२ सामुए़ल 7:13 - लिम्बु13 खे़ल्ले़ए आङ्गाॽ आलागि लत्छा हिम् चोगु पिआ, हे़क्क्याङ् खे़ल्ले़ कुहाङ्युक्नान् सदादिङ्ले़ लागि चोगुङ् पिरुङ्ॽ॥ Gade chapit la |
२ सामुए़ल 7:13
39 Referans Kwoze
कल्ले़चोगुल्ले़ यहवे दाङ्बे़ल्ले़ आङ्गाॽ आम्बा दाउदे़न् मे़त्तुबा कुइसिक् यहवे दाङ्बे़ल्ले़ कुमिङ्ले़ लागि लत्छा माङ्हिम् चोःक्मा निङ्वाॽ निःन्धो चोगुङ्ङाङ् वाॽआ॥ यहवे दाङ्बे़ल्ले़ दाउदे़न् अक्खे मे़त्तुआङ् वये़ ‘खे़ने़ॽ के़ले़क्वाओ, आङ्गाॽ खे़ने़ॽ के़स्सान् हाङ्युक्नाओ युक्खुङ्ॽ, खुने़ॽए आङ्गाॽ आमिङ्ङिल्ले़ लागि खे़न् माङ्हिम्मिन् चोगुॽ॥’
“खे़ने़ॽ के़जोगुर के़याक्पा कन् माङ्हिम्मिल्ले़ कुयाःम्बेओग अक्खे पोङ्ॽ, आङ्गाॽ के़रे़क् आइङ्जाङ्हाॽ खे़ने़ॽ के़इःत्तु के़नाःत्तुॽ हे़क्क्याङ् आङ्गाॽ के़रे़क् आधिम्हाॽ कुइसिक् खे़ने़ॽ के़जोगुॽ, खम्भ्याङ् आङ्गाॽ के़रे़क् आइङ्जाङ्हाॽ के़दिम्दु के़नाःत्तुने़भग्र आङ्गाॽ खे़ने़ॽ के़म्बानु चोगुङ्ङाङ् वये़बा खे़न् आमाङ्हुप्पिन् खे़ने़ॽलाम् आङ्गाॽ के़त्तुङ्ॽ॥
आम्भा खुने़ॽए यहवे दाङ्बे़ल्ले़ कुहिम्मिन् चोगुॽ, हे़क्क्याङ् खुने़ॽ हाङ् मिङ्सो इङ्धाङ् खोसुॽ हे़क्क्याङ् खुने़ॽ कुहाङ्युक्नाओ युङ्ङाङ् हाङ्युक् चोगुॽ, खम्भ्याङ् खे़न् हाङ्युक्नाःल्ले़ कुबेसाङ् निङ्वाॽफुसाम्बा थिक् पोङ्ॽ॥ हे़क्क्याङ् खे़न् ने़प्फुरे़ खुन्छिॽ लुम्मो नादङ् पोङ्ॽ॥’
खुने़ॽ युक् चोगुबा मुक्साम्मिन् हाबा चक्मे़ल्लॽए पोआङ् पत्लो, खुने़ॽ कुहाङ्जुम्मो आभे़ल्ले़साङ् सनारुङ् नु नुॽमादामा पोङ्लो॥ हे़क्क्याङ् खुने़ॽ कुधाःक् दाउदरे़ कुएगाङ् के़दाबा हाङ्ङिङ्ग खुने़ॽए पोङ्लो॥ खे़ब्याङ् कुदोःप्मा खासे़न् नु साम्योबान् सोरिक् चोगुआङ् हाङ्युक् चोगुरो॥ खे़न् ये़म्माङ्धो सदादिङ्ले़ लागि खुने़ॽ हाङ्युक् चोगुरो यहवे दाङ्बा मुक्साम्दाङ्बे़ल्ले़ कुसिक्सम्मे़ल्ले़ कन् पाःन्निन् कुलिङ्दो के़त्तुरो॥
यहवे दाङ्बे़ल्ले़ अक्खे पाःत्तुरो— “सुये़म्मो आङ्गाॽ खे़ने़ॽ नुगप् पिने़रो, हे़क्क्याङ् से़न्लप् पिमा ये़न्नो आङ्गाॽ खे़ने़ॽ फाॽने़रो॥ चिजि खक्खक् के़बोङ्बा इस्राइलबा लाजेन् याम्मो फोङ्मारे़ लागि हे़क्क्याङ् खे़न् लाजेःल्ले़ आबाङे कुन्दाङ्बाहाॽ याम्मो नुःक्मा पिमासिरे़ लागि आङ्गाॽ खे़ने़ॽ से़ःप्ने़ कत्ने़रो खे़ब्याङ् मनारे़ लागि आङ्गाॽ खे़ने़ॽ माङ्हुप् चोःक्ने़रो,
हे़क्क्याङ् यहवे दाङ्बे़ल्ले़ अक्खे मे़त्ताङ्ङाङ् आङ्गाॽनु चोगुबा माङ्हुप्पिन् के़त्लरो—‘खे़ने़ॽ के़मुॽइदाङ्हाॽरे़ आक्खेलॽरिक् वाॽमा पोङ्ॽ फाॽआङ् निङ्वाॽ मे़इःत्तु हे़क्क्याङ् खे़ङ्हाॽरे़ खुन्छिॽ के़रे़क् सिक्लुङ्माॽ नु निङ्वाॽरे़ आङ्गाॽ आमिक्साओ नसाःन्साबा मे़बोङ्ङाङ् लाङ्मे़घेःक्ने़भग्र, इस्राइलबा हाङ्युक्नाओ युङ्मारे़ लागि खे़ने़ॽ आभे़ल्ले़आङ् मनामे़ःन्ने के़म्बोङ्ने़न्॥’
खुने़ॽ लक्तु खोःन्दुआङ् चोगुबा असेरा माङ् नावाइत्लान् खुने़ॽ खे़न् माङ्हिम्मो युक्खु, खे़ल्ले़ कुयाःम्बेओ यहवे दाङ्बे़ल्ले़ दाउदे़न् नु कुस्सा सोलोमने़न् अक्खे मे़त्तुसिआङ् वये़, “कन् माङ्हिम्मो नु इस्राइलबा के़रे़क् थाःक्हाॽओलाम् सेगुङ्बा यरुसले़ःम्मो सदादिङ् आङ्गाॽ आमिङ् युक्खुङ्ॽ॥
“आल्ल यहवे दाङ्बा इस्राइलबा निङ्वाॽफुमाङ्ङे, आङ्गाॽ पानुदिङ् आम्बा के़से़वारोबा दाउदे़न्नु के़जोगुबा कन् माङ्हुप्पिन् के़त्ते़ॽओ, आदाङ्बारे़ अक्खे के़बाःत्तु, ‘खे़ने़ॽ लाङ्गे़घेःक्पा कुइसिक् खे़ने़ॽ के़स्साहाॽ खुन्छिॽ लाम्हाॽओ सिङ्सिङ् ये़क्ये़क् लाङ्मे़घेःक्काङ् आङ्गाॽ आसाम्यो थिम्हाॽ मे़इःत्तु मे़नाःत्तुने़भग्ररक्, इस्राइलबा हाङ्युक्नाओ युङ्मारे़ लागि आभे़ल्ले़आङ् मना के़होप्पा मे़बोङ्ने़न्॥’
हाङ्ङिल्ले़ कुमिङ्ङिन् आभे़ल्ले़साङ् तिःत्लरो, नाम्मिन् ओःप्पा कुइसिक् चक्मे़ल्लॽए खुने़ॽ कुमिङ्सो कुधाःङ्सो पोङ्लरो॥ के़रे़क् मे़न्छाम् याप्मिहाॽरे़ खुने़ॽलाम्बा हाङ्वागे़न् मुॽइसाम् मे़घोसुरो, हे़क्क्याङ् खुने़ॽ मुॽइसाम् पिरुर फाॽआङ् इक्सादिङ् खाम्बेःक्मोबा मे़न्छाम् सुवाङ्हाॽरे़ ले़न्दिक् नाम्धाधा निङ्वाॽफुमाङ्ङिन् पेलि मे़भाक्तुररो॥
थेआङ्भे़ल्ले़ आनिॽ लागि लत्छा ये़म्बित्छासा अङे़ःक्वाधिक् सावाःन्छिङ्ङाङ् वाॽरो॥ आनिॽ लत्छा ये़म्बित्छा साधिक् आम्बिरे़आङ् वाॽरो खुने़ॽए आनिॽ सम्धाङ् युक् चोगुरो॥ खुने़ॽ निङ्वाॽ के़माबा सुजादाङ्बा, मुक्साम्दाङ्बा निङ्वाॽफुमाङ्, नुप्मे़न्दिङ् पानुदिङ् पा, हे़क्क्याङ् सनारुङ्गे़न् हाङ्सा मे़मे़त्तुरो॥
आङ्गाॽ आसे़वारोबा याकुबे़न् पिरुङ्बा, खे़ङ्हाॽरे़ खुन्छिॽ पाधे़बाहाॽ मे़युङे़बा लाजेॽओ खे़ङ्हाॽ मे़युङ्॥ खे़ङ्हाॽ नु खे़ङ्हाॽरे़ खुन्छिॽ साहाॽ, खे़ङ्हाॽरे़ खुन्छिॽ एगाङ्, खे़ङ्हाॽरे़ खुन्छिॽ मे़न्छाॽहाॽ, थाःक्हाॽरे़ खुन्छिॽ एगाङ् थाःक्हाॽ सदादिङ् आभे़ल्ले़साङ् खे़प्मो मे़युङ्ॽ॥ हे़क्क्याङ् आङ्गाॽ आसे़वारोबा दाउदे़न् सदादिङ् खे़ङ्हाॽरे़ खुन्छिॽ हाङ् पोङ्ॽ॥
“कन् हाङ्हाॽरे़ खुन्छिॽ ये़म्मो साङ्ग्राम्पेदाङ्बा निङ्वाॽफुमाङ्ङिल्ले़ आप्फाल्ले़आङ् मे़न्नुप्मनाबा हाङ्जुम् थिक् चोगुॽ, खे़न् हाङ्जुम्मिन् आप्फाल्ले़आङ् वेॽ सुवाङ्हाॽरे़ खुन्छिॽ हुक्को मे़जुक्ने़न्॥ कल्ले़ खे़न् हाङ्जुम्हाॽ के़रे़क् खाप्पुथ्यःङ् चोगुसिआङ् नुप्सुसिॽ, कर खे़न् हाङ्जुम्मिन् सदादिङ् आभे़ल्ले़आङ् मे़नुप्ने़न्॥
Piblisite