२ सामुए़ल 9:2 - लिम्‍बु

² आल्‍ल सावलरे़ कुहिम्‍सयङ्‌ङो सिवा मे़प्‍नाबा लत्‍छा सेवारोबाधिक् वये़॥ हे़क्‍क्‍याङ् खे़न् दाउदरे़ॽओ मे़उःत्तु॥ हे़क्‍क्‍याङ् दाउद हाङ्‌ङिल्‍ले़ सेःन्‍दोसु, “खे़ने़ॽ सिवाने़बि?” खे़ल्‍ले़ मे़त्तु, “आदाङ्‌बारे़ के़से़वारोबा सिबान् आङ्‌गाॽएरो॥”

२ सामुए़ल 9:2 Referans Kwoze

२ सामुए़ल 19:17

खुने़ॽनु सावलरे़ कुसुवाङ्‌बा कुहिम् कुधाःङ् ओगे़मे़प्‍पा सिवाःन्‍नाङ् थिबोङ्‌ङाङ् ङासि कुस्‍सा नु निबोङ् कुसे़वारोबा, हे़क्‍क्‍याङ् हे़न्‍छिङ्‌धिक् बिन्‍यामिनिहाॽ तेॽरुसिआङ् पे॥ खे़ङ्‌हाॽ यर्दन वहःङ्‌ङो हाङ्‌ङिन् वये़बादे़न्‍नो मे़लोःक्‍ते़आङ् मे़बे॥

तोलिङ्‌सोमु 39:6

खे़ल्‍ले़चोगुल्‍ले़ खुने़ॽ कत्तुबा के़रे़क् पाःन्‍हाॽ युसुफरे़ कुहुक्‍को युक्‍खु पिरु॥ खुने़ॽ कुजामा कुधुङ्‌माआङ्‌धो खुने़ॽ कत्तुबा आत्तिन् पाःन्‍निन्‍नाङ् यार मे़जोगुन्॥ युसुफे़न् कुइत् के़दाबा नु नुबासुक्‍पा चोगे़॥

तोलिङ्‌सोमु 24:2

अब्राहाम्‍मिल्‍ले़ कुहिम्‍मो के़रे़क् पाःन्‍हाॽ के़हिबा के़दङ्‌बा के़रे़क्‍नुःल्‍ले़ यम्‍बा के़से़वारोबान् मे़त्तु, “खे़ने़ॽ के़हुक्‍किन् आलाङ् से़बङ्‌बाहाॽरे़ कुसिःक्‍तो ने़स्‍से़ॽ॥

२ सामुए़ल 19:18

हाङ्‌ङिल्‍ले़ कुहिम्‍सयङ्‌हाॽ ताःत्‍छे़ खे़ङ्‌हाॽरे़ वहःङ्‌ङिन् मे़गाःक्‍तु, हे़क्‍क्‍याङ् हाङ्‌ङिल्‍ले़ मे़त्तुसिबा कुइसिक् मे़जोगु॥ हाङ्‌ङिल्‍ले़ यर्दन वहःङ्‌ङिन् काःक्‍तुर पत्‍छे़ल्‍ले़ गेराररे़ कुस्‍सा सिमिन् होःत्‍छिङ्‌ल साम्‍बोन् हबत् फन्‍छिङ्‌ङाङ् से़वा मे़त्तु,