आमिःम् आस्सासे, कुनुप्मा ये़म्मिङ्ग निःत्ताङ्ङे वाॽरो॥ ख्रिस्तरे़ कुबिफ्युङ्ङिङ्ग ता लॽरिक् के़घे़प्सुम्माङ् के़वयिॽ॥ आल्लोसा खे़न् हे़क्तङ्बा ख्रिस्तरे़ कुबिफ्युङ्हाॽ यरिक् मे़द्ये़ मे़जुरे़आङ् मे़वाॽरो॥ खे़ल्ले़चोगुल्ले़ कन् पाःन्नोलाम् कुनुप्मा ये़म्मिन् निःत्ताङ्ङे वाॽ के़लॽबा पाःन्निन् कुसिङ् आनिःत्तुम्लो॥
२ थिस्सलोनिकि 2:3 - लिम्बु3 कर अक्खेलॽरिक् आत्तिन्हाॽरे़आङ् इङ्ले़क् के़मे़म्मे़त्तिन्ल, थेआङ्भे़ल्ले़ खे़न् ये़म्मिन् मे़न्दाए वाॽरो॥ खे़न् ये़म्मिन् तामानुःल्ले़ तगिग कुनुप्माओ निङ्वाॽफुमाङ्ङिल्ले़ कुदक्ले़ङ्वाओ पयम् बिफ्युङ् पोङ्, हे़क्क्याङ् पयम् लायो के़जोःक्पा पाक्कुम्भिओ के़बेःक्पा मनान् थाःम्सिङ्लो॥ Gade chapit la |
२ थिस्सलोनिकि 2:3
17 Referans Kwoze
खे़ल्ले़ इङ्ले़क्किन् कुलिङ्दो के़त्ल याःन्दुॽ हे़क्क्याङ् खुने़ॽ आप्फेक् यम्बा लेःत्छिङ्ॽ॥ आल्ल खे़ङ्हाॽरे़ कम्ब्राङ्ङो मे़वाॽबा निङ्वाॽ मे़इःत्तुल्ले़ खे़ल्ले़ यरिक् मे़क्खुसिॽ हे़क्क्याङ् के़रे़क् हाङ्हाॽनुःल्ले़ यम्बा हाङ्ङिल्ले़ कुदक्ले़ङ्वाओ खे़न् पोक्॥ हे़क्केसाङ् खे़न् मे़क्, कर आत्तिन् मनाःल्ले़ कुमुक्साम्लाम्माङ् मेःन्॥
खे़न् के़निसुबा किप्मा के़घुबा थक्साःङ्ग कुहिङ्वे़त् वये़, कर खे़न् आल्लो होप्लो॥ खे़ङ्ग याम्मो कुद्रोःम् मेःन्नेबा लुम्बाःत्तोलाम् थाङ्ङाङ् मे़न्नुप्मनाबा मे़क्माओ पेःक्लो॥ हे़क्क्याङ् कन् इक्सादिङ् खाम्बेःक्माल्ले़न् नावागे़न् चइःत् ने़स्से़आङ्धो हिङ्मन्ले़न् साप्पन्नो खुनिॽ मिङ् मे़म्बप्मना इक्सादिङ् खाम्बेःक्मोबा मे़न्छाम् याप्मिहाॽरे़ कन् के़सिबा किप्मा के़घुबा थक्सान् याम्मो कुहिङ्वे़त् मे़निसुआङ् खुनिॽ निङ्वाॽ मारो॥
ताप्फे़ःम्बा याःम्बक् के़जोःक्पाहाॽरे़ निङ्वाॽफुहाङ्जुम्मिल्ले़न् लक् मे़ङ्घोसुन् के़लॽबा पाःन्निन् निङ्वाॽ मे़ङ्घोए के़वयिॽबि? इङ्ले़क्को मे़ध्ये़म्मिन्ने़ॽओ॥ फे़न् याःम्बक् के़जोःक्पाहाॽ, नावाइत्ला माङ्गे़घबाहाॽ, चाराम्मा याःम्बक् के़जोःक्पा के़जोःक्माहाॽ, के़त्निबा के़त्निमाहाॽ, मे़न्छुमाॽ मे़न्छुमाॽइन्नु हे़क्क्याङ् ये़म्बित्छाॽ ये़म्बित्छाॽइन्नु के़इम्बा,
“थाङ्गे़त् पिसाङ्बा हाङ्ङिल्ले़ थे चोःक्मा कुसिराॽथाङ् हाबा खे़न्ने चोगुॽ॥ खुने़ॽ आप्फेक् के़रे़क् माङ्हाॽनुःल्ले़ थो यम्बा चोःक्सिङ्ॽ हे़क्क्याङ् के़रे़क्नुःल्ले़ यम्बा निङ्वाॽफुमाङ्ङिल्ले़ कुदक्ले़ङ्वाओ आप्फाल्ले़आङ् मे़ङ्घे़म्मेबा पान् पाःत्तुॽ॥ निङ्वाॽफुमाङ्ङिल्ले़ कुसिक् पोःक्मा ये़म्मिन् मे़न्नुप्पे थारिक् खे़न् कुलिङ्दो के़गे़प्पा पोङ्ॽ, थेआङ्भे़ल्ले़ थे़मा पाःन्निन् निःन्धो पोःक्खे़आङ् वाॽ, खे़न् पाःन्निन् के़प्माए पोङ्ॽ॥
कर हाःत्ले़ ये़सु ख्रिस्ते़न् नासिङ्गे़न् थक्को त्ये़ लॽरिक् ते़न्दिङ् मे़जोगुन्, खे़न् निङ्वाॽफुमाङ्लाम् मेःन्, कर ख्रिस्तरे़ कुबिफ्युङ्बाल्ले़ कुसाम्लाम्बा त्ये़बारो॥ खे़ङ्ग ता के़लॽबान् के़घे़प्सुम्माङ् के़वयिॽ, हे़क्क्याङ् इक्सादिङ् खाम्बेःक्मो तगिसा खे़ङ्ग त्ये़ चुरे़आङ् वाॽरो॥
Piblisite