कर अक्खेलॽरिक् आत्तिन्हाॽरे़आङ् इङ्ले़क् के़मे़म्मे़त्तिन्ल, थेआङ्भे़ल्ले़ खे़न् ये़म्मिन् मे़न्दाए वाॽरो॥ खे़न् ये़म्मिन् तामानुःल्ले़ तगिग कुनुप्माओ निङ्वाॽफुमाङ्ङिल्ले़ कुदक्ले़ङ्वाओ पयम् बिफ्युङ् पोङ्, हे़क्क्याङ् पयम् लायो के़जोःक्पा पाक्कुम्भिओ के़बेःक्पा मनान् थाःम्सिङ्लो॥
२ थिस्सलोनिकि 2:8 - लिम्बु8 हे़क्क्याङ् पयम् यम्बा लायो के़जोक्पे़न् थाःम्सिङ्लो॥ कर दाङ्बा ये़सुरे़ कुमुराओलाम् के़लःम्बा साःङ्गुगे़न् सक्माःल्ले़ मुःत्तु से़रुॽ, हे़क्क्याङ् खुने़ॽ कुयुमाल्ले़ मिमिदिङ्गे़न् कुओःन्धाक्किल्ले़ खे़न् मे़म्भै चोगुरो॥ Gade chapit la |
२ थिस्सलोनिकि 2:8
34 Referans Kwoze
कर कुहोःप्मा कुसाक्माओ के़धाबाआङ् के़वाॽबा मे़न्छाम् याप्मिहाॽरे़ लागि खुने़ॽ कुदोःप्मा खासे़न् लोःन्दु पिरुसिरो, हे़क्क्याङ् इक्सादिङ् खाम्बेःक्कोबा याङ्गे़साॽबा मनाहाॽरे़ खुन्छिॽ लागि खुने़ॽ नुरिक्काङ् खासे़न् लोःन्दु पिरुसिरो॥ हे़क्क्याङ् कुबाःन्जाक् मुक्साम्मिल्ले़ योॽबा लाजेन् यङ्लो, कुम्ब्राओबा कुसक्माःल्ले़ कुॽइगे़भे़म्बा मनाहाॽ मे़क्खुसिरो॥
हे़क्क्याङ् खुनिॽ इङ्ले़क् के़मे़प्पा माफे़न्साम्मिन् मिराःक् नु कान्धाक् के़दिःप्पा लुम्बाःत्तो लाप्फुसुरो॥ खे़प्मोग किप्मा के़घुबा थक्सान् नु इङ्ले़क्पा माङ्निङ्वाॽपान् के़बाःप्पे़न्नाङ् तगिसा लाप्मे़भुसुसिआङ् यागे़त्छिरो॥ हे़क्क्याङ् खे़ङ्हाॽग से़न्दिक् ले़न्दिक् सदादिङ् खे़प्मो तुक्खे मे़जारो॥
खुने़ॽ कुमुराओलाम् इक्सादिङ् खाम्बेःक्मोबा मे़न्छाम् सुवाङ्हाॽ नाःम्मासि फाॽआङ् खागे़सुक्पा ताभेन् लःन्दे़रो॥ हे़क्क्याङ् खे़ङ्हाॽ फे़न्जेॽ तक्काःत्तिल्ले़ युक् चोगुसिॽरो॥ हे़क्क्याङ् खुने़ॽ चे़ल्ले़क्सेॽ एःम्मादे़न्नो लाङ्ङिल्ले़ चे़ल्ले़क्सेॽइन् सॽमनाबा हे़क्के मुक्साम्दाङ्बा निङ्वाॽफुमाङ्ङिल्ले़ कुसाक्के़न्निल्ले़ कुनिङ्मिहाॽ सॽरुसिरो॥
पानुदिङ् पासे, तोलिङ्सोमुआङ्धोए के़वाॽबा ख्रिस्ते़न् खिनिॽ कुसिङ् के़निःत्तुम्बाल्ले़ चोगुल्ले़ कन् सक्इङ्घङ्ङिन् साप्तुङ्ङाङ् हाक्निङ्ल पत्तारो॥ थाङ्बे़न् मे़न्छियाॽसे, माफे़न्साम्मिन् खिनिॽ के़नाःन्दुम्माङ् के़वयिबाल्ले़ चोगुल्ले़ कन् सक्इङ्ङिन् साप्तुङ्ङाङ् हाक्निङ्ल पत्तारो॥
खे़ल्ले़ इङ्ले़क्किन् कुलिङ्दो के़त्ल याःन्दुॽ हे़क्क्याङ् खुने़ॽ आप्फेक् यम्बा लेःत्छिङ्ॽ॥ आल्ल खे़ङ्हाॽरे़ कम्ब्राङ्ङो मे़वाॽबा निङ्वाॽ मे़इःत्तुल्ले़ खे़ल्ले़ यरिक् मे़क्खुसिॽ हे़क्क्याङ् के़रे़क् हाङ्हाॽनुःल्ले़ यम्बा हाङ्ङिल्ले़ कुदक्ले़ङ्वाओ खे़न् पोक्॥ हे़क्केसाङ् खे़न् मे़क्, कर आत्तिन् मनाःल्ले़ कुमुक्साम्लाम्माङ् मेःन्॥
“थाङ्गे़त् पिसाङ्बा हाङ्ङिल्ले़ थे चोःक्मा कुसिराॽथाङ् हाबा खे़न्ने चोगुॽ॥ खुने़ॽ आप्फेक् के़रे़क् माङ्हाॽनुःल्ले़ थो यम्बा चोःक्सिङ्ॽ हे़क्क्याङ् के़रे़क्नुःल्ले़ यम्बा निङ्वाॽफुमाङ्ङिल्ले़ कुदक्ले़ङ्वाओ आप्फाल्ले़आङ् मे़ङ्घे़म्मेबा पान् पाःत्तुॽ॥ निङ्वाॽफुमाङ्ङिल्ले़ कुसिक् पोःक्मा ये़म्मिन् मे़न्नुप्पे थारिक् खे़न् कुलिङ्दो के़गे़प्पा पोङ्ॽ, थेआङ्भे़ल्ले़ थे़मा पाःन्निन् निःन्धो पोःक्खे़आङ् वाॽ, खे़न् पाःन्निन् के़प्माए पोङ्ॽ॥
Piblisite