२ सामुए़ल 4:4 - लिम्‍बु

⁴ सावलरे़ कुस्‍सा जोनाथानरे़ लत्‍छा कुस्‍सा वये़, खे़ल्‍ले़ कुलाङ् ने़प्‍माङ् लाङ्‌सक्‍पा चोगे़॥ यिजरेललाम्‍बा सावल नु जोनाथान मे़से़रुसि के़लॽबा इङ्‌घङ् त्‍ये़ःल्‍ले़ खे़न् तङ्‌बेॽ ङासि के़रे़आङ् वये़॥ खे़न् ओगे़मे़प्‍माल्‍ले़ खे़न् याङ्‌सिङ्‌ङाङ् खे़त्तु तेॽरुआङ् वये़, कर हाराहारा खे़त्‍छिङ् पेःल्‍ले़ खे़न् के़ङे़, हे़क्‍क्‍याङ्‌ङे खे़न् लाङ्‌सक्‍पा पोःक्‍खे़आङ् वये़॥ खे़ल्‍ले़ कुमिङ् मपिबोसेत वये़॥

२ सामुए़ल 4:4 Referans Kwoze

२ सामुए़ल 9:3

हे़क्‍क्‍याङ् हाङ्‌ङिल्‍ले़ पाःत्तु, “सावलरे़ कुहिम्‍सयङ्‌ओ हात् कुहिङ्‌वे़त् वाॽबे? निङ्‌वाॽफुमाङ्‌ङिन्‍नु चोगुङ्‌बा माङ्‌हुप् कुइसिक् आङ्‌गाॽ खे़न् लुङ्‌माॽ तुक्‍तुङ्‌ॽ॥” सिबाःल्‍ले़ मे़त्तु, “ओरो, जोनाथानरे़ लत्‍छा कुस्‍सा वाॽ॥ खे़ल्‍ले़ ने़प्‍माङ् कुलाङ् के़सक्‍पा चोक्॥”

१ साप्‍मुःन्‍धुम् 9:40

जोनाथनरे़ कुस्‍सा— मरिब्‍बाल, मरिब्‍बाले़न् मिकारे़ कुम्‍बा वये़॥

१ साप्‍मुःन्‍धुम् 8:34

जोनाथनरे़ कुस्‍सा— मरिब्‍बाल वये़, खे़न् मिकारे़ कुम्‍बा वये़॥

२ सामुए़ल 9:6

सावलरे़ कुम्‍मे़न्‍छाॽ जोनाथानरे़ कुस्‍सा मपिबोसेते़न् दाउदरे़ॽओ के़रे़, हे़क्‍क्‍याङ् साम्‍बोन् हबत् फन्‍छिङ्‌ङाङ् हाङ्‌ङिन् से़वा मे़त्तु॥ दाउदरे़ मे़त्तु, “मपिबोसेतए!” खे़ल्‍ले़ मे़त्तु, “आदाङ्‌बे, आङ्‌गाॽ के़से़वारोबान् कप्‍मो वाॽआरो॥”

१ सामुए़ल 29:11

हे़क्‍केःल्‍ले़ दाउदे़न् नु कुमनाहाॽ पलिस्‍तिहाॽरे़ खुन्‍छिॽ लाजेॽ नुःङ्‌मा पेःक्‍मा फाॽआङ् तानाम् मे़बोगे़॥ पलिस्‍तिहाॽग यिजरेल ले़प्‍माङ् मे़धासिङ्‌लो॥

१ सामुए़ल 29:1

आल्‍ल पलिस्‍तिहाॽरे़ खुन्‍छिॽ के़रे़क् थक्‍सुबाहाॽ थङ् चोःक्‍से़ अपेकओ मे़सुप्‍सुसि, हे़क्‍क्‍याङ् इस्राइलिहाॽरे़ यिजरेलबा वबुन्‍दाक् कुबेसाङ् तुरायक् मे़लेःत्तु॥

२ सामुए़ल 21:7

दाउद नु जोनाथानरे़ यहवे दाङ्‌बे़ल्‍ले़ कुदगि माङ्‌हे़क् चोगे़सुआङ् वये़सिबाल्‍ले़ चोगुल्‍ले़ दाउदे़ल्‍ले़ सावलरे़ कुम्‍मे़न्‍छाॽ जोनाथानरे़ कुस्‍सा मपिबोसेते़न् ताङ्‌घु युक्‍खु॥

२ सामुए़ल 9:13

हे़क्‍क्‍याङ् मपिबोसेते़न् यरुसले़म युङ्‌मा हेःक्‍ते़, हे़क्‍क्‍याङ् हाङ्‌ङिल्‍ले़ कुजामादे़न्‍नो हाङ्‌ङिन्‍नुए युङे़आङ् खुने़ॽ कुजा च॥ खुने़ॽ ने़प्‍माङ् कुलाङ् के़सक्‍पा वये़रो॥

१ हाङ् 11:17

कर खे़न् ये़म्‍मो हददे़न् चुक्‍सा हिन्‍जाॽ वये़, हे़क्‍क्‍याङ् खुने़ॽ कुम्‍बारे़ कुसे़वारोबा कुभा एदोमि सुहाङ्‌युक्‍पाहाॽनु सोरिक् मिस्र लाजेॽओ खे़त्‍छिङ्‌ङाङ् पे॥