२ थिस्‍सलोनिकि 1:4 - लिम्‍बु

⁴ खे़ल्‍ले़चोगुल्‍ले़ खिनिॽ याःम्‍बेओ निङ्‌वाॽफुमाङ्‌ङिल्‍ले़ वेॽ कुसेसेहुप्‍लक्‍हाॽओ आनिगे ने़बो चाङ्‌जाङ् मे़त्तुम्‍बे़रो, थेआङ्‌भे़ल्‍ले़ खिनिॽ नसान् के़जोगुम्‍माङ् काक् के़साक्‍पा पान् नु तुक्‍खेहाॽ चक्‍मे़ल्‍लॽए के़धरुम्‍माङ् के़वयिॽरो॥

२ थिस्‍सलोनिकि 1:4 Referans Kwoze

हिब्रु 10:36

खिनिॽ नासिके़धःत्तुम्‍ल पोङ्‌लो, हे़क्‍क्‍याङ् निङ्‌वाॽफुमाङ्‌ङिल्‍ले़ कुनिङ्‌वाॽ कुइसिक् के़जोगुम्‍मिल्‍ले़ खुने़ॽ चोगुबा माङ्‌हे़क्‍किन् के़घोसुम्‍लो॥

१ थिस्‍सलोनिकि 2:14

फुॽनुसाॽ नु ने़ॽनुसाॽसे, यहुदिया थुम्‍मो ख्रिस्‍त ये़सुन् नसान् के़जोःक्‍पा निङ्‌वाॽफुमाङ्‌ङिल्‍ले़ कुसेसेहुप्‍लक्‍हाॽरे़ खुनिॽ चोःङ् के़इःत्तुम्‍लो॥ थेआङ्‌भे़ल्‍ले़ यहुदिहाॽरे़ खे़ङ्‌हाॽ निङ्‌घुम् मे़मे़त्तुसिबा कुइसिःक्‍के खिनिॽआङ् आबाङे लाजेॽसाबाहाॽरे़ तुक्‍खे के़म्‍जाःत्तिआङ् के़वयिॽरो॥

१ थिस्‍सलोनिकि 2:19

आल्‍ल खिनिॽग आनिॽ दाङ्‌बा ये़सुन् नुःङ् युःल्‍ले़ खुने़ॽ कुदगि आनिगे निङ्‌साङ् नु सःप्‍मान् खिनिॽनिङ्‌लो॥ हे़क्‍क्‍याङ् आनिगे सिक् सम्‍गे़न् तिचः कुइसिक् हाङ्‌हाङ्‌गे़न् थुम्‍घोन् खिनिॽ मे़ःन्‍निङ्‌बि?

१ थिस्‍सलोनिकि 1:3

आनिॽ पानुदिङ् पा निङ्‌वाॽफुमाङ्‌ङिल्‍ले़ कुनिमाओ नसाःन्‍लाम्‍बा के़जोगुम्‍बा खिनिॽ याःम्‍बक्‍किन्, वेॽहाॽ लुङ्‌माॽ के़दुक्‍तुम्‍सिम्‍माङ् स्‍याङ्‌मे़न्‍दाङ् के़जोगुम्‍बान् हे़क्‍क्‍याङ् आनिॽ दाङ्‌बा ये़सु ख्रिस्‍तरे़ याम्‍मो कुनुःङ्‌मा युमा निङ्‌साङ्‌लाम् के़दाबा निङ्‌वाॽ हाङ्‌गे़म्‍सिङ्‌मान् आनिगे चक्‍मे़ल्‍लॽए निङ्‌वाॽ इःत्तुम्‍बे़रो॥

२ कोरन्‍थि 7:14

खिनिॽ आने़बो के़भोसुम्‍बा पाःन्‍निन् खुने़ॽ चे़क्‍तुङ्‌ङाङ् वयाङ्, हे़क्‍क्‍याङ् खिनिॽ नाधामो याप्‍मि के़न्‍धासिन्‍लो॥ सदादिङ् आनिगे़ग खिनिॽ से़क्‍खा पान् मे़त्तासिगे़बा कुइसिक् खिनिॽ आनिगे ने़बो के़भोसुम्‍बा पाःन्‍निन् तितसे़न् चे़क्‍तुम्‍बे़बा हे़क्‍केए से़क्‍खा के़रे़बान् खुने़ॽ निसुआङ् वाॽरो॥

सुफो 14:12

खे़ल्‍ले़चोगुल्‍ले़ निङ्‌वाॽफुमाङ्‌ङिल्‍ले़ कुइङ्‌जाङ् के़घे़म्‍बाहाॽ नु ये़सुन् नसान् के़जोःक्‍पा निङ्‌वाॽफुमाङ्‌ङिल्‍ले़ सेसे कुमनाहाॽरे़ नासि थःप्‍माए पोङ्‌लो॥

१ कोरन्‍थि 7:17

निङ्‌वाॽफुमाङ्‌ङिल्‍ले़ के़उःत्ते़ल्‍ले़ आक्‍खेलॽरिक् के़वये़, हाबा हे़क्‍केलॽरिक्‍के दाङ्‌बाल्‍ले़ सेःक्‌युक् के़जोगे़बाओ के़वाॽर पोङ्‌लो॥ काक् सेसेहुप्‍लक्‍को बा कन्‍ने इङ्‌गाॽ आजोःक्‍थिम्‍लो॥

२ पत्रुस 1:6

साम्‍जिक्‍को निङ्‌वाॽ हाङ्‌गे़म्‍सिङ्‌मान्, निङ्‌वाॽ हाङ्‌गे़म्‍सिङ्‌मो नासि थःप्‍मान्, नासि थःप्‍मो साप्‍चुवान् योॽरे़म्‍मे़ॽ,

याकुब 5:11

ओमे़त्ते़म्‍मे़ॽ, इनोगे़न् तुक्‍खेओ नासि के़धःप्‍पाहाॽग मुॽइसाबासि फाॽआङ् आइःत्तुम्‍सिम्‍लो॥ अयुबरे़ कुनासि थःप्‍माङ्‌ग खिनिॽ के़घे़प्‍सुम्‍माङ् के़वयिॽ, हे़क्‍क्‍याङ् कुनुप्‍मो दाङ्‌बाल्‍ले़ नुबा पाःन्‍हाॽ तारु पिरुबान् के़निसुम्‍माङ् के़वयिॽरो॥ दाङ्‌बाङ्‌ग मिःम्‍जि नु लुङ्‌दुक् कुधिम् चोक्‍लो॥

हिब्रु 6:15

हे़क्‍केलॽरिक् अब्राहामरे़ निङ्‌वाॽ हाङ्‌गे़म्‍सिङ्‌ल हाङ्‌घुआङ् माङ्‌हे़क्‍को के़वाॽबा पाःन्‍हाॽ खोसुरो॥

२ थिस्‍सलोनिकि 3:5

हाराॽ दाङ्‌बाल्‍ले़ खिनिॽ निङ्‌वाॽफुमाङ्‌ङिल्‍ले़ कुमिःम्‍जि नु ख्रिस्‍तरे़ के़बिरिबा निङ्‌वाॽ हाङ्‌गे़म्‍सिङ्‌मो लाम्‍गे़लोसिररो॥

२ कोरन्‍थि 9:4

कुभा मे़सेदोनियाबा मनाहाॽ इङ्‌गाॽनु खे़प्‍मो मे़दाःल्‍ले़ इङ्‌गाॽ मे़त्तुङ्‌सिङ्‌बा कुइसिक् खे़न् याःम्‍बक्‍को यारिप् मे़म्‍बोङ्‌ङे के़वयिबा के़म्‍दुमिने़ फाॽग्र आनिगे़रक् मेःन्, कर खिनिॽआङ् साॽरिक् सिरिङ्‌ममो के़ध्‍ये़ॽइरो॥

२ कोरन्‍थि 9:2

थेआङ्‌भे़ल्‍ले़ कुभाॽ पिरुम्‍सिम् के़लॽबा खिनिॽ निङ्‌वाॽइन् इङ्‌गाॽ निसुङ्, हे़क्‍क्‍याङ् खिनिॽ अक्‍खैया थुम्‍मो के़वाॽबाहाॽ कुभाॽ पिमा याःम्‍बक्‍को मिःत्‍लिङ्‌ङाङ्‌धोए यारिप् के़वयिबाल्‍ले़ इङ्‌गाॽ आने़बो पोरे़आङ् वाॽबा पाःन्‍निन् मे़सेदोनिया थुम्‍मोबा मनाहाॽ मे़त्तुङ्‌सिङ्‌ङाङ् वाॽआरो॥ हे़क्‍क्‍याङ् खिनिॽ कुभा पिमा यारिप् के़वयिबाल्‍ले़ चोगुल्‍ले़ खे़ङ्‌हाॽओ यरिक्‍ले़ कुभा पिमा याम्‍जाङ्‌वा मे़घोसुआङ् मे़वाॽरो॥

रोमि 12:12

खिनिॽ निङ्‌साङ् के़जोगुम्‍बाल्‍ले़ चोगुल्‍ले़ सःत्ते़म्‍मे़ॽओ, इनोगे़न् तुक्‍खे के़ज्‍ये़ॽइल्‍ले़ नासि थःत्ते़म्‍मे़ॽओ, तुवा चोःक्‍मा मे़ले़रे़म्‍मिन्‍ने़ॽओ॥

रोमि 8:25

कर आनिॽ आल्‍ल थारिक् मे़ङ्‌घोए आवाॽबा पाःन्‍निन् निङ्‌साङ् आजोगुम्‍मिल्‍ले़ खे़न् खोमा फाॽआङ् नासि आधःत्तुम्‍माङ् आहाङ्‌घुम्‍लो॥

रोमि 2:7

कुभा मनाहाॽरे़ चक्‍मे़ल्‍लॽए नुबा याःम्‍बक् मे़जोगुर निङ्‌वाॽफुमाङ्‌लाम् मिमिदिङ्, मिङ्‌सो इङ्‌धाङ् नु आजुनि हिङ्‌मन् मे़गोःत्तुर मे़वाॽरो॥ खे़ङ्‌हाॽग निङ्‌वाॽफुमाङ्‌ङिल्‍ले़ मे़न्‍नुप्‍मनाबा हिङ्‌मन् पिरुसिॽरो॥

२ कोरन्‍थि 7:4

इङ्‌गाॽ खिनिॽनु मे़ङ्‌गिए पाःप्‍मा सुक्‍तुङ्, खिनिॽ के़जोगुम्‍मिल्‍ले़ आने़बो पोरे़आङ् वाॽरो॥ खे़ल्‍ले़चोगुल्‍ले़ इङ्‌गाॽ हाङ्‌हाङ् लॽराङ्‌ङाङ् वाॽआ, हे़क्‍क्‍याङ् आनिगे के़रे़क् इनोगे़न् तुक्‍खेओ इङ्‌गाॽ साॽरिक् सःत्ताङ्‌ङाङ् वाॽआरो॥

२ कोरन्‍थि 12:10

इङ्‌गाॽग ख्रिस्‍तरे़ कुलागि साॽइमे़न्‌याक्‍मना पाःन्‍हाॽओ, नाधामाओ, ये़त्तुक्‍खेओ, निङ्‌घुम्‍मो नु के़साक्‍पा पाःन्‍हाॽओ थाआल्‍ले़ए सःत्तारो॥ थेआङ्‌भे़ल्‍ले़ इङ्‌गाॽ आसाॽइ मे़याक्‍ने़न्‍निल्‍ले़ ख्रिस्‍तरे़ कुमुक्‍साम्‍मिल्‍ले़ के़धुम्‍बा पोङ्‌ङारो॥

हिब्रु 6:12

हे़क्‍क्‍याङ् खिनिॽ ले़म्‍स्‍वाबा मनाहाॽ कुइसिक् मेःन्, कर नसान् नु निङ्‌वाॽ हाङ्‌गे़म्‍सिङ्‌मालाम्‍बा निङ्‌वाॽफुमाङ्‌ङिल्‍ले़ माङ्‌हे़क् चोगुबान् लक् के़घोबाहाॽरे़ खुनिॽ चोःङ् इःत्ते़म्‍मे़ॽओ के़लॽबा आनिगे निङ्‌वाॽ वाॽरो॥