२ सामुए़ल 7:16 - लिम्बु16 खे़ने़ॽ के़हिम्सयङ् नु खे़ने़ॽ के़हाङ्जुम्मिन् आङ्गाॽ आदगि सदादिङ् वाॽ, हे़क्क्याङ् खे़ने़ॽ के़हाङ्युक्नान् सदादिङ्रे़ लागि थधप् मे़ल्लॽमनाबा पोङ्ॽ॥’” Gade chapit la |
२ सामुए़ल 7:16
29 Referans Kwoze
खुने़ॽ युक् चोगुबा मुक्साम्मिन् हाबा चक्मे़ल्लॽए पोआङ् पत्लो, खुने़ॽ कुहाङ्जुम्मो आभे़ल्ले़साङ् सनारुङ् नु नुॽमादामा पोङ्लो॥ हे़क्क्याङ् खुने़ॽ कुधाःक् दाउदरे़ कुएगाङ् के़दाबा हाङ्ङिङ्ग खुने़ॽए पोङ्लो॥ खे़ब्याङ् कुदोःप्मा खासे़न् नु साम्योबान् सोरिक् चोगुआङ् हाङ्युक् चोगुरो॥ खे़न् ये़म्माङ्धो सदादिङ्ले़ लागि खुने़ॽ हाङ्युक् चोगुरो यहवे दाङ्बा मुक्साम्दाङ्बे़ल्ले़ कुसिक्सम्मे़ल्ले़ कन् पाःन्निन् कुलिङ्दो के़त्तुरो॥
खुने़ॽ युक्, मिमिदिङ् नु हाङ्युक् मे़बिरु, हे़क्क्याङ् मे़न्छाम् याप्मिहाॽ, मे़न्छाम् सुवाङ्हाॽ हे़क्क्याङ् वेॽ वेॽ पाःन्दाङ् के़बाःप्पाहाॽरे़ खुने़ॽ माङ्से़वा मे़मे़त्तु॥ खुने़ॽ कुहाङ्युक्किन् नुप्मे़न्दिङ्बा हाङ्युक् चोक्, खे़न् आभे़ल्ले़आङ् मे़ले़ङ्ने़न्, हे़क्क्याङ् खुने़ॽ कुहाङ्जुम्मिन् आप्फाल्ले़आङ् मे़नुप्ने़न्लो॥”
“कन् हाङ्हाॽरे़ खुन्छिॽ ये़म्मो साङ्ग्राम्पेदाङ्बा निङ्वाॽफुमाङ्ङिल्ले़ आप्फाल्ले़आङ् मे़न्नुप्मनाबा हाङ्जुम् थिक् चोगुॽ, खे़न् हाङ्जुम्मिन् आप्फाल्ले़आङ् वेॽ सुवाङ्हाॽरे़ खुन्छिॽ हुक्को मे़जुक्ने़न्॥ कल्ले़ खे़न् हाङ्जुम्हाॽ के़रे़क् खाप्पुथ्यःङ् चोगुसिआङ् नुप्सुसिॽ, कर खे़न् हाङ्जुम्मिन् सदादिङ् आभे़ल्ले़आङ् मे़नुप्ने़न्॥
हे़क्क्याङ् नुसिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ साङ्ग्राम्पेदाङ्ङो यम्बा इक्लाहाॽ अक्खेलॽरिक् त्ये़रो, “काक् इक्सादिङ् खाम्बेःक्मान् आनिॽ दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुहाङ्जुम् पोःक्खे़आङ् वाॽरो॥ हे़क्क्याङ् खुने़ॽ चक्मे़ल्लॽए सदादिङ् सदादिङ् हाङ् चोगुॽरो॥”
“आन्दाङ्बे, खे़ने़ॽ के़से़वारोमाल्ले़ फेःन्दुबा पाःन्निन् ले़प्मि पिरे़ॽओ॥ आदाङ्बारे़ के़धाःक्हाॽ यहवे दाङ्बे़ल्ले़ सदादिङ् के़वाॽबा चोगुसिर, थेआङ्भे़ल्ले़ आदाङ्बारे़ग यहवे दाङ्बाल्ले़ कुधङ्हाॽओ थङ् के़जोःक्ल के़बत्लो॥ आदाङ्बा के़वाॽर थारिक् खे़ने़ॽओ ताप्फे़ःम्बा थेआङ् खोमे़दे़त्ने़न्लरो॥
दाउद हाङ्ङिल्ले़ कुहाङ्युक्नाओ के़युङ्बा हाङ्हाॽ, खे़ङ्हाॽरे़ खुन्छिॽ युक्साबाहाॽ यरुसले़ःम्मोबा मा लाम्धेःप्पाहाॽलाम्बा सिगाङ् मे़लात्॥ खे़ब्याङ् खे़ङ्हाॽ यहुदा हे़क्क्याङ् यरुसले़ःम्मोबा मनाहाॽनु सोरिक् अन्ला नु अन्हाॽओ मे़लाःत्ताङ् मे़दाःॽ हे़क्क्याङ् यरुसले़ःम्मिन् सदादिङ् मनाहाॽरे़ सधे़क् मे़धिम्सुॽ॥
हे़क्क्याङ् यहवे दाङ्बे़ल्ले़ अक्खे मे़त्ताङ्ङाङ् आङ्गाॽनु चोगुबा माङ्हुप्पिन् के़त्लरो—‘खे़ने़ॽ के़मुॽइदाङ्हाॽरे़ आक्खेलॽरिक् वाॽमा पोङ्ॽ फाॽआङ् निङ्वाॽ मे़इःत्तु हे़क्क्याङ् खे़ङ्हाॽरे़ खुन्छिॽ के़रे़क् सिक्लुङ्माॽ नु निङ्वाॽरे़ आङ्गाॽ आमिक्साओ नसाःन्साबा मे़बोङ्ङाङ् लाङ्मे़घेःक्ने़भग्र, इस्राइलबा हाङ्युक्नाओ युङ्मारे़ लागि खे़ने़ॽ आभे़ल्ले़आङ् मनामे़ःन्ने के़म्बोङ्ने़न्॥’
“आल्ल यहवे दाङ्बा इस्राइलबा निङ्वाॽफुमाङ्ङे, आङ्गाॽ पानुदिङ् आम्बा के़से़वारोबा दाउदे़न्नु के़जोगुबा कन् माङ्हुप्पिन् के़त्ते़ॽओ, आदाङ्बारे़ अक्खे के़बाःत्तु, ‘खे़ने़ॽ लाङ्गे़घेःक्पा कुइसिक् खे़ने़ॽ के़स्साहाॽ खुन्छिॽ लाम्हाॽओ सिङ्सिङ् ये़क्ये़क् लाङ्मे़घेःक्काङ् आङ्गाॽ आसाम्यो थिम्हाॽ मे़इःत्तु मे़नाःत्तुने़भग्ररक्, इस्राइलबा हाङ्युक्नाओ युङ्मारे़ लागि आभे़ल्ले़आङ् मना के़होप्पा मे़बोङ्ने़न्॥’
थेआङ्भे़ल्ले़ आनिॽ लागि लत्छा ये़म्बित्छासा अङे़ःक्वाधिक् सावाःन्छिङ्ङाङ् वाॽरो॥ आनिॽ लत्छा ये़म्बित्छा साधिक् आम्बिरे़आङ् वाॽरो खुने़ॽए आनिॽ सम्धाङ् युक् चोगुरो॥ खुने़ॽ निङ्वाॽ के़माबा सुजादाङ्बा, मुक्साम्दाङ्बा निङ्वाॽफुमाङ्, नुप्मे़न्दिङ् पानुदिङ् पा, हे़क्क्याङ् सनारुङ्गे़न् हाङ्सा मे़मे़त्तुरो॥
आङ्गाॽ आसे़वारोबा याकुबे़न् पिरुङ्बा, खे़ङ्हाॽरे़ खुन्छिॽ पाधे़बाहाॽ मे़युङे़बा लाजेॽओ खे़ङ्हाॽ मे़युङ्॥ खे़ङ्हाॽ नु खे़ङ्हाॽरे़ खुन्छिॽ साहाॽ, खे़ङ्हाॽरे़ खुन्छिॽ एगाङ्, खे़ङ्हाॽरे़ खुन्छिॽ मे़न्छाॽहाॽ, थाःक्हाॽरे़ खुन्छिॽ एगाङ् थाःक्हाॽ सदादिङ् आभे़ल्ले़साङ् खे़प्मो मे़युङ्ॽ॥ हे़क्क्याङ् आङ्गाॽ आसे़वारोबा दाउदे़न् सदादिङ् खे़ङ्हाॽरे़ खुन्छिॽ हाङ् पोङ्ॽ॥
Piblisite