२ सामुए़ल 4:7 - लिम्‍बु

⁷ इस्‍बोसेते़न् कुहिम्‍मोबा आबाङे कुइप्‍नाओ इप्‍से़आङ् ने़स्‍से़ल्‍ले़ खे़ङ्‌हाॽ हिम्‍सिगाङ् लासे़छि॥ खुन्‍छिॽ लाःक्‍किल्‍ले़ थुबु से़रुसिआङ् खे़ङ्‌हाॽरे़ खे़ल्‍ले़ कुधेगेःक्‍पे़न् फुॽयाक् खक्‍ते़त्‍छुआङ् तेॽरे़छु, हे़क्‍क्‍याङ् अराबालाम् पोःक्‍खे़छिर से़न्‍छे़न् लाङ्‌घेगे़छिआङ् पेसि॥

२ सामुए़ल 4:7 Referans Kwoze

मत्ति 14:11

कुधेगेःक्‍पे़न् मे़दारुआङ् खे़न् चुक्‍मे़न् चे़त्‍थ्‍याओ मे़बिरु, हे़क्‍क्‍याङ् खे़ल्‍ले़ खे़न् कुम्‍मारो तेॽरु॥

२ सामुए़ल 2:29

हे़क्‍क्‍याङ् अबनेरे़न् नु कुमनाहाॽ अराबालाम् से़न्‍दिक् नाम्‍दाःत्तात् लाङ्‌मे़घेगे़र मे़बेआङ् खे़ङ्‌हाॽरे़ यर्दन ते़म्‍बेःन् मे़नाःक्‍खु, हे़क्‍क्‍याङ् तानाम् आक्‍खोक् थारिक् लाङ्‌मे़घेगे़र महनोम मे़गे़रे़॥

१ सामुए़ल 31:9

हे़क्‍केःल्‍ले़ खे़ङ्‌हाॽरे़ सावलरे़ कुधेगेःक्‍पे़न् मे़घक्‍तु हे़क्‍क्‍याङ् कुभे़जुम् कुभे़याहाॽ मे़भे़न्‍दुआङ् मे़देॽरु॥ खे़ब्‍याङ् पलिस्‍तिहाॽरे़ खुन्‍छिॽ लाजेॽहाॽओ इङ्‌घङ् के़साबाहाॽ मे़बाङ्‌घुसि, खुन्‍छिॽ मनाहाॽ नु नावाइत्‍ला के़युङ्‌बा माङ्‌हिम्‍हाॽओ थारिक् कन् इङ्‌घङ्‌ङिन् मे़गे़त्तु॥

१ सामुए़ल 17:54

दाउदरे़ गोल्‍यतरे़ कुधे़गेक्‍पान् पक्‍खुआङ् यरुसले़म तारु, कर खे़ल्‍ले़ कुभे़जुम् कुभे़याहाॽ आबाङे कुस्‍साःङ्‌गा हिम्‍मो ने़स्‍सु॥

लाम्‍दिक् 8:3

निल वहःङ्‌ङिन् पे़दःक्‍हाॽरे़ सधे़क् मे़धिम्‍सुॽ, हे़क्‍क्‍याङ् खे़न् पे़दःक्‍हाॽ खे़ने़ॽ के़हिम्‍मो, के़इम्‍मादे़न् याक्‍फाङ्‌ङो, के़ने़त्‍नाओ, के़सुहाङ्‌युक्‍पाहाॽ नु के़मनाहाॽरे़ खुन्‍छिॽ हिम्‍हाॽओ हे़क्‍क्‍याङ् के़दःक् थोःक्‍मादे़न्‍नो नु फेॽरुम् सॽमा खप्‍प्‍याओआङ् मे़दाःॽ॥

१ सामुए़ल 17:51

हे़क्‍क्‍याङ् दाउदे़न् लोःक्‍ते़र पेआङ् गोल्‍यते़न् चोःन्‍दे़बा ते़न्‍नो ये़म्‍सिङ्॥ हे़क्‍क्‍याङ् गोल्‍यतरे़ कुदाभेन् कुसुःप्‍पोलाम् तरप् फिःक्‍खुआङ् कुधे़गेःक्‍के़न् फुत्‍चिक् पुॽरे़र च्‍ये़प्‍तु॥ हे़क्‍केरिक् पलिस्‍तिहाॽरे़ खुनिॽ के़धुम्‍बा मनान् स्‍ये़बा मे़निसुआङ् खे़ङ्‌हाॽ मे़नुःक्‍खे़आङ् मे़घे़त्‍छिङ्॥