२ सामुए़ल 6:16 - लिम्‍बु

¹⁶ यहवे दाङ्‌बे़ल्‍ले़ कुमाङ्‌हुप् सन्‍दोक्‍किन् दाउदरे़ कुये़क्‌यक्‍को मे़गे़त्तुर मे़बत्‍छे़, सावलरे़ कुस्‍सा मे़न्‍छिन् मिकले़न् पेधाःप्‍पोलाम् ओमये़, हे़क्‍केःल्‍ले़ दाउद हाङ्‌ङिन् यहवे दाङ्‌बे़ल्‍ले़ कुदगि पिन्‍दे़र लाःक्‍खे़बा निसु, हे़क्‍क्‍याङ् खे़ल्‍ले़ दाउदे़न् कुनिङ्‌वाॽ सिगाङ्‌लाम् चिःत्तु॥

२ सामुए़ल 6:16 Referans Kwoze

१ कोरन्‍थि 2:14

नसान् मे़न्‍जोःक्‍मनाबा मनाःल्‍ले़ निङ्‌वाॽफुमाङ्‌ङिल्‍ले़ कुसेसेमाङ्‌लाम् के़दाबा पाःन्‍हाॽ मे़दाःक्‍तुन्‍लो॥ खे़ङ्‌हाॽग खुने़ॽ कुलागि अदङ्‌पान् पोङ्‌ङाङ् कुसिङ् निःप्‍मा मे़सुक्‍तुन्‍लो, थेआङ्‌भे़ल्‍ले़ याम्‍साम्‍गे़न् पाःन्‍हाॽग सेसेमाङ्‌लाम्‌रक् कुसिङ् निःप्‍मा सुक्‍ते़त्‍लो॥

१ साप्‍मुःन्‍धुम् 15:29

आल्‍ल यहवे दाङ्‌बे़ल्‍ले़ कुमाङ्‌हुप् सन्‍दोक्‍किन् मे़धाक्‍तुआङ् दाउदरे़ कुये़क्‌यक्‍को मे़लासे़र मे़बत्‍छे़ल्‍ले़ साउलरे़ कुस्‍सा मे़न्‍छुमा मिकलरे़ पेधाःप्‍पोलाम् ओमे़त्तुसि, हे़क्‍क्‍याङ् दाउद हाङ्‌ङिन् लाःक्‍खे़र फे़रे़बा नु सःत्ते़बा निसुआङ् खुने़ॽ कुनिङ्‌वाॽओ कुनामे़न्‍छाॽ मे़त्तुरो॥

निङ्‌वाॽफु साम्‍लोसुम् 69:7

थेआङ्‌भे़ल्‍ले़ हाबा खे़ने़ॽ के़लागिए आङ्‌गाॽ आनामे़न्‍छाॽ पोःक्‍खे़आङ् वाॽरो, हे़क्‍क्‍याङ् सिरिङ्‌ममाल्‍ले़ आनारान् ते़प्‍तुआङ् वाॽआरो॥

सेःक्‌युक्‍मिबाहाॽ 2:13

कर कुभारे़ किनाःन्‍दि मे़बिरुसिर चे़ल्‍ले़क्‍सेॽ थिःल्‍ले़ मयुसिआङ् वाॽ लॽरिक् मे़मे़त्तुसिरो॥

२ सामुए़ल 3:14

दाउदरे़ सावलरे़ कुस्‍सा इस्‍बोसेते़न्‍नाङ् अक्‍तङ्‌बा इङ्‌घङ् हाक्‍तुदेसु, “आङ्‌गाॽ किप् थिक् पलिस्‍तिहाॽरे़ खुन्‍छिॽ चुत्‍चुॽबाहाॽ मे़ल्‍लुङ् कुइसिक् हुङुङ्‌ङाङ् नाःक्‍तुङ्‌बा आङ्‌गाॽ आमेत् मिकले़न् आङ्‌गाॽ पिराङ्‌ङे़ॽ॥”

यसैया 53:3

खुने़ॽ मनाहाॽरे़ मे़जिःत्तुआङ् वये़रो हे़क्‍क्‍याङ् मे़नाॽरुरो, खुने़ॽ तुक्‍खे नु ये़त्तुक्‍खेहाॽ थरुरो॥ हाःत्‍ले़आङ् खुने़ॽ ओमे़मे़त्तुल्‍लो, आनिगे खुने़ॽ थे हे़क्‍तङ्‌बाआङ् मे़लेःत्तुम्‍बे़ल्‍लो॥

२ सामुए़ल 5:7

हे़क्‍केसाङ् दाउदरे़ सियोनबा यक्‍किन् हुक्‍काप् चोगु, खे़न् आल्‍लो दाउदरे़ कुये़क्‌यक् मे़मे़त्तु॥

२ सामुए़ल 6:15

हे़क्‍केलॽरिक् दाउदे़न् नु के़रे़क् इस्राइलि सुवाङ्‌हाॽरे़ मे़सःत्ते़र सादाङ्‌ङिन् मे़मुःत्तुआङ् मे़मुक्‍खुर यहवे दाङ्‌बे़ल्‍ले़ कुमाङ्‌हुप् सन्‍दोक्‍किन् यरुसले़म्‍मो मे़दारु॥

२ सामुए़ल 6:20

दाउदे़न् कुहिम्‍सयङ्‌हाॽ हाङ्‌वामुॽइ पिसे़ त्‍ये़ःल्‍ले़ सावलरे़ कुस्‍सा मे़न्‍छुमा मिकले़न् खुने़ॽ कुदुम्‍से़ लःन्‍दे़, हे़क्‍क्‍याङ् मे़त्तु, “इस्राइलबा हाङ्‌ङिल्‍ले़ कुलागि आइन् आक्‍खे़न् मिङ्‌सो इङ्‌धाङ्‌बा ये़न्‍निबे! खुने़ॽ कुसे़वारोमाहाॽरे़ खुन्‍छिॽ तगाङ् ले़क्‍चाॽबुधुक् पोःक्‍खे़आङ् खार्जोःम्‍बा ले़ङ्‌सिङ्॥”

१ सामुए़ल 18:17

सावलरे़ दाउदे़न् मे़त्तु, “आङ्‌गाॽ आस्‍सा तुम्‍मा मेराबे़न्‍नु खे़ने़ॽ ते़न्‍धाम् मेःक्‍खिम् मे़त्‍ने़, कर खे़ल्‍ले़ कुले़क्‌वा थुम्‍दे़ॽर आसे़वा याःम्‍बक् चोगे़ॽ, हे़क्‍क्‍याङ् यहवे दाङ्‌बाल्‍ले़ कुलागि थङ् थक्‍ते़ॽ॥” थेआङ्‌भे़ल्‍ले़ सावलरे़ आबाङे कुहुक्‍लाम् मेःन्, कर पलिस्‍तिहाॽरे़ खुनिॽ हुक्‍लाम्‍बा दाउदे़न् से़प्‍मा निङ्‌वाॽ चोगुआङ् वये़॥

१ सामुए़ल 18:20

कर सावलरे़ वेॽ कुस्‍सा मे़न्‍छुमा मिकले़न् नु दाउदे़न् नानुॽने़सि के़लॽबा पाःन्‍निन् कुसिङ् मे़निःत्तुआङ् खे़ङ्‌हाॽरे़ सावले़न् मे़मे़त्तु॥ हे़क्‍केःल्‍ले़ सावले़न् साॽरिक् कुनिङ्‌वाॽ त्‍ये़॥

निङ्‌वाॽफु साम्‍लोसुम् 123:3

आनिगे लुङ्‌माॽ आदुक्‍ते़ॽओ, यहवे दाङ्‌बाए, आनिगे नुरिक् आमे़त्ते़ॽओ, थेआङ्‌भे़ल्‍ले़ आनिगे साॽरिक् हिनाःम् मे़मे़त्तिगे़आङ् वयिगे़रो॥