२ तिमोथि 3:1 - लिम्बु1 आल्ल कुनुप्मा ये़न्हाॽओ के़साक्पा ये़म् ताःॽ फाॽआङ् के़निङ्वाॽसोओ युक्खे़ॽओ॥ Gade chapit la |
२ तिमोथि 3:1
23 Referans Kwoze
आमिःम् आस्सासे, कुनुप्मा ये़म्मिङ्ग निःत्ताङ्ङे वाॽरो॥ ख्रिस्तरे़ कुबिफ्युङ्ङिङ्ग ता लॽरिक् के़घे़प्सुम्माङ् के़वयिॽ॥ आल्लोसा खे़न् हे़क्तङ्बा ख्रिस्तरे़ कुबिफ्युङ्हाॽ यरिक् मे़द्ये़ मे़जुरे़आङ् मे़वाॽरो॥ खे़ल्ले़चोगुल्ले़ कन् पाःन्नोलाम् कुनुप्मा ये़म्मिन् निःत्ताङ्ङे वाॽ के़लॽबा पाःन्निन् कुसिङ् आनिःत्तुम्लो॥
के़दाबा ये़म्मो यहवे दाङ्बे़ल्ले़ कुहिम् युङ्सिङ्बा यरुसले़म ये़क्यक्किन् इक्सादिङ् खाम्बेःक्को के़रे़क्नुःल्ले़ के़ये़क्पा पोङ्लो॥ इक्सादिङ् खाम्बेःक्मोबा के़रे़क् पिसाङ्बा कोःक्मा फाङ्जङ् थे़गु माङ्वाहाॽनुःल्ले़ खे़न् साॽरिक् के़ये़क्पा पोङ्लो, हे़क्क्याङ् के़रे़क् मे़न्छाम् याप्मिहाॽ खे़ॽयो माङ्से़वा चोःक्से़ मे़जुम् मे़दारो॥
हे़क्क्याङ् खाॽमिःत्ते़ल्ले़ लाजेन् पन्छुबा कुइसिक् खे़ने़ॽ आङ्गाॽ आमना इस्राइलिहाॽ थङ्ङो के़भत्तुसिॽ॥ ताःन्दि के़दाबा ये़म्मो, गोगए, आङ्गाॽ आलाजेःल्ले़ कुदक्ले़ङ्वाओ खे़ने़ॽ ताःत्ने़रो, हे़क्केलॽरिक् मनाहाॽरे़ खुन्छिॽ तगि खे़ने़ॽलाम्बा आसेसेन् ओसेःन्धाङ् चोगुङ्ङिल्ले़ आङ्गाॽए यहवे दाङ्बाआ फाॽआङ् के़रे़क् मे़न्छाम् सुवाङ्हाॽरे़ निङ्वाॽ मे़घोसुरो॥
खे़न् वहःङ्ङोबा च्वाःत् सम्धाङ् के़ये़प्पा नैनासुत् चाङ् के़जाङ्बा मनाःल्ले़ कुजुक्वा नु कुभे़ङ्वा हुक्हाॽ साङ्ग्राम्पेदाङ् ले़प्माङ् फोःक्खु, हे़क्क्याङ् सदादिङ् के़वाॽबे़ल्ले़ कुमिङ्ङो अक्खे पाःत्तुआङ् माङ्हे़क्सिङ्बे़न् आङ्गाॽ खे़प्सुङ्, “कन् ये़म्, ये़म्हाॽ नु कुभ्रे़ःङ् ये़म्ले़ लागि पोङ्ॽ॥ आल्ल सेसे मनाहाॽरे़ खुन्छिॽ मुक्साम्मिन् कुनुप्मो नुप्, खे़ब्याङ् कन् के़रे़क् पाःन्हाॽ के़त्लो॥”
“थाङ्गे़त् पिसाङ्बा हाङ्ङिल्ले़ थे चोःक्मा कुसिराॽथाङ् हाबा खे़न्ने चोगुॽ॥ खुने़ॽ आप्फेक् के़रे़क् माङ्हाॽनुःल्ले़ थो यम्बा चोःक्सिङ्ॽ हे़क्क्याङ् के़रे़क्नुःल्ले़ यम्बा निङ्वाॽफुमाङ्ङिल्ले़ कुदक्ले़ङ्वाओ आप्फाल्ले़आङ् मे़ङ्घे़म्मेबा पान् पाःत्तुॽ॥ निङ्वाॽफुमाङ्ङिल्ले़ कुसिक् पोःक्मा ये़म्मिन् मे़न्नुप्पे थारिक् खे़न् कुलिङ्दो के़गे़प्पा पोङ्ॽ, थेआङ्भे़ल्ले़ थे़मा पाःन्निन् निःन्धो पोःक्खे़आङ् वाॽ, खे़न् पाःन्निन् के़प्माए पोङ्ॽ॥
“आल्ल आङ्गाॽ खे़न् कुदाङ्हाॽरे़ कुयाःम्बेओ इःत्छिङ्ङार पत्छाङ्ङिल्ले़ आङ्गाॽ आदगि लत्छा चुक्सा कुदाङ् थिक् खे़ङ्हाॽओलाम् लिङे़आङ् युङे़, हे़क्क्याङ् तगिबा कुदाङ्हाॽओबा सुम्सिग खे़ल्ले़ कुदगि कुबुङ् थे़र्ले़ हाॽयाक् मे़आगे़॥ मना मिक् हे़क्तङ्बाए कन् कुदाङ्ङिल्ले़ कुमिक् पत्छे़, हे़क्क्याङ् आङ्दिङ् पान् के़बाःप्पा खे़ल्ले़ कुम्ब्रा पत्छे़रो॥”
Piblisite