२ थिस्‍सलोनिकि 3:10 - लिम्‍बु

¹⁰ खिनिॽनु वयिगे़ल्‍सा याःम्‍बक् चोःक्‍मा मे़न्‍दे़म्‍मनाबाल्‍ले़ हाराॽ चाआङ् मे़जने़न्‍ल फाॽआङ् इङ्‌जाङ् पिआसिगे़आङ् वयिगे़रो॥

२ थिस्‍सलोनिकि 3:10 Referans Kwoze

तोलिङ्‌सोमु 3:19

खाम्‍मो मे़न्‍नुःङ् मे़म्‍बेःक्‍के थारिक् के़द्‌वाबो के़होःम्‍ब्रिक्‌वा से़र याःम्‍बक् के़जोगुआङ् कुजा के़जरो॥ थेआङ्‌भे़ल्‍ले़ खे़ने़ॽ खाम्‍मोलाम् लःप्‍मनाआङ् के़वये़, खे़ने़ॽ खाम्‍ने़रो, हे़क्‍क्‍याङ् खे़ने़ॽ खाम्‍मोए के़नुःङ् के़बेःक्‍लो॥”

खाहुन् 20:4

ले़म्‍सुवाबे़ल्‍ले़ याक्‌वा थामा ये़म्‍मो कुइक्‍ताप्‍पिन् मे़दोःक्‍खुन्‍लो खे़ल्‍ले़चोगुल्‍ले़ चासुम्‍मा ये़म्‍मो कोःत्तुॽ कर थेआङ् मे़घोसुन्‍लो॥

१ थिस्‍सलोनिकि 4:11

सनारुङ्‌ङो हिङ्‌मन् खिनिॽ हिङ्‌मन्‍ले़ ताराप् चोगे़म्‍मे़ॽओ॥ आनिगे तगिसा मे़त्तासिगे़बा कुइसिक् स्‍वाःत् वये़म्‍मे़ॽआङ् आबाङे याःम्‍बक्‍को निङ्‌वाॽ पिरे़म्‍मे़ॽर आबाङे हुक्‍किल्‍ले़ याःम्‍बक् चोगे़म्‍मे़ॽओ॥

खाहुन् 13:4

ले़म्‍सुवाबे़ल्‍ले़ कुभा पाःन्‍हाॽ खोमा निङ्‌वाॽ चोगुरो हे़क्‍क्‍याङ् खे़ल्‍ले़ थेआङ् मे़घोसुन्‍लो, कर याःम्‍बुदिक्‍पे़ल्‍ले़ खोमा निङ्‌वाॽ चोगुबा के़रे़क् पाःन्‍हाॽ वे़त्ते़सरे़ खोसुरो॥

खाहुन् 21:25

ले़म्‍सुवाबे़ल्‍ले़ खोमा निङ्‌वाॽ चोगुबा पाःन्‍निल्‍ले़ए खुने़ॽ स्‍ये़रुरो, थेआङ्‌भे़ल्‍ले़ खुने़ॽ कुहुक्‍हाॽ याःम्‍बक् चोःक्‍मा मे़दे़न्‍ने़न्‍लो॥

१ थिस्‍सलोनिकि 3:4

थेआङ्‌भे़ल्‍ले़ खिनिॽनु वयिगे़ल्‍ले़सा तगिए आक्‍तङ्‌बा तुक्‍खेन् ता फाॽआङ् आनिगे पाःत्तुम्‍बे़आङ् वयिगे़रो॥ हे़क्‍केलॽरिक् निङ्‌घुम्‍मिन् त्‍ये़आङ् वाॽबान् खिनिॽ के़निसुम्‍लो॥

युहुन्‍ना 16:4

कन् पाःन्‍हाॽ ताःन्‍दि खिनिॽओ के़त्तिल्‍ले़ इङ्‌गाॽ साम्‍दिङ् पिनिङ्‌बा पाःन्‍निन् खिनिॽ निङ्‌वाॽ के़इःत्तुम्‍ल फाॽआङ् अक्‍खे मे़त्‍निङ्‌ङाङ् वाॽआरो॥ तगिग कन् पाःन्‍हाॽ मे़मे़त्‍निङ्‌ङिन्‍लो थेआङ्‌भे़ल्‍ले़ इङ्‌गाॽग खिनिॽनुए वयाङ्‌लो॥”

सेःक्‌युक्‍मिबाहाॽ 20:18

खे़ङ्‌हाॽ खे़प्‍मो मे़गे़रे़आङ् पावलरे़ मे़त्तुसि, “इङ्‌गाॽ एसियासमा ते़ङ्‌गप्‍पो के़राङ्‌बा थिक्‍सिगेःक्‍समा ये़न्‍नाङ्‌धोए आक्‍खेलॽरिक् खिनिॽनु वयाङ् के़लॽबा खिनिॽ नुरिक्‍काङ् के़निसुम्‍माङ् के़वयिरो॥

लुका 24:44

हे़क्‍क्‍याङ् खुने़ॽ अक्‍खे पाःत्तु, “इङ्‌गाॽ खिनिॽनु वयाङ्‌ङिल्‍ले़साए मोसारे़ साप्‍तुबा साम्‌योथिम् साप्‍लाओ, माङ्‌निङ्‌वाॽपान् के़बाःप्‍पाहाॽरे़ खुनिॽ साप्‍पन्‍हाॽओ नु निङ्‌वाॽफु साम्‍लोसुम्‍मो इङ्‌गाॽ आयाःम्‍बेओ साप्‍ते़बा के़रे़क् पाःन्‍हाॽ के़त्‍लो फाॽआङ् मे़त्‍निङ्‌ङाङ् वयाङ्‌लो॥”

२ थिस्‍सलोनिकि 2:5

इङ्‌गाॽ खिनिॽनु वयाङ्‌ङिल्‍ले़सा मे़त्‍निङ्‌बा कन् पाःन्‍हाॽ निङ्‌वाॽ के़न्‍इःत्तुम्‍मिन्‍बि?