२ सामुए़ल 6:5 - लिम्बु5 दाउदे़न् नु के़रे़क् इस्राइलि सुवाङ्हाॽ खुन्छिॽ सिक्समे़र साम्लोनु, साराङ्गि, तुःङ्गे, के, खित्चिङ् खित्चिङ् के़लॽबा मुक्ला नु साप्फङ्गा हिप्नु मे़सःत्ते़र मे़यागे़॥ Gade chapit la |
आल्ल खिनिॽ थुत्तुरिःप्पा, मुप्फ्रामा, तुःङ्गे, कङ्नि, अन्मे, ते़ःत्ते़ःप्पा नु के़रे़क् परिक्पा मुक्लाहाॽ मुक्पा के़घे़प्सुम्नुमे़ःन्ने आङ्गाॽ चोगुङ्बा नावाइत्लान् साम्बोन् फन्छिङ्माआङ् से़वा मे़प्मारे़ लागि यारिप् के़बोक्खिने़भग्र नुबाए पोङ्ॽ॥ कर खिनिॽ कन् से़वा के़म्मे़त्तुम्मिन्ने़भग्र, खिमो लुङ्धाक्किल्ले़ फाक्मनाबा मिधुङ्दिङ् मिराःक् के़दिःप्पा मिओ लाप्के़म्भुसिॽ॥ खे़ब्याङ् आत्तिन् माङ्ङिल्ले़ आङ्गाॽ आहुक्कोलाम् खिनिॽ ताङ्से़ःप्मा के़सुक्तिबे?”
कल्ले़चोगुल्ले़ थुत्तुरिःप्पा, मुप्फ्रामा, तुःङ्गे, कङ्नि, अन्मे, ते़ःत्ते़ःप्पा नु के़रे़क् परिक्पा मुक्लाहाॽ मुक्ते़बा मे़घे़प्सुनुमे़ःन्ने मे़न्छाम् याप्मिहाॽ, मे़न्छाम् सुवाङ्हाॽ हे़क्क्याङ् वेॽ वेॽ पाःन्दाङ् के़बाःप्पाहाॽ के़रे़क् साम्बोन् हबत् मे़भन्छिङ्ङाङ् नबुकदनेसर हाङ्ङिल्ले़ ये़प्सुबा साम्म्याङ् नावाइत्लान् से़वा मे़मे़त्तुरो॥
“खे़न् एगाङ् खे़ने़ॽ गिबा मे़प्मनाबा ते़न्नोबा निङ्वाॽफुमाङ्ङिल्ले़ कुगोःक्माओ के़बेःक्, खे़ॽयो पलिस्ति थक्सुबाहाॽरे़ खुनिॽ तुरायक् ने़ःॽ॥ खे़ने़ॽ पाङ्जुम्मो के़प्मा के़जोःक्किल्ले़, कोःक्माओबा ले़त्ति तोःम्मादे़न्लाम् खित्चिङ् खित्चिङ् के़लॽबा मुक्ला, मुफ्रामा नु तुःङ्गे के़मुङ्बार के़नुःङ्बा के़युबा माङ्निङ्वाॽपान् के़बाःप्पा मनालुप्हाॽ के़दुमुसिॽ, हे़क्क्याङ् खे़ङ्हाॽरे़ माङ्निङ्वाॽपान् मे़बाःत्तुर मे़युर मे़बत्॥