२ तिमोथि 2:14 - लिम्बु14 सेसेहुप्लक्कोबा काक् मनाहाॽ निङ्वाॽफुमाङ्ङिल्ले़ कुनिमाओ हाराॽ खे़ङ्हाॽ पाःन्सुत्लाओ पाःन्धङ् मे़न्जोःक्ने़न्ल फाॽआङ् साम्दिङ् पिरे़से़ॽओ॥ खे़न् पाःन्धङ्ङिल्ले़ नुबा मे़बोङ्ने़न्, कर के़घे़म्बाहाॽरे़ खुनिॽ इम्मोक्लक् पोङ्लो॥ Gade chapit la |
२ तिमोथि 2:14
30 Referans Kwoze
“साप्चोबेल्ले़ हिबु, लक्तु खोःन्दुआङ् चोगुबा नावाइत्लाःल्ले़ कुयाःम्बक् थे़मा वाॽआङ्बे? इग्र इङ्ले़क् के़हुॽबा नावाइत्लाःल्ले़ कुयाःम्बक् थे वाॽबे? थेआङ्भे़ल्ले़ खे़न् नावाइत्ला के़जोःक्पा चोबेगुःल्ले़ आप्फेक् कुहुक्किल्ले़ चोगुबा चइःत्ते़न् नासाॽरुरो, खुने़ॽ चोगुसिबा नावाइत्लाहाॽ पाःप्मा मे़न्छुक्ने़न्लो॥
कर खे़ङ्हाॽरे़ ‘यहवे दाङ्बे़ल्ले़ के़लिःप्पा कुगक्’ फाॽआङ् पेलिगे़न् पाःन्जाःन् आप्फाल्ले़आङ् ओगाप् मे़न्जोगुन्ल थेआङ्भे़ल्ले़ कुभारे़ खे़न् हे़क्के मे़जोगुने़भग्र आङ्गाॽ आइङ्घङ्ङिन् खे़ङ्हाॽरे़ खुन्छिॽ लागि से़क्खाए के़लिःप्पा कक् पोङ्ॽ॥ मनाहाॽरे़ कुहिङ्वे़त् निङ्वाॽफुमाङ्, मुक्साम्दाङ्बा यहवे दाङ्बे़ल्ले़ कुबाःन्जाक्किन् मे़इगुआङ् वाॽ॥
आङ्गाॽ यहवे दाङ्बे़ल्ले़ थे़मा पाःत्तुङ्ॽ, खे़प्से़म्मे़ॽ! आङ्गाॽ खे़न् माङ्निङ्वाॽपान् के़बाःप्पाहाॽरे़ खुन्छिॽ तक्ले़ङ्वाओ वाॽआ, आत्तिन्हाॽरे़ इङ्ले़क् पान् इसेःङ्बा खुन्छिॽ से़प्माङ्हाॽ मे़जे़क्खु मे़बाःत्तुॽ॥ खे़ङ्हाॽरे़ खे़न् से़प्माङ्हाॽ मे़बाःत्तुआङ् आमनाहाॽ खुन्छिॽ इङ्ले़क् नु आङ्दिङ् लॽमा पाःन्हाॽरे़ आङ्गाॽ आमनाहाॽ मे़नाक्ल मे़याःन्दुसिॽ॥ आङ्गाॽ खे़ङ्हाॽ पाङ्घुङ्सिङ्बा मेःन्, पेगे़म्मे़ॽ मे़त्तुङ्सिङ्बा मेःन् खे़ब्याङ् खे़ङ्हाॽलाम्बा आमनाहाॽरे़ थेआङ् कुभाॽ मे़ङ्घोसुन्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
यहवे दाङ्बाए, आमुक्साम् नु आहाङ्यक्के, तुक्खेवा ये़न्नोबा आइःम्सिङ्मादे़न्ने़, इक्सादिङ् खाम्बेःक्माल्ले़ कुया नु कुसुक्पोलाम्बा मे़न्छाम् सुवाङ्हाॽ खे़ने़ॽओ मे़दारो हे़क्क्याङ् खे़ङ्हाॽरे़ मे़बाःत्तुरो, “आनिगे पाधे़बाहाॽनुग इङ्ले़क्पा साम्माङ्हाॽ नु हने़बा नावाइत्लाहाॽरक् मे़वये़रो कर वेॽ थेआङ् होःप्ते़रो॥
वेॽ आत्तिन् सुवाङ्ङिल्ले़आङ् आबाङे साम्माङ्हाॽ आप्फाल्ले़आङ् मे़न्ले़क्के कत्तुसिरो, हे़क्केसाङ् खे़न् साम्माङ्हाॽ से़क्खाबा माङ् मेःन्छिरो॥ कर आङ्गाॽ आमनाहाॽरे़ हे़क्तङ्बा साम्माङ्हाॽनु आङ्गाॽ मे़ले़क्ताङ्लो, खे़ङ्हाॽरे़ खुन्छिॽ मिमिदिङ्ङिन् खे़न् हने़बा साम्माङ्हाॽनु मे़ले़क्तुरो॥
निङ्वाॽफुसाम्बाहाॽरे़ अक्खेलॽरिक्काङ् पान् सेःन्मे़न्दोसुन्लो ‘यहवे दाङ्बान् आत्ता वाॽबे?’ साम्योइङ्जाङ् के़हुॽबाहाॽरे़ आबाङेआङ् कुसिङ् मे़न्निःत्ताङ्ङिल्लो युक्साबाहाॽरे़आङ् आङ्गाॽनु पिफ्युङ् मे़जोगुरो॥ माङ्निङ्वाॽपान् के़बाःप्पाहाॽरे़ग बाल साम्माङ्ङिल्ले़ कुमिङ्ङो माङ्निङ्वाॽपान् मे़बाःत्तुरो, हे़क्क्याङ् हने़बा नावाइत्लाहाॽ माङ्से़वा मे़मे़त्तुसिरो॥
Piblisite