२ सामुए़ल 24:16 - लिम्बु16 यहवे दाङ्बाल्ले़ कुमाङ्लाइङ्बाल्ले़ यरुसले़ःम्मिन् मे़ङ्मारे़ लागि कुहुक्किन् फोःक्खु, हे़क्केःल्ले़ यहवे दाङ्बाल्ले़ मनाहाॽ खुम्मा कुनिङ्वाॽइन् नुःक्तुआङ् मना के़से़प्पा माङ्लाइङ्बान् मे़त्तु, “आल्ल याःक्तु, के़हुक् फोःक्खे़॥” खे़म्भे़ल्ले़ यहवे दाङ्बाल्ले़ कुमाङ्लाइङ्बे़न् याबुसि अरौनारे़ कुजा फुङ्मादे़न्नो ये़बे़॥ Gade chapit la |
खे़ब्याङ् सोलोमनरे़ कुम्बा दाउद हाङ्ङिल्ले़ माङ्हिम् चोःक्मा यारिप् चोगुसुरुआङ् वये़॥ खे़न् ते़न्निन् यरुसले़ःम्मोबा मोरियाह कोःक्माओ ने़स्से़, खे़प्मो यबुसि अरौनाःल्ले़ कुजा थाम्मादे़न् ने़स्से़, खे़प्मो यहवे दाङ्बे़ल्ले़ दाउदे़न् सुफो पिरुआङ् वये़॥ खे़न् ते़न्नो सोलोमनरे़ यहवे दाङ्बे़ल्ले़ कुहिम् चोःक्मा हेःक्तु॥
“आङ्गाॽ सावले़न् हाङ् चोगुङ्बाओ साॽरिक् आनिङ्वाॽ तुगे़आङ् वाॽ, थेआङ्भे़ल्ले़ खुने़ॽ आङ्गाॽलाम् नुःक्खे़बेआङ् वाॽ, हे़क्क्याङ् खे़ल्ले़ आङ्गाॽ आइङ्जाङ्ङिन्नाङ् इःप्मा नाःप्मा ते़न्दिङ् मे़जोगुन्लो॥” कन् पाःन्निल्ले़ चोगुल्ले़ सामुए़लरे़ कुनिङ्वाॽ पङे़, हे़क्क्याङ् से़न्दिक् नाम्दाःत्तात् यहवे दाङ्बान् पेलि फाक्तु॥
खम्भ्याङ् यहवे दाङ्बे़ल्ले़ माङ्लाइङ्बाधिक् पाङ्घुयुसुआङ् खे़ल्ले़ अस्सुरबा हाङ्ङिल्ले़ कुसाःङ्गाहिम्हाॽओ के़वाॽबा के़रे़क्, मुक्के़गुबा थङ्गे़जोःक्पाहाॽ, लाम्लोबाहाॽ नु सुहाङ्युक्पाहाॽ वरे़ङ्ले़ङ् युम्रे़क् मे़क्खुसि॥ खे़ब्याङ् सनहेरिबे़न् कुनाध्ये़आङ् आबाङे कुलाजेॽओ नुःक्खे़आङ् पे॥ हे़क्क्याङ् खुने़ॽ कुमाङ्ङिल्ले़न् माङ्हिम्मो लासे़ल्ले़ खुने़ॽ कुस्साहाॽओबा कुभारे़ ताभेःल्ले़ खुने़ॽ मे़ज्ये़प्तु मे़स्ये़रु॥
यहवे दाङ्बाए, खे़ने़ॽ के़मिङ्सो के़धाङ्सोन् आङ्गाॽ खे़प्सुङ्ङाङ् वाॽआरो, यहवे दाङ्बाए, खे़ने़ॽ के़याःम्बक्हाॽ खे़प्सुङ्लो हे़क्क्याङ् आङ्गाॽ साॽरिक् आनिङ्वाॽ मारो॥ आनिगे ये़न्नो खे़ङ्हाॽ खे़ने़ॽ कुसङ् चोगे़ॽओ हे़क्क्याङ् खे़ङ्हाॽ आनिगे ओसेन् आधाक्ते़ॽओ आनिगे ये़म्मो खे़ङ्हाॽ कुसिङ् निःप्मा आबाङ्घे़ॽओ, साॽरिक् के़साक्के़न् पोःक्पा ये़म्मो लुङ्माॽ आदुक्ते़ॽओ॥
हे़क्क्याङ् खुने़ॽग मुरे़क् खारे़क् थेआङ् के़होप्पादे़न्नो थिक्याःन्बा लाम् लाङ्घेगे़ पे॥ खुने़ॽ लत्छा यजे़ःक् सिङ्बुक्को के़रे़, हे़क्क्याङ् खे़ल्ले़ कुसिगाङ् युङ्सिङ्ङाङ् सिमारे़ लागि पेलि फाक्मा हेःक्ते़॥ खुने़ॽ पाःत्तु, “यहवे दाङ्बाए, आङ्गाॽ आहिङ्मे़न् तेॽरे़ओ, आङ्गाॽ के़रे़क् तुमुङ् सुरुङ्॥ आङ्गाॽग आम्बा आन्धे़बासिनुःल्ले़ नुबा मे़जोक्कान्!”
खे़न् ये़न्नो दाउदरे़ पाःत्तु, “हाःत्ले़ यबुसिहाॽ से़रुसिॽ, खे़ल्ले़ दाउदरे़ कुनिङ्मि मिक्फःम्बा नु लङ्ले़ःङ्वाहाॽ च्वाःत् लाङ्गे़घेःक्पा हङ्गारिबो लाःत्ताङ् खे़ङ्हाॽ ते़म्सुसिर पोङ्ॽ॥” खे़ल्ले़चोगुल्ले़ खे़ङ्हाॽरे़ मे़बाःत्तु, “मिक्फःम्बा नु लाङ्सक्पाहाॽ माङ्हिम्मो लाःप्मा मे़ङ्घोने़न्॥”
“हे़क्केःल्ले़ थे हिजकिया हाङ्ङिन् नु यहुदाओ के़युङ्बाहाॽरे़ मिकान् मे़से़रुबि? मे़न्छे़रुन्, खे़ल्ले़ कुले़क्वाग हिजकियान् यहवे दाङ्बान्नु किसे़ हे़क्क्याङ् खुने़ॽ कुलुङ्गुम् खोमा तम्सिङ् चोगु॥ खे़ब्याङ् यहवे दाङ्बे़ल्ले़ तारुङ् फाॽआङ् खे़ङ्हाॽ मे़त्तुसिबा मे़क्मासिमा पाःन्निल्ले़ कुयाःम्बेओ कुनिङ्वाॽ नुःक्तु॥ कर आल्लो यम्बा ये़त्तुक्खेन् आबाङे आनिॽ सम्धाङ् ताःप्मा आइःत्तुम्माङ् आवाॽ॥”