२ थिस्सलोनिकि 1:10 - लिम्बु10 खुने़ॽ कुनुःङ्मा युमा ये़न्नो आबाङे सेसे कुमनाहाॽ नु खुने़ॽ नसान् के़जोःक्पाहाॽओलाम् मिमिदिङ् ने़म्भोमा ताःक्तुरो॥ खे़प्मोग खिनिॽआङ् के़वयिॽरो, थेआङ्भे़ल्ले़ खिनिॽ इङ्भन् चोःक्कासिगे़बा सुनाइङ्ङिन् नसान् के़जोगुम्लो॥ Gade chapit la |
२ थिस्सलोनिकि 1:10
40 Referans Kwoze
कर खिनिॽग निङ्वाॽफुमाङ्ङिल्ले़ के़सेगिबा मना, हाङ् निङ्वाॽफुसाम्बा, सेसे सुवाङ् हे़क्क्याङ् निङ्वाॽफुमाङ्ङिल्ले़ कुमनानिङ्लो॥ खिनिॽग निङ्वाॽफुमाङ्ङिल्ले़ चोगुबा निङ्वाॽ के़माबा याःम्बक्हाॽ इङ्गे़भोसुम्ल फाॽआङ् माक्चिगे़न् खादाम्मोलाम् निङ्वाॽ के़माबा से़न्दाङ्गे़न् ओःत्तिओ खिनिॽ के़उःत्तिआङ् के़वयिॽरो॥
दाङ्बाल्ले़ लुङ्माॽ के़दुक्तिबा फुॽनुसाॽ नु ने़ॽनुसाॽसे, खिनिॽ याःम्बेओ निङ्वाॽफुमाङ्ङिन् आनिगे सदादिङ् नोगे़न् पिमाए पोङ्लो, थेआङ्भे़ल्ले़ तोलिङ्सोमुआङ्धोए सेसेमाङ्ङिल्ले़ सेसेगे़न् सुत्थो चोगुबा कुयाःम्बक्लाम् नु से़क्खाओ नसान् चोःक्मालाम् निङ्वाॽफुमाङ्ङिल्ले़ खिनिॽ ताङ्से़ःप्सिङ्मा फाॽआङ् के़सेगिरो॥
हे़क्क्याङ् बा खे़ल्ले़चोगुल्ले़ए इङ्गाॽ तुक्खे चाआर वाॽआरो॥ कर इङ्गाॽ सिरिङ् मे़मआन्लो, थेआङ्भे़ल्ले़ हात् इङ्गाॽ नसान् चोगुङ्ङाङ् वाॽआ फाॽआङ् नुरिक्काङ् निसुङ्ङाङ् वाॽआरो, हे़क्क्याङ् इङ्गाॽ कुहुक्को पिरुङ्बा पाःन्हाॽ निङ्वाॽफुमाङ्ङिल्ले़ कुनुःङ्मा युमा ये़न् थारिक् से़ःप्तुआङ् कत्तुॽ फाॽआङ् इङ्गाॽ निस्से वाॽआरो॥
आनिगे निङ्वाॽफुमाङ्ङिन् चक्मे़ल्लॽए नोगे़न् पिरुम्बे़ॽरो, थेआङ्भे़ल्ले़ आनिगे निङ्वाॽफुमाङ्ङिल्ले़ कुसुनाइङ्ङिन् खिनिॽओ तारुम्बे़ल्ले़ खे़ङ्ग मे़न्छाम्गे़न् याप्मिरे़ खुनिॽ पाःन्जान् हे़क्के मेःन्, कर निङ्वाॽफु पाःन्जाक्किन् कुइसिःक्के खिनिॽ ते़न्दिङ् के़जोगुम्॥ आल्ल खिनिॽ नसान् के़जोःक्पाहाॽओ निङ्वाॽफुमाङ्ङिल्ले़ कुबाःन्जान्निन् याःम्बक् चोःक्नु याक्लो॥
थेआङ्भे़ल्ले़ आनिगे सुनाइङ्ङिन् खिनिॽओ तारुम्बे़ल्ले़ पाःन्नोरक् मे़वये़न्, कर मुक्साम्मो वये़रो॥ हे़क्क्याङ् कङ्ग सेसेमाङ्लाम् आनिगे पाःत्तुम्बे़बा पाःन्निन् से़क्खासमा वये़ फाॽआङ् के़निसुम्लो॥ आनिगे खिनिॽनु वयिगे़ल्ले़ खिनिॽ लागि आनिगे हिङ्मन्निन् आक्तङ्बा वये़ के़लॽबान् नुरिक्काङ् के़निसुम्माङ् वाॽरो॥
खे़ब्याङ् कन् यरुसले़म ये़क्यक्किन् आङ्गाॽ आलागि निङ्वाॽ तामा, मिङ्सोधाःङ्सो पोङ्मा नु ने़बो पप्मारे़ कुबुङ् पोङ्ॽ हे़क्क्याङ् आङ्गाॽ यरुसले़ःम्बा यक्युङ्बाहाॽरे़ खुन्छिॽ लागि चोगुङ्बा नुबा याःम्बक्हाॽ नु खे़न् ये़क्यक्को चोगुङ्बा नुॽमादामा पाःन्हाॽ मे़घे़प्सुआङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ पगि मे़गिआङ् थे़गक्कक्ना मे़यङ्॥”
ताङ्साङ्बे, सःत्ते़ॽआङ् साम्लोरे़ॽओ, थेआङ्भे़ल्ले़ यहवे दाङ्बे़ल्ले़ हे़क्के चोगुआङ् वाॽरो॥ इक्सादिङ् खाम्बेःक्माए, यम्बा इक्लाओ अःक्ते़ॽओ, थे़गुसे, ताम्भुङ् नु खे़ॽयोबा के़रे़क् सिङ्बुङ्से, खे़म्गे़दे़प्पा इक्लाओ साम्लोरे़म्मे़ॽओ, थेआङ्भे़ल्ले़ यहवे दाङ्बे़ल्ले़ कुमे़ल्लुङ् हुङुआङ् याकुबे़न् थे़ॽरुआङ् वाॽरो, खुने़ॽ आबाङे इस्राइलओ कुमिमिदिङ्ङिन् ओःन्धाक्तुसिॽरो॥
आनिॽ साम्योरे़ सिगाङ् पाःन्निङ्ग पयम् यम्बा चोक् फाॽआङ् आनिॽ ते़न्दिङ् आजोगुम्लो— निङ्वाॽफुमाङ्ङिन् आप्फेक् नासिङ्गे़न् थक्को थाःम्सिङ्लो, सेसेमाङ्लाम् खुने़ॽ साम्योबा फाॽआङ् ओसेःन्दाङ् पोःक्खे़रो, माङ्लाइङ्बाहाॽरे़ खुने़ॽ मे़निसुरो, मे़न्छाम् सुवाङ्हाॽरे़ खुनिॽ लुम्मो खुने़ॽ इङ्भोसे़रो, इक्सादिङ् खाम्बेःक्मो खुने़ॽ नसान् मे़जोगुरो, मिमिदिङ्ङो खुने़ॽ थाःङ् पङ्सिङ् पेरो!
Piblisite