२ सामुए़ल 5:7 - लिम्बु7 हे़क्केसाङ् दाउदरे़ सियोनबा यक्किन् हुक्काप् चोगु, खे़न् आल्लो दाउदरे़ कुये़क्यक् मे़मे़त्तु॥ Gade chapit la |
२ सामुए़ल 5:7
27 Referans Kwoze
यहवे दाङ्बे़ल्ले़ कुमाङ्हुप् सन्दोक्किन् दाउदरे़ कुये़क्यक्को मे़गे़त्तुर मे़बत्छे़, सावलरे़ कुस्सा मे़न्छिन् मिकले़न् पेधाःप्पोलाम् ओमये़, हे़क्केःल्ले़ दाउद हाङ्ङिन् यहवे दाङ्बे़ल्ले़ कुदगि पिन्दे़र लाःक्खे़बा निसु, हे़क्क्याङ् खे़ल्ले़ दाउदे़न् कुनिङ्वाॽ सिगाङ्लाम् चिःत्तु॥
यहवे दाङ्बे़ल्ले़ कुमाङ्हुप् सन्दोक्किल्ले़ चोगुल्ले़ यहवे दाङ्बे़ल्ले़ ओबेद-एदोमले़ कुहिम्सयङ् हे़क्क्याङ् खुने़ॽनु के़वाॽबा चिगक्वाहाॽओ हाङ्वामुॽइ पिरु के़लॽबा पाःन्निन् दाउदे़न् मे़जे़क्तु, हे़क्क्याङ् दाउदे़न् पेआङ् ओबेद-एदोमरे़ कुहिम्लाम् यहवे दाङ्बे़ल्ले़ कुमाङ्हुप् सन्दोक्किन् पसःत् सःत्ते़र दाउदरे़ कुये़क्यक्को तारु॥
कङ्ग साम्योसाप्लाओ अक्खेलॽरिक् साप्ते़बा कुइसिक् पोःक्खे़रो, “ओमे़त्ते़म्मे़ॽ, इङ्गाॽ यरुसले़म्मो मनाहाॽ मे़दोःक्ल फाॽआङ् मना के़घबा लुङ्ङिन् ने़स्सुङ्लो, हे़क्क्याङ् मे़ले़ःङ्ङाङ् मे़गे़ङ्ल फाॽआङ् लुङ्जेक् ने़स्सुङ्लो, कर खुने़ॽ सम्दाङ् नसान् के़जोःक्पाङ्ग आप्फाल्ले़आङ् सिरिङ्ममो मे़धाने़न्लो॥”
यरिक् मे़न्छाम् सुवाङ्हाॽ मे़दाआङ् अक्खे मे़बाःत्तुरो, “त्ये़म्मे़ॽओ, यहवे दाङ्बे़ल्ले़ कुगोःक्मान् लिङुम्लो, हे़क्क्याङ् याकुबरे़ कुनिङ्वाॽफुमाङ्ङिल्ले़ कुहिम्मो पेगिरो॥ खुने़ॽ कुलाम्मो लाङ्घेःक्मा आनिॽ आहुॽरो, हे़क्केलॽरिक् आनिॽ खुने़ॽ कुलाम्मो लाङ्घेःक्मा आसुक्लरो॥” थेआङ्भे़ल्ले़ साम्योथिम् इङ्जाङ्ङिन् सियोनलाम् तारो, हे़क्क्याङ् यहवे दाङ्बे़ल्ले़ कुबाःन्जाक्किन् यरुसले़मलाम् लःन्लो॥
सोलोमनरे़ मिस्र लाजेॽबा फारो हाङ्ङिन्नु तङ्मा काॽइ चोगु, हे़क्क्याङ् खे़ल्ले़ कुस्सा मे़न्छुमान्नु ते़न्धाम् मेःक्खिम् चोगु॥ खुने़ॽ कुहाङ्हिम्मिन् नु यहवे दाङ्बे़ल्ले़ कुहिम्मिन् चोःक्मा मे़न्छुःत्ते थारिक् हे़क्क्याङ् यरुसले़म के़रे़क् पिसाङ्बा लुङ्धाक्किन् से़प्मा मे़न्छुःत्ते थारिक् सोलोमन हाङ्ङिल्ले़ खे़न् मे़न्छुमान् थाक्तुआङ् दाउदरे़ कुये़क्यक्को युक्खु॥
खे़न् ये़न्नो दाउदरे़ पाःत्तु, “हाःत्ले़ यबुसिहाॽ से़रुसिॽ, खे़ल्ले़ दाउदरे़ कुनिङ्मि मिक्फःम्बा नु लङ्ले़ःङ्वाहाॽ च्वाःत् लाङ्गे़घेःक्पा हङ्गारिबो लाःत्ताङ् खे़ङ्हाॽ ते़म्सुसिर पोङ्ॽ॥” खे़ल्ले़चोगुल्ले़ खे़ङ्हाॽरे़ मे़बाःत्तु, “मिक्फःम्बा नु लाङ्सक्पाहाॽ माङ्हिम्मो लाःप्मा मे़ङ्घोने़न्॥”
मिस्पा थुम्मोबा हाङ्युक्पा कोल-होजेरे़ कुस्सा सल्लुनरे़ वधाःम् लाम्धेःप्पे़न् चोगु॥ खुने़ॽ लाम्धेःप्पो लाःप्मा लाम्धेःप्पाल्ले़ कुसम्धाङ् लिङ्घाम्बुःन् खाप्तु, लाम्धेःप्पाहाॽ ये़प्सुआङ् खे़ङ्हाॽ ए़प्मा नु सुप्मारे़ लागि आग्लोहाॽ केःत्तु॥ सिलोआम वाबाक्किल्ले़ कुबेसाङ् हाङ्ङिल्ले़ कुभुङ्इक् निःत्ताङ्बा लुङ्धाक्किन् से़त्तुआङ् खुने़ॽ दाउद हाङ्ङिल्ले़ कुये़क्यक्को लाःप्मा नाहाङसेःक्हाॽओ थारिक् चाःङ्वा मे़त्तु॥
Piblisite