२ सामुए़ल 8:13 - लिम्‍बु

¹³ हे़क्‍क्‍याङ् युम् मे़प्‍नाबा ने़ने़बादे़न्‍लाम् थिबोङ्‌ङाङ् ये़त्‍छि हे़न्‍छिङ् एदोमिहाॽ से़रुसिआङ् नुःक्‍खे़ल्‍ले़ दाउदरे़ कुमिङ्‌सो पोरे़॥

२ सामुए़ल 8:13 Referans Kwoze

२ हाङ् 14:7

युम् ने़ने़बादे़न्‍नो थिबोङ् हे़न्‍छिङ् एदोमिहाॽ के़नाःम्‍बा नु थङ्‌ङो सेलाःन् हुक्‍काप् के़जोःक्‍पाआङ् खे़ल्‍ले़ कुमिङ् योक्‍तेल के़वाःप्‍पा खुने़ॽए वये़॥ खे़न् ते़न्‍निल्‍ले़ कुमिङ् आइन् थारिक्‍साङ् हाबा खे़न्‍लो॥

२ सामुए़ल 7:9

खे़ने़ॽ आत्तातान् के़बे आङ्‌गाॽ खे़ने़ॽनु वयाङ्, हे़क्‍क्‍याङ् खे़ने़ॽ के़रे़क् के़निङ्‌मिहाॽ खे़ने़ॽ के़दगिए मे़क्‍खुङ्‌सिङ्॥ आल्‍ल इक्‍सादिङ् खाम्‍बेःक्‍पा मिङ् के़से़बा मनाहाॽरे़ खुन्‍छिॽलुम्‍मो खे़ने़ॽ कुमिङ् के़इङ्‌बा चोःक्‍ने़॥

१ साप्‍मुःन्‍धुम् 18:12

एदोमिहाॽ सरुयाहरे़ कुस्‍सा अबिसैःल्‍ले़ नाःन्‍दुसि॥ खुने़ॽ युम्‍लाःक्‍खाङ् ने़ने़बादे़न्‍नो खे़ङ्‌हाॽरे़ खुन्‍छिॽ थिबोङ्‌ङाङ् ये़त्‍छि हे़न्‍छिङ् मनाहाॽ मे़क्‍खुसि॥

निङ्‌वाॽफु साम्‍लोसुम् 60:1

निङ्‌वाॽफुमाङ्‌ङे, खे़ने़ॽग याप्‍मि के़नाॽरे़आङ् वाॽरो, हे़क्‍क्‍याङ् आनिगे याप्‍मि हारिगे़जाःत्ते़आङ् वाॽरो, आनिगे़नु खे़ने़ॽ के़साक्‍के़न् पोगे़आङ् वाॽरो कर आल्‍ल आनिगे याम्‍मो आभोःक्‍खे़ॽओ॥

२ साप्‍मुःन्‍धुम् 25:11

खे़न् एगाङ् अमस्‍याहःल्‍ले़ सुजा नाःक्‍तुआङ् खुने़ॽ कुधक्‍सुबाहाॽ तेॽरुसिआङ् युम्‍लाःक्‍खाङ् ने़ने़बादे़न्‍नो पे, हे़क्‍क्‍याङ् खे़प्‍मो सेइरबा १०,००० मनाहाॽ स्‍ये़रुसि॥

तोलिङ्‌सोमु 11:4

खे़ब्‍याङ् खे़ङ्‌हाॽरे़ मे़बाःत्तु, “लु, आनिॽ आबाङे लत्‍छा ये़क्‌यक्‍थिक् चोगुम्, खे़न् ये़क्‌यक्‍को थो साङ्‌ग्राम्‍पेदाङ् के़सुबा चङ्‌हिम्‍धिक् चोगुम्, हे़क्‍क्‍याङ् आनिॽ मिङ् युक्‍खुम् खे़ल्‍ले़चोगुल्‍ले़ आनिॽ इक्‍सादिङ् खाम्‍बेःक्‍मो के़रे़क् पिसाङ् आन्‍छे़ने़न् आम्‍बेःक्‍नेल्‍लरो॥”

१ हाङ् 11:15

तगि दाउदे़न् एदोमिहाॽनु थङ् थक्‍ते़र यागे़बा ये़म्‍मो, खुने़ॽ कुधक्‍मोबा योआबे़न् थङ्‌ङो के़सिबा इस्राइलि थक्‍सुबाहाॽरे़ खुन्‍छिॽ लुप्‍से़ पेआङ् वये़ल्‍ले़ खे़न् लाजेॽबा के़रे़क् ये़म्‍बित्‍छाहाॽ मे़क्‍खुसिआङ् वये़॥