२ तिमोथि 2:24 - लिम्बु24 दाङ्बाल्ले़ के़से़वारोबान् खेमा मे़नुॽने़न्लो॥ खुने़ॽग काक् मे़न्छाम् याप्मिहाॽ लुङ्माॽ के़दुक्पा, हुॽमा के़सुक्पा, हे़क्क्याङ् निङ्वाॽ हाङ्गे़गे़म्सिङ्बा पोङ्मा पोङ्लो॥ Gade chapit la |
२ तिमोथि 2:24
31 Referans Kwoze
इङ्गाॽ पावले़न् खिनिॽनु वाॽआल्ले़ नःम्नःम् लॽआमु, कर माःङ्घा वाॽआल्ले़ के़आःम्बा चोःक्कामु लॽरिक् खिनिॽ लुम्मो कुभारे़ के़बाःत्तुम्मु॥ आल्ल के़नुॽबा नु लुम्लुम्बा ख्रिस्तरे़ कुयुक्कोलाम् इङ्गाॽ खिनिॽओ ताआल्ले़ के़आःम्बा पान् पाःप्मा याप्मि मे़बाङ्घे़म्मिन्ने़ॽ फाॽआङ् पेलि फाक्निङ्, थेआङ्भे़ल्ले़ से़क्खाःल्ले़ इक्सादिङ् खाम्बेःक्मोबा मनाहाॽ हे़क्तङ्बा के़जोगिॽ लॽरिक् याप्मि के़मे़प्पाहाॽनु इङ्गाॽ के़आःम्बाए पोङ्मा सुक्कारो॥
खिनिॽ खोमा निङ्वाॽ के़जोगुम्, कर के़ङ्घोसुम्मिन्॥ हे़क्क्याङ् खिःम्ब्राक् के़जोगुम्माङ् मना के़से़रुम्सिम्लो॥ हे़क्केसाङ् खिनिॽ निङ्वाॽ के़जोगुम्बा पाःन्निन् खोमा के़न्छुक्तुम्मिन् हे़क्क्याङ् के़घेॽइ के़धक्तिॽ॥ आल्लसाङ् के़ङ्घोसुम्मिन् थेआङ्भे़ल्ले़ खिनिॽ निङ्वाॽफुमाङ्ङिन् के़न्नाःक्तुम्मिन्लो॥
आमिःम् आन्जुम्से, आनिॽ के़रे़क्ले़ आघोसुम्बा से़न्लप्रे़ कुयाःम्बेओ खिनिॽओ सक्इङ्घङ् हाङ्मा साॽरिक्के इङ्गाॽ आसिराॽ थाङे़आङ् वये़रो॥ कर खे़ल्ले़ कुले़क्वा निङ्वाॽफुमाङ्ङिल्ले़ सेसे कुमनाहाॽ सदादिङ्ले़ लागि हुक्सुप्तुसिबा नसाःन्निन् इङ्ले़क्के सिक्साम्बाहाॽलाम्बा ताङ्गे़से़ःप्तुम्ल फाॽआङ् कन् सक्इङ्घङ्ङिन् साप्माए के़बोङ्बा निसुङ्लो॥
निङ्वाॽफुमाङ्ङिल्ले़ कुसे़वारोबा नु ये़सु ख्रिस्तरे़ कुसेःक्युक्मिबा इङ्गाॽ पावललाम्बा कन् सक्इङ्घङ्ङिन् हाक्ने़ॽरो॥ निङ्वाॽफुमाङ्ङिल्ले़ सेगुसिबा कुमनाहाॽ खुनिॽ नसाःन्नो कुभाॽ पिमासि हे़क्क्याङ् आनिॽ साम्योरे़ आहुॽरे़बा से़क्खाओ लाम्लोमासि फाॽआङ् निङ्वाॽफुमाङ्ङिल्ले़ इङ्गाॽ सेगाङ्लो॥
कल्ले़चोगुल्ले़ हाङ्ङिल्ले़ मानिङ्वाॽफुसाम्बा यहोयादान् उःत्तुआङ् मे़त्तु, “माङ्हुप् साप्लुङ् के़याक्पा निङ्वाॽफुमाङ् सन्दोक् के़युङ्बा साःङ्गाहिम्मिन् खाप्मारे़ लागि यहवे दाङ्बे़ल्ले़ कुसे़वारोबा मोसान् नु इस्राइलबा सङ्जुम्भोहाॽरे़ मे़गुःत्तुसिबा एःङ्याङ्ङिन् यहुदा नु यरुसले़म लाम्बा आदाङ्बारे़ थेआङ् ले़बिहाॽ फोङ्मा के़म्बाङ्घुन्सिन्बाबे?”
Piblisite