6 याम्बुधिक्काङ् याःन्गे़मबा मनाःल्ले़ए के़दुम्बा चाःन् काक्नु तगि खुने़ॽए चामा खोमा पोङ्लो॥
खिनिॽ नासिके़धःत्तुम्ल पोङ्लो, हे़क्क्याङ् निङ्वाॽफुमाङ्ङिल्ले़ कुनिङ्वाॽ कुइसिक् के़जोगुम्मिल्ले़ खुने़ॽ चोगुबा माङ्हे़क्किन् के़घोसुम्लो॥
सुनाइङ्ङिल्ले़न् मुॽइसाम्हाॽ खोमा सुक्तुङ्ल फाॽआङ् सुनाइङ्ङिल्ले़ लागिए कन् काक् पाःन्हाॽ चोगुङ्लो॥
हे़क्क्याङ् खे़ङ्हाॽ अक्खे मे़त्तुसि, “सुम्मा के़बोङ्बा चाःन् यरिक् ने़ःॽ, कर चा के़सुम्बा याःलिक्हाॽ मे़सुःन्लो॥ हे़क्केःल्ले़ सुम्मा के़बोङ्बा चाःल्ले़ कुन्दाङ्बान् यरिक् यालिक्हाॽ चा सुम्से़ पाङ्घुसिर फाॽआङ् खिनिॽ तुवा चोगे़म्मे़ॽओ॥
“साङ्ग्राम्पेदाङ्बा हाङ्जुम्मिङ्ग अक्तङ्बा चोक्—लत्छा चे़ल्ले़क्सेॽ इक्ताप्दाङ्बान् थिक् तानाम्सा कुइक्ताप्पो याःम्बक् के़जोःक्पा याःलिक् साङ्से़ॽ पेरो॥
पत्छेॽबुङ्मान् ओगे़मे़प्पा के़जोःक्पे़ल्ले़ खे़ल्ले़ कुजाॽइन् चरो, हे़क्क्याङ् कुन्दाङ्बा कम्ब्राङ् के़मे़प्पा से़वारोबे़न् मिङ्सो इङ्धाःङ्साबा पोङ्लो॥
इङ्गाॽ पाःत्तुङ्बा पाःन्हाॽ नुरिक्काङ् निङ्वाॽ इःत्ते़ॽओ, थेआङ्भे़ल्ले़ दाङ्बाल्ले़ खे़ने़ॽ काक् पाःन्हाॽ कुसिङ् निःप्मा फाॽआङ् इःत्छिङ्साम् के़बिॽरो॥
पाङ्गे़न्दिङ् वाहित्तिल्ले़ प्याङ्सिगे़न् इक्ताप्पिन् वारक्खुॽ, हे़क्क्याङ् इक् के़मबान् चाहाबा के़जोःक्पा पोगुगे़न् कुजा के़धोःक्पा खे़न् प्याङ्सिगे़न् इक्ताप्पोग निङ्वाॽफुमाङ्ङिल्ले़ मुॽइसाम् थाःसुआङ् यरिक् कुजा थोःक्ल चोगुॽरो॥
खे़न् हे़न्छिङ् ङासि साम्म्याङ् याङ्इत्छि के़घोबा से़वारोबान् खिमो पेआङ् खे़न् याङ्ङिन् के़सुआङ् वेॽ हे़न्छिङ् ङासि साम्म्याङ् याङ्इत्छि थगुरो॥