२ सामुए़ल 8:4 - लिम्‍बु

⁴ दाउदरे़ खुने़ॽलाम् हे़न्‍छिङ् थिक् अन्‍लाधाहाॽ, हे़न्‍छिङ् नुसि अन्‍लाधा के़लोङ्‌बाहाॽ नु निबोङ् हे़न्‍छिङ् खाम्‍बाङ्‌ङो थङ् के़जोःक्‍पा थक्‍सुबाहाॽ ते़म्‍सुसिआङ् साक्‍तुसि॥ खुने़ॽ कुलागि चाहा के़जोःक्‍पा अन्‍लाधा के़उःङ्‌बा किप् थिक् अन्‍हाॽ युक्‍खुसिआङ् के़नम्‍बा के़रे़क् अन्‍हाॽरे़ खुन्‍छिॽ लाङ्‌साॽइन् खक्‍तु पिरुसि॥

२ सामुए़ल 8:4 Referans Kwoze

यहोसु 11:9

यहवे दाङ्‌बे़ल्‍ले़ इङ्‌जाङ् पिरुबा कुइसिक् यहोसुःल्‍ले़ खे़ङ्‌हाॽ से़रुसि॥ खुने़ॽ खे़ङ्‌हाॽरे़ खुन्‍छिॽ अन्‍हाॽरे़ खुन्‍छिॽ सावेत्‍हाॽ च्‍ये़प्‍तु पिरुसि, हे़क्‍क्‍याङ् खे़ङ्‌हाॽरे़ खुन्‍छिॽ अन्‍लाधाहाॽ मिधिक्‍खुदेसु पिरुसि॥

यहोसु 11:6

यहवे दाङ्‌बे़ल्‍ले़ यहोसुन् मे़त्तु, “खे़ङ्‌हाॽनु मे़गिसे़न्‍ने़ॽ, थेआङ्‌भे़ल्‍ले़ ताःन्‍दिक् हाबा कन् ये़म्‍मो खे़ङ्‌हाॽ के़रे़क् से़रुङ्‌सिङ्‌ङाङ् आङ्‌गाॽ इस्राइलिहाॽ हुक्‍सुप्‍तुङ्‌सिङ्‌ॽ॥ खे़ने़ॽ खे़ङ्‌हाॽरे़ खुनिॽ अन्‍हाॽरे़ खुन्‍छिॽ सावेत्‍हाॽ च्‍ये़प्‍ते़ पिरे़से़ॽ, हे़क्‍क्‍याङ् खे़ङ्‌हाॽरे़ खुन्‍छिॽ अन्‍लाधाहाॽ मिधिक्‍खे़ पिरे़से़ॽ॥”

निङ्‌वाॽफु साम्‍लोसुम् 20:7

कुभा मनाहाॽरे़ थक्‍सुबा नु फे़जुम्‍भे़याःल्‍ले़ थङ् नाःन्‍दे़त् के़लॽबा मे़इःत्तुरो, कर यहवे दाङ्‌बा निङ्‌वाॽफुमाङ्‌ङिल्‍ले़ कुमुक्‍साम्‍लाम् थङ् थक्‍मा नाःन्‍दे़त् फाॽआङ् आनिगे इःत्तुम्‍बे़रो॥

१ साप्‍मुःन्‍धुम् 18:4

खे़न् लाम्‍बा दाउदरे़ हे़न्‍छिङ् थिक् अन्‍लाधाहाॽ, हे़न्‍छिङ् नुसि अन्‍लाधा के़लोङ्‌बाहाॽ नु निबोङ् हे़न्‍छिङ् खाम्‍बाङ्‌ङो थङ् के़जोःक्‍पा थक्‍सुबाहाॽ ते़म्‍सुसि॥ खुने़ॽ किप् थिक् अन्‍लाधाहाॽ लोःङ्‌मारे़ लागि किप् थिक् अन्‍हाॽरक् ताङ्‌घुसिआङ् वेॽ के़रे़क् अन्‍हाॽरे़ खुन्‍छिॽ लाङ्‌साॽइ खक्‍तु पिरुसिआङ् लाङ्‌सक्‍पा चोगुसि॥

१ हाङ् 10:26

सोलोमनरे़ अन्‍लाधाहाॽ नु अन्‍हाॽ सुप्‍सुसि॥ खुने़ॽ हे़न्‍छिङ् थिक्‍काङ् किप् लिसि अन्‍लाधाहाॽ नु थिबोङ्‌ङाङ् ने़त्‍छि हे़न्‍छिङ् अन्‍हाॽ कत्तुसि, खे़ङ्‌हाॽ खुने़ॽ अन्‍लाधा ये़म्‍मा ये़क्‌यक्‍हाॽओ नु खुने़ॽनु सोरिक् यरुसले़ःम्‍मोआङ् ये़प्‍सुसि॥

साम्‌योथिम् इङ् 17:16

खे़न् हाङ्‌ङिल्‍ले़ आत्तातान्‍ने यरिक् अन्‍हाॽ मे़भुक्‍खुसिन्‍ल, इग्र आल्‍ल यरिक् अन्‍हाॽ फे़प्‍मासिरे़ लागि मनाहाॽ मिस्र लाजेॽओ मे़न्‍नुःङ्‌ने़न् मे़म्‍बेःक्‍ने़न्‍ल, थेआङ्‌भे़ल्‍ले़ “खे़न् लाम्‍मो याम्‍मो मे़नुःक्‍खे़म् मे़बेगे़म्‍मिन्‍ने़ॽ” फाॽआङ् यहवे दाङ्‌बे़ल्‍ले़ खिनिॽ के़मे़त्तिआङ् वाॽ॥

तोलिङ्‌सोमु 49:6

आङ्‌गाॽ खे़ङ्‌हाॽरे़ खुन्‍छिॽ चुम्‍लुङ्‌ङो मे़दाआन्‍लो, आङ्‌गाॽ खे़ङ्‌हाॽनु वाॽमा मे़बोङ्‌ने़ल्‍लरो, थेआङ्‌भे़ल्‍ले़ खे़ङ्‌हाॽरे़ खुन्‍छिॽ सिक् पोगे़ल्‍ले़ मनाहाॽ से़रे़त्‍छुसिआङ् वाॽरो, खे़ङ्‌हाॽरे़ खुन्‍छिॽ सिराॽथाङ्‌धाङ् पित्‍हाॽरे़ खुन्‍छिॽ लाङ्‌साॽइ हे़गे़छु पिरे़त्‍छुसिआङ् वाॽरो॥