥ खे़न् मनाहाॽ फे़न्‍निङ्‌वाॽबासिरो, हे़क्‍क्‍याङ् खुनिॽ नसाःन्‍निन् से़क्‍खाबा मे़जोक्‍ने़न्॥

२ पत्रुस 3:3

काक्‍नु तगि खिनिॽ कन् पाःन्‍निन् कुसिङ् निःप्‍माए पोङ्‌लो॥ कुनुप्‍मा ये़न्‍हाॽओ किनाःन्‍दि के़बिबाहाॽ किनाःन्‍दि पिनु मे़दाआङ् खे़ङ्‌हाॽरे़ आबाङे खुनिॽ ताप्‍फे़ःम्‍बा निङ्‌वाॽओ मे़वाॽ

अयुब 12:16

मुक्‍किन् नु थङ् नाःम्‍माङ्‌ग निङ्‌वाॽफुमाङ्‌ङिल्‍ले़न्‍नेरो॥ इङ्‌गे़ले़क्‍पान् नु इङ्‌ले़क्‍को के़धाबान् ने़प्‍माङ् खुने़ॽ कुहुक्‍को वाॽसिरो॥

सुफो 13:14

थिक्‍सिगेक्‍पा किप्‍मा के़घुबा थक्‍साःल्‍ले़ कुले़क्‌वा खे़न् किप्‍मा के़घुबा थक्‍साःल्‍ले़ निङ्‌वाॽ के़माबा याःम्‍बक्‍हाॽ चोःक्‍मा खोसुआङ् इक्‍सादिङ् खाम्‍बेःक्‍मोबा मे़न्‍छाम् याप्‍मिहाॽ इङ्‌ले़क्‍तुसिरो॥ खे़ल्‍ले़ खे़न् सिमालिङ्‌धोओ थारिक् ताभेःल्‍ले़ के़गाःम्‍बाआङ् याम्‍मो के़हिङ्‌बा थिक्‍सिगेक्‍पा किप्‍मा के़घुबा थक्‍साःल्‍ले़ कुमिङ्‌सो कुधाःङ्‌सोओ नावाइत्‍ला चोक् पाङ्‌घुसिरो॥

सुफो 12:9

कन् पयम् यम्‍बा हन्‍दगेःक्‍गे़न् वासेरिःङ्‌ग उन्‍छोःन्‍बा असेःक्‍पे़न्‍लो, खे़ङ्‌ग इक्‍सादिङ् खाम्‍बेःक्‍मोबाहाॽ इङ्‌ले़क् के़मे़प्‍पा माफे़न्‍साम् इग्र सैतान मे़मे़त्तुरो॥ खे़ङ्‌ग कुमाङ्‌लाइङ्‌बाहाॽनु यो इक्‍सादिङ् खाम्‍बेःक्‍मो लाप्‍फुसे़रो॥

यसैया 44:20

खे़ल्‍ले़ खाप्‍पुःन् चरो, इङ्‌ले़क्‍के निङ्‌वाःल्‍ले़ खे़न् मुयःक् चोगुरो॥ खे़ल्‍ले़ कुसक्‍मा साम्‍मिन् से़ःप्‍मा मे़सुक्‍तुन्‍लो, अक्‍खे पाःप्‍माआङ् मे़सुक्‍तुन्‍लो, “थे आङ्‌गाॽ आजुक्‌वा हुक्‍को के़वाॽबा पाःन्‍निन् इङ्‌ले़क्‍केग मेःम्‍बि?”

सुफो 18:23

खे़ने़ॽओ याम्‍मो आप्‍फाल्‍ले़आङ् सेमि मे़ओःत्‍ने़न्‍लो, हे़क्‍क्‍याङ् सिसामेःत् नु नालिसाङ्‌ङिल्‍ले़ खुन्‍छिॽ इक्‍लाःन्‍नाङ् खे़ने़ॽओ याम्‍मो आप्‍फाल्‍ले़आङ् खे़म्‍मे़दे़त्‍ने़न्‍लो॥ खे़ने़ॽ के़ले़ङ्‌हङ्‌बाहाॽग इक्‍सादिङ् खाम्‍बेःक्‍मो मुक्‍साम्‍साबा नु के़इङ्‌बा के़धुम्‍बाहाॽ मे़वये़, हे़क्‍क्‍याङ् खे़ने़ॽ फे़न्‍साम् मुन्‍धुम्‍लाम् इक्‍सादिङ् खाम्‍बेःक्‍मोबा काक् मे़न्‍छाम् सुवाङ्‌हाॽ इङ्‌गे़ले़क्‍तुसिरो॥

२ कोरन्‍थि 6:8

मनाहाॽरे़ मिङ्‌सो इङ्‌धाङ् मे़बिरिगे़साङ् मे़म्‍बिरिगे़न्‍छाङ्, नुबा नु ताप्‍फे़ःम्‍बा मे़मे़त्तिगे़साङ्, आनिगे निङ्‌वाॽफुमाङ्‌ङिल्‍ले़ कुसे़वा चोगुम्‍बे़ॽरो॥ आनिगे कुदोःप्‍मा चोगिगे़ॽ कर इङ्‌ले़क्‍के मे़मे़त्तिगे़रो॥

इजकिएल 8:13

खे़ब्‍याङ् यहवे दाङ्‌बे़ल्‍ले़ याम्‍मो योॽरु, “फे़रे़ॽ, हे़क्‍क्‍याङ् कन्‍हाॽनुःल्‍ले़आङ् साॽरिक् याम्‍गे़सिङ्‌बा लायोहाॽ आङ्‌गाॽ खे़ने़ॽ ओःन्‍धाक्‍ने़!”