२ सामुए़ल 3:9 - लिम्‍बु

⁹ आल्‍ल दाउदरे़ कुलागि निङ्‌वाॽफुमाङ्‌ङिल्‍ले़ ‘चोगुङ्’ लॽरिक् माङ्‌हे़क्‍सिङ्‌बा पाःन्‍निन् के़प्‍मारे़ लागि आङ्‌गाॽ आसुक्‍सुक् मे़जोगुङ्‌ङिन्‍ने़भग्र, निङ्‌वाॽफुमाङ्‌ङिल्‍ले़ आङ्‌गाॽ साॽरिक् खुम्‍दिङ् पिआर॥

२ सामुए़ल 3:9 Referans Kwoze

१ सामुए़ल 15:28

हे़क्‍क्‍याङ् सामुए़लरे़ मे़त्तु, “यहवे दाङ्‌बाल्‍ले़ आइन् इस्राइल हाङ्‌जुम्‍मिन् खे़ने़ॽलाम् खे़ःक्‍खुआङ् के़बेसाङ्‌बा हाङ्‌ङिन् पिरुआङ् वाॽ, खे़न्‍निङ्‌ग खे़ने़ॽनुःल्‍ले़ नुबा चोक्॥

१ हाङ् 19:2

कल्‍ले़चोगुल्‍ले़ इजेबेलरे़ अक्‍खे मे़त्तुआङ् एलियाओ इङ्‌घङ् के़साबाधिक् पाङ्‌घुदेसु, “आक्‍खेलॽरिक् खे़ने़ॽ खे़ङ्‌हाॽ के़से़रुसि, हे़क्‍केलॽरिक्‍के ताःन्‍दिक् हाबा कन् ये़म्‍मो थारिक्‍ले़ आङ्‌गाॽ खे़ने़ॽ मे़से़त्‍ने़न्‍ने़भग्र, माङ्‌हाॽरे़ आङ्‌गाॽ हे़क्‍केए मे़मे़त्तार इग्र खे़न्‍नुःल्‍ले़ साॽरिक् ताप्‍फे़ःल्‍लिक् मे़मे़त्तार॥”

१ साप्‍मुःन्‍धुम् 12:23

यहवे दाङ्‌बे़ल्‍ले़ पाःत्तुबा कुइसिक् साउलरे़ कुहाङ्‌जुम् युक्‍किन् दाउदे़न् पिमारे़ लागि फे़जुम्‍भे़या खजुम्‍घया के़गाप्‍सिङ्‌बाआङ् हेब्रोनओ दाउदे़न्‍नु फुङ्‌सिङ्‌से़ के़दाबा मनासुम्‍हाॽरे़ खुन्‍छिॽ खानिःत्तिन् हाबा कन्‍लो—

१ सामुए़ल 28:17

यहवे दाङ्‌बे़ल्‍ले़ आङ्‌गाॽ लाम्‍बा तगिसा के़मे़त्ते़आङ् वाॽ॥ खुने़ॽ के़हुक्‍लाम्‍बा के़हाङ्‌जुम्‍मिन् के़नाप्‍ते़आङ् दाउदे़न् पिरुआङ् वाॽ॥

रुथरे़ कुसाप्‍पन् 1:17

खे़ने़ॽ आत्ति के़मासिङ्, आङ्‌गाॽ खे़प्‍मोए मासिङ्‌ङा हे़क्‍क्‍याङ् खे़प्‍मोए मे़लुप्‍पार॥ सिमे़ल्‍ले़रक् आङ्‌गाॽ खे़ने़ॽलाम्‍बा लाःत्‍लाःत् चोःक्‍का, वेॽ पाःन्‍निल्‍ले़ लाःत्‍लाःत् पोङ्‌ङाने़भग्र निङ्‌वाॽफुमाङ्‌ङिल्‍ले़ कुमाङ्‌दे साङ्‌ग्राःन् आङ्‌गाॽ आसम्‍धाङ् चुक्‍ल॥”

२ सामुए़ल 19:13

हे़क्‍क्‍याङ् अमासान् मे़त्ते़म्‍मे़ॽ, ‘खे़ने़ॽग आङ्‌गाॽए आये़प्‍पा नु आने़क्‍साने़ मेःम्‍बि? खे़ने़ॽ योआबरे़ कुले़क्‌वा के़हिङ्‌हिङ् थारिक् थक्‍सुबाहाॽरे़ लाम्‍लोबा के़म्‍बोःक्‍खे़ङ्‌ग्र निङ्‌वाॽफुमाङ्‌ङिल्‍ले़ साॽरिक् खुम्‍दिङ् पिआर॥’”

२ सामुए़ल 3:35

हे़क्‍क्‍याङ् खे़ङ्‌हाॽरे़ दाउदे़न् नाम् मे़न्‍धाएसा कुभा चा चर फाॽआङ् मे़बिरु, कर दाउदरे़ माङ्‌हे़क्‍सिङ्‌ङाङ् अक्‍खेलॽरिक् पाःत्तु, “नाम् थामानुःल्‍ले़ तगि आङ्‌गाॽ कुजा सुसुङ्‌ने़भग्र निङ्‌वाॽफुमाङ्‌ङिल्‍ले़ आङ्‌गाॽ साॽरिक् खुम्‍दिङ् पिआर॥”

१ सामुए़ल 25:22

ताःन्‍दिक् तानाम् थारिक्‍ले़ खे़न्‍नु के़वाॽबा ये़म्‍बित्‍छाहाॽओ लत्‍छारक् कुमना कुहिङ्‌वे़त् याःक्‍ते़ने़भग्र निङ्‌वाॽफुमाङ्‌ङिल्‍ले़ आङ्‌गाॽआङ् से़त्ताॽर॥”

१ सामुए़ल 14:44

सावलरे़ मे़त्तु, “जोनाथाने, खे़ने़ॽ के़सिर पोङ्, कन् लायोल्‍ले़ कुले़क्‌वा सिमा खुम्‍दिङ् के़ङ्‌घोसुन्‍ने फग्र यहवे दाङ्‌बाल्‍ले़ आङ्‌गाॽ से़त्तार॥”

१ सामुए़ल 3:17

हे़क्‍क्‍याङ् एलिःल्‍ले़ सेःन्‍दोसु, “यहवे दाङ्‌बाल्‍ले़ खे़ने़ॽ थे के़मे़त्ते़? के़रे़क् पाःन्‍हाॽ मे़म्‍माॽए मे़त्ताङ्‌ङे़ॽ॥ खुने़ॽ के़मे़त्ते़बा के़रे़क् पाःन्‍हाॽओ लत्‍छारक् के़माॽरुसाङ् निङ्‌वाॽफुमाङ्‌ङिल्‍ले़ खे़ने़ॽ साॽरिक् के़साक्‍पा के़जाःत्‍लरो॥”

२ सामुए़ल 19:14

दाउदरे़ कन् कुइङ्‌घङ्‌ङिल्‍ले़ यहुदाबा के़रे़क् मनाहाॽरे़ खुन्‍छिॽ निङ्‌वान् लत्‍छा मना निङ्‌वाॽ कुइसिक् चोगु॥ हे़क्‍क्‍याङ् खे़ङ्‌हाॽरे़ हाङ्‌ङिन् के़रे़क् के़मनाहाॽनु नुःक्‍खे़ॽओ फाॽआङ् पेलि मे़भाक्‍तु॥

१ हाङ् 2:23

खे़ब्‍याङ् यहवे दाङ्‌बे़ल्‍ले़ कुमिङ्‌ङो सोलोमन हाङ्‌ङिल्‍ले़ माङ्‌हे़क्‍सिङ्‌ङाङ् पाःत्तु, “कन् पेलिःल्‍ले़ लागि अदोनियाहरे़ खुने़ॽ कुहिङ्‌मे़न् मे़मासुन्‍ने़भग्र यहवे दाङ्‌बे़ल्‍ले़ आङ्‌गाॽ साॽरिक् ताप्‍फे़ःल्‍लिक् मे़त्तार!