२ तिमोथि 2:9 - लिम्‍बु

⁹ बा खे़न् सुनाइङ्‌ङिन् इङ्‌गाॽ इङ्‌भोसुङ्‌बाल्‍ले़ चोगुल्‍ले़ तुक्‍खे चाआर वाॽआ, हे़क्‍क्‍याङ् कुभाङ् के़भेःम्‍बा कुइसिःक्‍काङ् इघेःङ्‌ङो थाआरो॥ कर निङ्‌वाॽफु पाःन्‍जाक्‍किङ्‌ग आप्‍फाल्‍ले़आङ् इघेःङ्‌ङो मे़धाने़न्‍लो॥

२ तिमोथि 2:9 Referans Kwoze

फिलिप्‍पि 1:7

खिनिॽ याःम्‍बेओ हे़क्‍केलॽरिक् निङ्‌वाॽ इःत्तुङ्‌बान् लाॽरुॽ, थेआङ्‌भे़ल्‍ले़ खिनिॽ साॽरिक् लुङ्‌माॽ तुक्‍निङ्‌ङाङ् वाॽ हे़क्‍क्‍याङ् पुङ्‌लाहिम्‍मो याक्‍कासाङ्, सुनाइङ्‌ङिल्‍ले़न् से़क्‍खान् ताङ्‌से़ःप्‍तुङ्‌साङ् इग्र सुनाइङ्‌ङिन् इङ्‌भोसुङ्‌साङ्, खिनिॽ इङ्‌गाॽनु सोरिक् निङ्‌वाॽफुमाङ्‌ङिल्‍ले़ कुलुङ्‌गुम्‍मिल्‍ले़न् लक्‍के़घोबा के़बोःक्‍खिॽरो॥

सेःक्‌युक्‍मिबाहाॽ 28:31

हे़क्‍क्‍याङ् मे़ङ्‌गिए हाङ्‌हाङ् लॽरिक् निङ्‌वाॽफुहाङ्‌जुम्‍मिल्‍ले़ कुयाःम्‍बेओ इङ्‌भन्‌ चोगुर के़दाबा के़बेःक्‍पाहाॽ दाङ्‌बा ये़सु ख्रिस्‍तरे़ कुयाःम्‍बेओ हुॽरुसिरो॥ आत्तिन्‍हाॽरे़आङ् हे़क्‍के चोःक्‍मोलाम् खुने़ॽ साक्‍मा मे़ङ्‌गोःत्तुन्‍लो॥

२ तिमोथि 1:8

खे़ल्‍ले़चोगुल्‍ले़ दाङ्‌बाल्‍ले़न् साःक्‍खि पिमा नु कुलागि इङ्‌गाॽ साक्‍पा के़धाबान्‍नु खे़ने़ॽ सिरिङ् मे़मये़न्‍ने़ॽओ॥ कर निङ्‌वाॽफुमाङ्‌ङिल्‍ले़ कुमुक्‍साम्‍मो आनिगे़नु सोरिक् खे़ने़ॽआङ् सुनाइङ्‌ले़ लागि तुक्‍खे चे़ॽओ॥

कलस्‍सि 4:3

ख्रिस्‍तरे़ कुसुनाइङ् इङ्‌भोसे़ निङ्‌वाॽफुमाङ्‌ङिल्‍ले़ लाम् हन्‍दु पिरिगे़र फाॽआङ् आनिगे लागिआङ् तुवा आजोगे़म् आबिरे़म्‍मे़ॽओ॥ बा खे़न् पाःन्‍निन् इङ्‌भोसुङ्‌बाल्‍ले़ चोगुल्‍ले़ इङ्‌गाॽग कन् पुङ्‌लाहिम्‍मो साक्‍पा थ्‍याङ्‌ङाङ् वाॽआरो॥

२ तिमोथि 4:17

कर दाङ्‌बान् इङ्‌गाॽनु वये़आङ् थिम्‍मे़न्‍दङ् सुवाङ्‌हाॽरे़ सुनाइङ् खे़म्‍मा मे़घोसुनि फाॽआङ् सुनाइङ् इङ्‌भोमा के़सुक्‍पा पोङ्‌मा थुम् पिराङ्‌लो॥ दाङ्‌बाल्‍ले़ग इङ्‌गाॽ खिरिङ्‌बाल्‍ले़ कुमुराओलाम्‍माङ् से़ःप्‍ताङ्‌लो॥

१ पत्रुस 2:12

खिनिॽग ख्रिस्‍ते़न् नसान् मे़न्‍जोःक्‍मनाबाहाॽनु नुरिक्‍काङ् नुबा हिङ्‌मन्‍नो वये़म्‍मे़ॽओ, थेआङ्‌भे़ल्‍ले़ खे़ङ्‌हाॽरे़ खिनिॽ फे़न् पाःन्‍हाॽ के़जोगुम् लॽरिक् पान् के़म्‍धिक्‍तिसाङ् खिनिॽ के़जोगुम्‍बा नुबा याःम्‍बक्‍हाॽ मे़निसुर, खासे़न् चोःक्‍से़ युबा ये़न्‍नो कुनारा मे़भोसुॽरो॥

१ पत्रुस 4:15

खिनिॽ इनोगे़न् तुक्‍खे के़ज्‍ये़ॽइल्‍ले़ मना के़से़प्‍पा, के़घुःम्‍बा, ताप्‍फे़ःम्‍बा याःम्‍बक् के़जोःक्‍पा हे़क्‍क्‍याङ् वेॽहाॽरे़ खुनिॽ पाःन्‍नो हुक् के़याक्‍पा मनान् तुक्‍खे चाःबा कुइसिक् तुक्‍खे मे़जे़म्‍मिन्‍ने़ॽओ॥

२ तिमोथि 1:12

हे़क्‍क्‍याङ् बा खे़ल्‍ले़चोगुल्‍ले़ए इङ्‌गाॽ तुक्‍खे चाआर वाॽआरो॥ कर इङ्‌गाॽ सिरिङ् मे़मआन्‍लो, थेआङ्‌भे़ल्‍ले़ हात् इङ्‌गाॽ नसान् चोगुङ्‌ङाङ् वाॽआ फाॽआङ् नुरिक्‍काङ् निसुङ्‌ङाङ् वाॽआरो, हे़क्‍क्‍याङ् इङ्‌गाॽ कुहुक्‍को पिरुङ्‌बा पाःन्‍हाॽ निङ्‌वाॽफुमाङ्‌ङिल्‍ले़ कुनुःङ्‌मा युमा ये़न् थारिक् से़ःप्‍तुआङ् कत्तुॽ फाॽआङ् इङ्‌गाॽ निस्‍से वाॽआरो॥

२ थिस्‍सलोनिकि 3:1

फुॽनुसाॽ नु ने़ॽनुसाॽसे, कुनुप्‍मो आनिगे याःम्‍बेओ तुवा चोगे़म् आबिरे़म्‍मे़ॽ फाॽआङ् मे़त्तासिगे़ॽरो॥ हे़क्‍केलॽरिक् दाङ्‌बाल्‍ले़ कुसुनाइङ्‌ङिन् काक् पिसाङ् हारा से़र हे़क्‍क्‍याङ् खिनिॽ मिङ्‌सो इङ्‌धाङ् के़बिरुम्‍बा हे़क्‍केए वेॽहाॽरे़आङ् मिङ्‌सो इङ्‌धाङ् मे़बिरुररो॥

कलस्‍सि 4:18

इङ्‌गाॽ पावलरे़ कन् सेवान् आबाङे आहुक्‍किल्‍ले़ साप्‍तुङ्‌ङाङ् वाॽआरो॥ हे़क्‍क्‍याङ् इङ्‌गाॽ पुङ्‌लाहिम्‍मो याक्‍काबा पाःन्‍निन् निङ्‌वाॽ इःत्ते़म्‍मे़ॽओ॥ हाराॽ निङ्‌वाॽफुमाङ्‌ङिल्‍ले़ कुलुङ्‌गुम्‍मिन् खिनिॽनु वाॽररो॥

एफिसि 3:1

हे़क्‍केःल्‍ले़ इङ्‌गाॽ पावलरे़ खिनिॽ थिम्‍मे़न्‍दङ् सुवाङ्‌हाॽओ ख्रिस्‍त ये़सुरे़ कुयाःम्‍बेओ सुनाइङ् से़सुङ्‌बाल्‍ले़ चोगुल्‍ले़ पुङ्‌लाहिम्‍मो साक्‍पा थ्‍याङ्‌बारो॥

सेःक्‌युक्‍मिबाहाॽ 9:16

इङ्‌गाॽ आलागि खे़ल्‍ले़ आक्‍खे़न् तुक्‍खे चामा पोङ् फाॽआङ् इङ्‌गाॽ ओसेःन्‍धाक्‍तुङ्‌लो॥”

१ पत्रुस 3:16

हे़क्‍केलॽरिक् खिनिॽ तक्‍ले़ङ्‌वाओ फे़न्‍पान् के़बाःप्‍पाहाॽरे़ ख्रिस्‍तओबा खिनिॽ नुबा ये़प्‍ले़क्‍किन् मनाहाॽरे़ मे़निसुआङ् खे़ङ्‌हाॽ सिरिङ् मे़मर फाॽआङ् सेसे खासिङ् कत्ते़म्‍मे़ॽओ॥

१ पत्रुस 2:14

खिनिॽग काक् सुहाङ्‌युक्‍पाहाॽरे़ खुनिॽ पाःन्‍हाॽ ते़न्‍दिङ् चोःक्‍मा पोङ्‌लो, थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ खे़ङ्‌हाॽ फे़न् याःम्‍बक् के़जोःक्‍पाहाॽ खुम्‍दिङ् पिमासि नु नुबा याःम्‍बक् के़जोःक्‍पाहाॽ नाराफोमा पाङ्‌घुसिबारो॥

२ तिमोथि 1:16

दाङ्‌बाल्‍ले़ हाराॽ ओनेसिफोरसरे़ कुहिम्‍सयङ्‌ङिन् लुङ्‌माॽ तुक्‍तुररो, थेआङ्‌भे़ल्‍ले़ इङ्‌गाॽ पुङ्‌लाहिम्‍मो वयाङ्‌ङिल्‍ले़ खुने़ॽ यरिक्‍ले़ङ् हाङ्‌हाङ् मे़त्‍छे़ आदुम्‍से़ तामा मे़नुःन्‍दे़न्,

लुका 23:32

खुने़ॽनुए ने़प्‍फु कुभाङ् के़भेःम्‍बाहाॽआङ् सिमे़ल्‍ले़ खुम्‍दिङ् पिमासि फाॽआङ् मे़देॽरुसि॥

सेःक्‌युक्‍मिबाहाॽ 21:33

खे़न् थक्‍तुम्‍बे़न् पेआङ् पावले़न् ते़म्‍सुआङ् ने़त्‍छि फे़न्‍सिक्‍खिहाॽरे़ इघेःङ्‌मा पाङ्‌घुसि॥ हे़क्‍क्‍याङ् खे़ल्‍ले़ खे़प्‍मो के़वाॽबा मनाहाॽ सेःन्‍दोसुसि, “कन् मनान् हाःत्‍निबे? हे़क्‍क्‍याङ् कल्‍ले़ थे चोगुआङ् वाॽ?”

फिलिप्‍पि 1:17

हे़क्‍क्‍याङ् खे़न् नाहे़म्‍मा निङ्‌वाॽलाम् इङ्‌गे़भोबाहाॽरे़ग नोनिङ्‌वाॽलाम् मेःन्, कर खक्‍ख्वा निङ्‌वाॽइल्‍ले़ सुनाइङ् इङ्‌मे़भोसुआङ् पुङ्‌लाहिम्‍मो याक्‍काल्‍ले़ आल्‍लसाङ् तुक्‍खे योॽसिङ्‌नि फाॽआङ् निङ्‌वाॽ मे़जोगुॽरो॥

१ थिस्‍सलोनिकि 1:8

हे़क्‍क्‍याङ् खिनिॽलाम् दाङ्‌बाल्‍ले़ कुबाःन्‍जाक्‍किन् मे़सेदोनिया नु अक्‍खैयाओरक् मे़से़ःरे़न्, कर निङ्‌वाॽफुमाङ्‌ङोबा खिनिॽ नसाःन्‍निन्‍नाङ् काक् पिसाङ् मनाहाॽरे़ निङ्‌वाॽ मे़घोसुरो॥ हे़क्‍केःल्‍ले़ आनिगे वेॽ पान् पाःप्‍मा थेआङ् होप्,

२ तिमोथि 2:3

ख्रिस्‍त ये़सुरे़ से़क्‍खाएबा कुधक्‍सुबा कुइसिक् खे़ने़ॽ आनिगे़नु तुक्‍खे चामाओ चुम् पोःक्‍खे़ॽओ॥