हे़क्क्याङ् साङ्ग्राम्पेदाङ्ङो इक्लाधिक् अक्खेलॽरिक् पारे़बा खे़प्सुङ्, “कन् पाःन्निन् साप्ते़ॽ, आल्लआङ्धो दाङ्बान् नसान् के़जोःक्पाआङ् के़सिबाहाॽग मुॽइसाबासिरो॥” सेसेमाङ्ङिल्ले़ पाःत्तु, “से़क्खाए खे़ङ्हाॽ मुॽइसाबासिरो, खे़ङ्हाॽ खुनिॽ याम्बुधिक्लाम् मे़नाःम्सिङ्, थेआङ्भे़ल्ले़ खे़ङ्हाॽरे़ मे़जोगुबा याःम्बक् कुइसिक् हाङ्से़म् मे़घोसुॽरो॥”
२ थिस्सलोनिकि 1:7 - लिम्बु7-8 दाङ्बा ये़सुन् साङ्ग्राम्पेदाङ्लाम् नुःङ् युःल्ले़ खिनिॽ तुक्खेओलाम् नाःम्सिङ्मा के़बिरिॽ, हे़क्क्याङ् आनिगे़आङ् नाःम्सिङ्मा खोसुम्बे़ॽरो॥ खुने़ॽ कुमुक्साम्गे़न् माङ्लाइङ्बाहाॽनु मिराःक्को युआङ् निङ्वाॽफुमाङ्ङिन् कुसिङ् मे़न्निःप्मनाबाहाॽ नु मिःम्जि दाङ्बा ये़सुरे़ कुसुनाइङ् ते़न्दिङ् चोःक्मा मे़न्दे़म्मनाबाहाॽ खुम्दिङ् पिरुसिरो॥ Gade chapit la |
२ थिस्सलोनिकि 1:7
51 Referans Kwoze
कर खे़ल्ले़ इङ्गाॽ अक्खे मे़त्ताङ्लो, “इङ्गाॽ से़वा मे़जोगाङ्ङिन्ने़ॽ! इङ्गाॽग खे़ने़ॽ कुइसिक् हे़क्क्याङ् माङ्निङ्वाॽपान् के़बाःप्पा के़म्भुॽ के़न्साॽसि नु कन् साप्पन्नो के़बप्पा पाःन्हाॽ के़इःप्पा के़नाःप्पाहाॽ हे़क्तङ्बा निङ्वाॽफुमाङ्ङिल्ले़ कुसेवारोबाआरो॥ निङ्वाॽफुमाङ्ङिन्लक् से़वा चोगे़ॽओ!”
खे़न् माङ्लाइङ्बाल्ले़ इङ्गाॽ मे़त्ताङ्, “कन् पाःन्जाक्हाॽ ताःक्पो चोःक्मा सुक्के़दे़प्पा नु से़क्खाबा चोक्लो॥ माङ्निङ्वाॽपान् के़बाःप्पाहाॽ सेसेमाङ् के़बिबा यहवे दाङ्बा निङ्वाॽफुमाङ्ङिल्ले़ कुसे़वारोबाहाॽ आल्ल हाराए पोङ्मा के़बोङ्बा पाःन्हाॽ ओसेःन्धाक्मासि फाॽआङ् कुमाङ्लाइङ्बे़न् पाङ्घु युसुरो॥”
ख्रिस्तलाम् साङ्ग्राम्पेदाङ् नु इक्सादिङ् खाम्बेःक्मोबा काक् नावागे़न् चइःत् ने़स्सुबारो॥ खुने़ॽग निगे़धाःप्पा नु निमे़न्धाःप्मना पाःन्हाॽ, हाङ्हाॽ नु हाङ्जुम्हाॽ, हाङ्गे़जोःक्पाहाॽ नु युक्साबाहाॽआङ् चोगुसिबारो॥ काक् पाःन्हाॽरे़न् नावागे़न् चइःत्तिन् ख्रिस्तलाम् नु ख्रिस्तरे़ कुलागिए पोःक्खे़बारो॥
“ओमे़त्तुङ्ल पत्छाङ्ङिल्ले़सा हाङ्युक्नाहाॽ मे़युक्खुसिरो, हे़क्क्याङ् सदादिङ् आभे़ल्ले़साङ् के़वाॽबे़न् हाङ्युक्नाओ युङ्सिङ्लो॥ खुने़ॽ कुजाङ्ङिन् नाःङ् हे़क्के फुत्त्रिःङ्ग्याःप्पा चोगे़रो, खुने़ॽ कुधे़गेक् इःन् खि हे़क्के फदाङ्बा चोगे़रो॥ खुने़ॽ कुहाङ्युक्नान् मिधुङ् मिराक् के़दिःप्पा चोगे़रो, हे़क्क्याङ् खे़प्मोबा काप्लोःक्हाॽओ हुरुरु मि के़दिःप्पा पत्छे़रो॥
हे़क्क्याङ् हाङ्ङिल्ले़ कुभे़न्छाङ् ले़प्माङ्बाहाॽ मे़त्तुसि, ‘खिनिॽ निङ्वाॽफु साक्मुराःल्ले़ के़दे़त्तिबासे, खिनिॽ इङ्गाॽओलाम् पेगे़म्मे़ॽओ॥ खिनिॽग माफे़न्साम्मिन् नु खुने़ॽ कुमाङ्लाइङ्बाहाॽ केःप्मासि फाॽआङ् यारिप् चोगुबा आप्फाल्ले़आङ् मे़न्छिःम्ना मि के़दिःप्पा खे़मायङ्सङ्ङो पेगे़म्मे़ॽओ॥
कर बा खे़न् पेलिगे़न् पाःन्जाक्किल्ले़ आल्लोबा ताङ्साक्पे़न् नु इक्सादिङ् खाम्बेःक्मान् मिलाम्बा मे़ङ्मा फाॽआङ् ताङ्घुआङ् वाॽरो॥ हे़क्क्याङ् निङ्वाॽफुमाङ्ङिन् इङ्धाङ् मे़म्बिमना मनाहाॽ खासे़न् ये़न्नो मे़म्मे़ङ्सिङ्ङे थारिक् ताङ्साक्पे़न् नु इक्सादिङ् खाम्बेःक्मान् बा याःक्ते़आङ् ने़रो॥
हे़क्क्याङ् सदोम नु गमोरा हे़क्क्याङ् खिरिबा ये़क्यक्कोबा मनाहाॽआङ् इःत्ते़म्सिम्मे़ॽ॥ खे़ङ्हाॽग याम्बोःप्मा याःम्बक् मे़जोगुआङ् काक् परिक्पा याम्गे़सिङ्बा याम्बोःप्मा याःम्बक्को लाम् मे़बोःत्ते़आङ् मे़वये़॥ खे़ल्ले़चोगुल्ले़ खे़ङ्हाॽ मे़न्छिःम्ना के़दिःप्पा मिलाम्बा खासे़न्नो मे़ध्ये़बा पाःन्निन् मिक्सेन् पोःक्खे़आङ् वाॽरो॥
Piblisite