२ सामुए़ल 7:22 - लिम्बु22 “खे़ल्ले़चोगुल्ले़ यहवे दाङ्बाए, खे़ने़ॽग पयम् यम्बा के़जोक्॥ खे़ने़ॽ हे़क्तङ्बा हाःत्ताङ् होप् के़लॽबा आनिगे के़रे़क्ले़ खे़प्सुम्बे़, हे़क्क्याङ् खे़ने़ॽआङ्धो वेॽ निङ्वाॽफुमाङ् हाःत्ताङ् होप्॥ Gade chapit la |
२ सामुए़ल 7:22
33 Referans Kwoze
“यहवे दाङ्बा निङ्वाॽफुमाङ्ङे, खे़ने़ॽ आप्फेक् के़से़वारोबे़न् खे़ने़ॽ साॽरिक् पयम् यम्बा के़जोःक्पा नु के़मुक्साम्मिन् ओःन्धाक्मा के़इःत्तुआङ् वाॽ, थेआङ्भे़ल्ले़ साङ्ग्राम्पेदाङ् नु इक्सादिङ् खाम्बेःक्मो खे़ने़ॽ के़जोगुबा हे़क्तङ्बा याःम्बक् नु हाङ्वा माङ्वाबा याःम्बक् चोःक्मा के़सुक्पा हात् वाॽबे?
“खे़ल्ले़चोगुल्ले़, मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् इस्राइलबा मनाहाॽ मे़त्ते़से़ॽ—आङ्गाॽ खिनिॽ नुःक्निङ् ताःत्निङ्, कर कन् खिनिॽ के़यारुम्बाल्ले़ चोगुल्ले़ मेःन्॥ मे़न्छाम् सुवाङ्हाॽरे़ खुन्छिॽ लुम्मो खिनिॽ फुत्छिङ्ज्याङ् के़बोःक्खिआङ् के़वयिल्ले़ खिनिॽ के़दारुम्बा सिरिङ्ममा पाःन्नो, आङ्गाॽ आसेसे मिङ्ङिन् ताङ्से़ःप्मारे़ लागि आङ्गाॽ कन् चोगुङ्बारो॥
थेआङ्भे़ल्ले़ यहवे दाङ्बे़ल्ले़ साङ्ग्राम्पेदाङ्ङिन् चोगुरो, खुने़ॽए निङ्वाॽफुमाङ्लो! खुने़ॽ इक्सादिङ् खाम्बेःक्मान् नावागे़न् चइःत् ने़स्सुआङ् चोगुरो, खुने़ॽ खे़न् सदादिङ् के़बप्पा नु आभे़ल्ले़साङ् के़वाॽबा चोगुरो॥ खुने़ॽ इक्सादिङ् खाम्बेःक्मान् मुरे़क् खारे़क्पा थेआङ् के़होप्पा मेःन्लो कर मे़न्छाम् याप्मिरे़ युङ्मा वाॽमादे़न् चोगुरो॥ खुने़ॽ आबाङेए अक्के पाःत्तुरो— “यहवे दाङ्बा आङ्गाॽएरो वेॽ हाःत्ताङ् निङ्वाॽफुमाङ् होप्लो॥
आल्ल ओमे़त्ते़म्मे़ॽ, आङ्गाॽग खुने़ॽएआरो, आङ्गाॽनुःल्ले़ वेॽ हाःत्ताङ् माङ् होप्लो॥ आङ्गाॽए से़रुङ्सिङ्लो, हे़क्क्याङ् आङ्गाॽए कुहिङ्वे़त् चोगुङ्सिङ्लो॥ आङ्गाॽए खाःन्दुङ्सिङ्लो, खम्भ्याङ् आङ्गाॽए वेःन्दुङ्सिङ्लो, हे़क्क्याङ् आङ्गाॽ आहुक्कोलाम् हाःत्ले़आङ् से़म्मा मे़सुक्तुसिन्लो॥
हे़क्केलॽरिक् मिस्रिहाॽ अदङ् चोगुङ्सिङ्ङाङ् खुन्छिॽ निङ्वान् हादिङ् के़धक्पा चोगुङ् पिरुङ्सिङ् हे़क्क्याङ् खे़ङ्हाॽरे़ खुन्छिॽ लुम्मो निङ्वाॽ के़माबा याःम्बक्हाॽ चोगुङ्बान् खिनिॽ सामे़न्छाॽहाॽ मे़प्मा के़सुक्तुम्सिम्ल॥ हे़क्क्याङ् खिनिॽ के़रे़क्ले़ आङ्गाॽ यहवे दाङ्बाआ फाॽआङ् कुसिङ् के़निःत्तुम्ॽ॥”
हे़क्क्याङ् खुने़ॽ पाःत्तुरो, “यहवे दाङ्बा, इस्राइलबा निङ्वाॽफुमाङ्ङे, थाःङ् साङ्ग्राम्पेदाङ्ङो नु मु इक्सादिङ् खाम्बेःक्मो खे़ने़ॽ हे़क्तङ्बा वेॽ निङ्वाॽफुमाङ् हाःत्ताङ् होप्लो—के़रे़क् सिक्लुङ्माॽरे़ चक्मे़ल्लॽए खे़ने़ॽ के़लाम् के़दिम्बा, खे़न् के़से़वारोबाहाॽनु खे़ने़ॽ माङ्हुप् के़जोगुआङ् चक्मे़ल्लॽए लुङ्माॽ के़दुक्तुसिॽ॥
मनाहाॽरे़ खुन्छिॽ हुक्किल्ले़ मे़न्छुए याक्पेॽओलाम् खक्ते़ ये़बा लुङ्ङिल्ले़ फे़न्जेॽ, कासा, पसाक्के़साक्पा खाम्, युप्पा नु साम्म्याङ्हाॽ खाप्पुथ्यःङ् चोगुबा आदाङ्बारे़ के़निसुबा लुङ्ङिल्ले़ कुबेन् हाबा कन्लो॥ के़रे़क्नुःल्ले़ यम्बा निङ्वाॽफुमाङ्ङिल्ले़ के़दाबा ये़म्मो के़बोङ्बा पाःन्हाॽ पयम् हाङ्ङिन् ओसेःन्गे़धाक्ते़आङ् वाॽ॥ खे़न् से़प्माङ्ङिन् से़क्खाबा नु खे़ल्ले़ कुबेन् नसान् चोःक्मा सुक्के़दे़प्पा चोक्लो॥”
Piblisite