२ सामुए़ल 9:11 - लिम्‍बु

¹¹ हे़क्‍क्‍याङ् सिबाःल्‍ले़ हाङ्‌ङिन् मे़त्तु, “आदाङ्‌बारे़ इङ्‌जाङ् के़बिराङ्‌बा कुइसिक् आङ्‌गाॽ के़रे़क् चोगुङ्‌ॽ॥” खे़ल्‍ले़चोगुल्‍ले़ए हाङ्‌ङिल्‍ले़ कुस्‍साहाॽओ लत्‍छा हाङ्‌सा कुइसिक् मपिबोसेतरे़ दाउदे़न्‍नु सोरिक् चामा हेःक्‍तु॥

२ सामुए़ल 9:11 Referans Kwoze

२ सामुए़ल 19:26

खुने़ॽ पाःत्तु, “आदाङ्‌बे, आङ्‌गाॽ आसे़वारोबा सिवाःल्‍ले़ इङ्‌ले़क्‍ताङ्॥ आङ्‌गाॽग हाङ्‌ङिन्‍नु पेःक्‍मारे़ लागि अदङ्‌ङिल्‍ले़ कुम्‍ब्राओ करेलि फम्‍मा पाङ्‌घुङ्‌सिङ्, थेआङ्‌भे़ल्‍ले़ आङ्‌गाॽ के़से़वारोबान् लाङ्‌सक्‍पा वाॽआ॥

२ सामुए़ल 19:17

खुने़ॽनु सावलरे़ कुसुवाङ्‌बा कुहिम् कुधाःङ् ओगे़मे़प्‍पा सिवाःन्‍नाङ् थिबोङ्‌ङाङ् ङासि कुस्‍सा नु निबोङ् कुसे़वारोबा, हे़क्‍क्‍याङ् हे़न्‍छिङ्‌धिक् बिन्‍यामिनिहाॽ तेॽरुसिआङ् पे॥ खे़ङ्‌हाॽ यर्दन वहःङ्‌ङो हाङ्‌ङिन् वये़बादे़न्‍नो मे़लोःक्‍ते़आङ् मे़बे॥

२ सामुए़ल 9:10

हे़क्‍क्‍याङ् खे़ने़ॽ, के़स्‍साहाॽ नु खे़ने़ॽ के़से़वारोबाहाॽ खुने़ॽ कुलाजेॽ कुसिङ्‌बुङ्‌ङो यान् के़मयिआङ् खे़न् लाम्‍बा के़धोःक्‍पा कुजान् के़न्‍दाङ्‌बाल्‍ले़ कुसुवाङ्‌ङिन् पिमा पोङ्‌ॽ॥ हे़क्‍क्‍याङ् मपिबोसेत, खे़ने़ॽ के़न्‍दाङ्‌बाल्‍ले़ कुम्‍मे़न्‍छाॽइल्‍ले़ आङ्‌गाॽनु युङ्‌ङाङ् चःॽ॥” (सिबारे़ थिबोङ्‌ङाङ् ङासि कुस्‍सा नु निबोङ् कुसे़वारोबा मे़वये़॥)

२ सामुए़ल 9:12

मपिबोसेतरे़ मिका मे़प्‍नाबा लत्‍छा चुक्‍सा कुस्‍सा वये़॥ सिबाःन् नु कुहिम्‍सयङ्‌हाॽ के़रे़क् मपिबोसेतरे़ कुसे़वारोबा मे़बोःक्‍खे़॥

२ सामुए़ल 9:13

हे़क्‍क्‍याङ् मपिबोसेते़न् यरुसले़म युङ्‌मा हेःक्‍ते़, हे़क्‍क्‍याङ् हाङ्‌ङिल्‍ले़ कुजामादे़न्‍नो हाङ्‌ङिन्‍नुए युङे़आङ् खुने़ॽ कुजा च॥ खुने़ॽ ने़प्‍माङ् कुलाङ् के़सक्‍पा वये़रो॥

२ सामुए़ल 19:24

सावलरे़ कुम्‍मे़न्‍छाॽ मपिबोसेते़न्‍नाङ् हाङ्‌ङिन् कुदुम्‍से़ यो थ्‍ये़॥ हाङ्‌ङिन् लःन्‍दे़ पेआङ् याम्‍मो नुरिक्‍काङ् मे़न्‍नुःङ् मे़न्‍दाए थारिक् खे़ल्‍ले़ कुलाङ् सेःन्‍दिन्‍नाङ् मे़घक्‍तुन्, कुम्‍धोॽइन्‍नाङ् मे़घक्‍तुन्, कुदेःत्ताङ् वामे़हप्‍तुन्॥

२ सामुए़ल 15:15

हाङ्‌ङिल्‍ले़ कुयुक्‍साबाहाॽरे़ मे़बाःत्तु, “आदाङ्‌बारे़ थे के़बाःत्तुॽ बाहे़क्‍के चोःक्‍मा आनिगे यारिप् वयिगे़॥”