२ सामुए़ल 9:10 - लिम्‍बु

¹⁰ हे़क्‍क्‍याङ् खे़ने़ॽ, के़स्‍साहाॽ नु खे़ने़ॽ के़से़वारोबाहाॽ खुने़ॽ कुलाजेॽ कुसिङ्‌बुङ्‌ङो यान् के़मयिआङ् खे़न् लाम्‍बा के़धोःक्‍पा कुजान् के़न्‍दाङ्‌बाल्‍ले़ कुसुवाङ्‌ङिन् पिमा पोङ्‌ॽ॥ हे़क्‍क्‍याङ् मपिबोसेत, खे़ने़ॽ के़न्‍दाङ्‌बाल्‍ले़ कुम्‍मे़न्‍छाॽइल्‍ले़ आङ्‌गाॽनु युङ्‌ङाङ् चःॽ॥” (सिबारे़ थिबोङ्‌ङाङ् ङासि कुस्‍सा नु निबोङ् कुसे़वारोबा मे़वये़॥)

२ सामुए़ल 9:10 Referans Kwoze

२ सामुए़ल 9:7

दाउदरे़ पाःत्तु, “मे़गिसे़न्‍ने़ॽ॥ खे़ने़ॽ के़म्‍बा जोनाथानरे़ कुले़क्‌वा लुङ्‌माॽ तुक्‍ने़॥ आङ्‌गाॽ के़न्‍धे़बा सावलरे़ के़रे़क् कुलाजेॽ कुसिङ्‌बुङ्‌हाॽ नुःक्‍तुङ् पिने़॥ खे़ने़ॽ हाङ्‌ङिल्‍ले़ कुजा चाजामादे़न्‍नो आङ्‌गाॽनु के़युङ्‌ङाङ् आभे़ल्‍ले़साङ् के़जरो॥”

२ सामुए़ल 19:28

थेआङ्‌भे़ल्‍ले़ आङ्‌गाॽ आन्‍धे़बारे़ के़रे़क् कुहिम्‍सयङ्‌हाॽ आदाङ्‌बारे़ के़हुक्‍लाम्‍बा सिमा लाॽरुसिआङ् वये़, कर के़से़वारोबे़ङ्‌ग आदाङ्‌बानु सोरिक् के़युक्‍खाङ्‌ङाङ् चामा के़बिराङ्॥ कन्‍नुःल्‍ले़ यम्‍बा आङ्‌गाॽ थेःन् कोःत्तुङ्‌बाबे?”

लुका 14:15

खुने़ॽनुए सोरिक् के़युङ्‌बा थिक्‍किल्‍ले़ कन् पाःन्‍निन् खे़प्‍सुआङ् पाःत्तु, “निङ्‌वाॽफु हाङ्‌जुम्‍बा चामुक् थिमुक्‍को चा के़जाबाहाॽग मुॽइसाबासिरो॥”

२ हाङ् 25:29

कम्‍भलॽरिक् यहोयाकिने़न् पुङ्‌लाहिम्‍मो चाक्‍खुबा चाङ्‌हाॽ ले़क्‍सिङ् हे़क्‍क्‍याङ् खुने़ॽ कुहिङ्‌हिङ् हाङ्‌ङिल्‍ले़ए कुजा चामादे़न्‍नो युङे़आङ् आभे़ल्‍ले़साङ् कुजा चरो॥

२ सामुए़ल 16:3

हाङ्‌ङिल्‍ले़ सेःन्‍दोसु, “खे़ने़ॽ के़न्‍दाङ्‌बाल्‍ले़ कुम्‍मे़न्‍छाॽइन् आत्तान् वाॽ?” सिबाःल्‍ले़ मे़त्तु, “खुने़ॽग यरुसले़म वाॽ, थेआङ्‌भे़ल्‍ले़ इस्राइलबा सुवाङ्‌हाॽरे़ खुने़ॽ कुन्‍धे़बारे़ कुहाङ्‌युक्‍नान् मे़नुःक्‍तुॽ के़लॽबा निङ्‌वाॽ इःत्तुआङ् वाॽ॥”

२ सामुए़ल 21:7

दाउद नु जोनाथानरे़ यहवे दाङ्‌बे़ल्‍ले़ कुदगि माङ्‌हे़क् चोगे़सुआङ् वये़सिबाल्‍ले़ चोगुल्‍ले़ दाउदे़ल्‍ले़ सावलरे़ कुम्‍मे़न्‍छाॽ जोनाथानरे़ कुस्‍सा मपिबोसेते़न् ताङ्‌घु युक्‍खु॥

१ हाङ् 2:7

“कर गिलादबा बर्जिल्‍लैरे़ कुस्‍साहाॽग लुङ्‌माॽ तुक्‍ते़से़ॽ, हे़क्‍क्‍याङ् खे़ने़ॽ खे़ङ्‌हाॽ ओमे़त्ते़ चोगे़से़ॽ॥ खे़ने़ॽ के़म्‍भुॽ अब्‍सालोमलाम् आङ्‌गाॽ खे़त्‍छिङ्‌ङाङ्‌ङाङ्‌ वयाङ्‌ङिल्‍ले़ खे़ङ्‌हाॽ आङ्‌गाॽनुए सोरिक् मे़वये़॥

यर्मिया 52:34

हे़क्‍केलॽरिक् बेबिलोनबा हाङ्‌ङिल्‍ले़ खुने़ॽ थिक्‌याःन्‍धक् कुजा चामारे़ लागि कुयुङ्‌युङ् थारिक् कुभाॽयाङ् पिरु॥ कन् खुने़ॽ कुसिमा ये़न् थारिक् चक्‍मे़लॽरे़न्‍लो॥

२ सामुए़ल 19:18

हाङ्‌ङिल्‍ले़ कुहिम्‍सयङ्‌हाॽ ताःत्‍छे़ खे़ङ्‌हाॽरे़ वहःङ्‌ङिन् मे़गाःक्‍तु, हे़क्‍क्‍याङ् हाङ्‌ङिल्‍ले़ मे़त्तुसिबा कुइसिक् मे़जोगु॥ हाङ्‌ङिल्‍ले़ यर्दन वहःङ्‌ङिन् काःक्‍तुर पत्‍छे़ल्‍ले़ गेराररे़ कुस्‍सा सिमिन् होःत्‍छिङ्‌ल साम्‍बोन् हबत् फन्‍छिङ्‌ङाङ् से़वा मे़त्तु,