२ सामुए़ल 4:12 - लिम्‍बु

¹² खे़ब्‍याङ् दाउदरे़ कुमनाहाॽ इङ्‌जाङ् पिरुसि, हे़क्‍क्‍याङ् खे़ङ्‌हाॽरे़ खे़न् ने़प्‍माङ् मे़से़रुसि॥ खे़ङ्‌हाॽरे़ खुन्‍छिॽ लाङ् हुक्‍हाॽ मे़घक्‍तु, हे़क्‍क्‍याङ् हे़ब्रोन्‍नो वाबाक्‍किल्‍ले़ कुबेसाङ् मे़भोःन्‍दुसि॥ कर इस्‍बोसेतरे़ कुधेगेःक्‍पे़न् खे़ङ्‌हाॽरे़ मे़देॽरुआङ् हे़ब्रोन्‍नो अबनेररे़ कुःइप्‍पुङ्‌ङो मे़ने़स्‍सुरो॥

२ सामुए़ल 4:12 Referans Kwoze

२ सामुए़ल 3:32

खे़ङ्‌हाॽरे़ अबनेरे़न् हे़ब्रोन्‍नो मे़लुप्‍तु, हे़क्‍क्‍याङ् खुने़ॽ कुइपुङ्‌ङो हाङ्‌ङिन् हे़क्‍क्‍याङ् खुने़ॽनु के़वाॽबाहाॽ साॽरिक् मे़हाबे़॥

२ सामुए़ल 1:15

हे़क्‍केःल्‍ले़ दाउदरे़ कुमनाहाॽओ लत्‍छा थाङ्‌बे़न् मनाधिक् उःत्तुआङ् मे़त्तु, “कन् मनान् से़रे़ॽ॥” खे़ल्‍ले़चोगुल्‍ले़ खे़न् मनाःल्‍ले़ खे़न् हिप्‍तुआङ् से़रु॥

मत्ति 7:2

वेॽहाॽ पान् के़धिक्‍तुम्‍सिम्‍बा हे़क्‍केए निङ्‌वाॽफुमाङ्‌ङिल्‍ले़ खिनिॽआङ् पान् के़धिक्‍तिॽरो॥ आक्‍खेलॽरिक् वेॽहाॽ के़मे़त्तुम्‍सिम्, बा हे़क्‍केलॽरिक्‍के निङ्‌वाॽफुमाङ्‌ङिल्‍ले़ खिनिॽआङ् के़मे़त्तिॽरो॥

निङ्‌वाॽफु साम्‍लोसुम् 55:23

कर यहवे दाङ्‌बाए, कुइगे़भे़म्‍बा मनाहाॽग मे़क्‍मासिमा लुम्‍बाःत्तो लाप्‍के़भुसुसिरो॥ मना के़से़प्‍पाहाॽ नु इङ्‌ले़क् के़जोःक्‍पा मनाहाॽ खुनिॽ थाःक् सॽआङ् इरिक् मे़न्‍हिङ्‌ने़ल्‍लो, कर आङ्‌गाॽग खे़ने़ॽओ ताःक्‍पो युक्‍खुङ्‌लो॥

२ सामुए़ल 21:9

दाउदरे़ गिबोनिहाॽरे़ खुन्‍छिॽ हुक्‍को पिरुसि, हे़क्‍क्‍याङ् खे़ङ्‌हाॽरे़ यहवे दाङ्‌बे़ल्‍ले़ कुदगि कोःक्‍माओ मे़दिःक्‍खुसिआङ्‌ मे़भोःन्‍दुसि॥ खे़न् नुसिए थिक्‍ले़ङ्‌माल्‍ले़ सोरिक् हःक्‍सि तुप्‍मा हेःक्‍मा ये़म्‍मो मे़से़रुसि॥

२ सामुए़ल 2:8

हाबा कन् लुम्‍मो सावलरे़ कुधक्‍मोबा नेरे़ल्‍ले़ कुस्‍सा अबनेरे़ल्‍ले़ सावलरे़ कुस्‍सा इस्‍बोसेते़न् महनोम्‍मो तारु,

२ सामुए़ल 16:8

सावलरे़ कुहिम्‍सयङ्‌ङोबा यरिक् मनाहाॽ के़से़रुसिआङ् खुने़ॽ कुहाङ्‌युक्‍नान् के़नाप्‍तुबाल्‍ले़ चोगुल्‍ले़ यहवे दाङ्‌बाल्‍ले़ कुले़क्‌वा हुङुबारो, हे़क्‍क्‍याङ् खे़न् हाङ्‌जुम्‍मिन् यहवे दाङ्‌बे़ल्‍ले़ के़स्‍सा अब्‍सालोम्‍मिन् पिरुआङ् वाॽ॥ आल्‍ल खे़ने़ॽ के़मे़गे़, थेआङ्‌भे़ल्‍ले़ खे़ने़ॽग मना के़से़प्‍पाने़रो॥”