२ थिस्सलोनिकि 1:11 - लिम्बु11 खे़ल्ले़चोगुल्ले़ निङ्वाॽफुमाङ्ङिल्ले़ के़उःत्तिबा हिङ्मन्नो सुम्बोधासाबा के़बोःक्खिनि, हे़क्क्याङ् खिनिॽ नोनिङ्वाॽसोक्, नसाःन्, नु के़जोगुम्बा नोयाःम्बक्हाॽ खुने़ॽ कुमुक्साम्मिल्ले़ कुलिङ्दो के़गे़त्ति के़बिरिनि फाॽआङ् आप्फाल्ले़साङ् चक्मे़ल्लॽए खिनिॽ निङ्वाॽ इःत्तासिगे़र खिनिॽ याःम्बोओ तुवा चोगुम्बे़ॽरो॥ Gade chapit la |
२ थिस्सलोनिकि 1:11
41 Referans Kwoze
आनिॽ पानुदिङ् पा निङ्वाॽफुमाङ्ङिल्ले़ कुनिमाओ नसाःन्लाम्बा के़जोगुम्बा खिनिॽ याःम्बक्किन्, वेॽहाॽ लुङ्माॽ के़दुक्तुम्सिम्माङ् स्याङ्मे़न्दाङ् के़जोगुम्बान् हे़क्क्याङ् आनिॽ दाङ्बा ये़सु ख्रिस्तरे़ याम्मो कुनुःङ्मा युमा निङ्साङ्लाम् के़दाबा निङ्वाॽ हाङ्गे़म्सिङ्मान् आनिगे चक्मे़ल्लॽए निङ्वाॽ इःत्तुम्बे़रो॥
काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ् खुने़ॽए खिनिॽ कुलिङ्दो के़गे़त्तिॽ हे़क्क्याङ् थधप् मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
कोःक्मा फाङ्जङ् थे़गु माङ्वा हे़क्तङ्बा पयम् यम्बा याप्मि के़हम्बा पाःन्हाॽ थे़माआङ्बे? यरुबाबेलरे़ कुदगि खे़ने़ॽ ले़प्पे़प्पा के़बोङ्ॽ॥ हे़क्क्याङ् मनाहाॽ मे़सःत्ताङ् ‘निङ्वाॽफुमाङ्ङिल्ले़ कन् हाङ्वागे़न् मुॽइसाम् पिरुर, हाङ्वागे़न् मुॽइसाम् पिरुर!’” तियाहा मे़लॽर मे़अःक्किल्ले़ खुने़ॽ कुम्मालुङ्ङिन् युक्खुॽ॥
कन् हिन्दोःक्के़न् पोङ्ङे़ल्ले़ के़रे़क् मनाहाॽरे़ मे़बाःत्तुरो, “से़क्खासाङ् खुने़ॽए आनिॽ निङ्वाॽफुमाङ्लो! आनिॽ खुने़ॽ कुलाम् ओआमे़त्तुम्लो हे़क्क्याङ् खुने़ॽए आनिॽ ताङ्आसे़ःप्ते़आङ् आवाॽरो॥ खुने़ॽए यहवे दाङ्बारो! खुने़ॽओ आनिॽ निङ्वाॽ आयुक्खुम्लो खुने़ॽ आनिॽ ताङ्आसे़ःप्ते़आङ् आवाॽरो, आनिॽ सःत्तिआङ् ये़ये़ लॽरिरो॥”
कुॽइगे़भे़म्बे़ल्ले़ आबाङे कुलाम्मिन् नाःप्मा नाॽरुररो हे़क्क्याङ् लायो के़जोःक्पाल्ले़ कुनिङ्वाॽओ इःत्तुबा पाःन्निन् ले़रुदेसुररो॥ खे़ब्याङ् यहवे दाङ्बा ले़प्साङ् नुःङ्लरो, हे़क्क्याङ् खुने़ॽ खे़न् लुङ्माॽ तुक्तुरो॥ आनिॽ निङ्वाॽफुमाङ् पिसाङ् खे़न् हिसिङ्लरो, हे़क्क्याङ् खुने़ॽ खे़न् साम्बान् मे़न्हुङ्ङे ले़प्मि पिरुरो॥
Piblisite