२ सामुए़ल 24:13 - लिम्बु13 खे़ब्याङ् गादे़न् त्ये़आङ् आम्भा खे़न् पाःन्निन् दाउदे़न् मे़त्तु, “आदाङ्बारे़ के़लाजेॽओ तङ्बेॽ सुम्सि थारिक् साक् पोःक्ल, इग्र ला सुम्सि थारिक् आदाङ्बा से़प्मा के़गोःप्पा के़निङ्मिहाॽलाम् खे़त्छिङ्मा पोङ्ल, इग्र आदाङ्बारे़ के़लाजेॽओ सुम्ये़न् थारिक् मिन्देॽ पोःक्ल? आल्ल निङ्वाॽ इःत्ते़ॽ, हे़क्क्याङ् आङ्गाॽ के़बाङ्बे़न् थे इङ्घङ् हुॽरुङ्बा खे़न् पाःन्निन् मे़त्ताङ्ङे़ॽ॥” Gade chapit la |
२ सामुए़ल 24:13
20 Referans Kwoze
दाउदरे़ तङ्बेॽ सुम्सि हाङ् चोगुबा ये़म्मो साॽरिक् के़जाॽबा साक् पोगे़॥ हे़क्क्याङ् दाउदरे़ यहवे दाङ्बे़न् सेःन्दोसु॥ यहवे दाङ्बे़ल्ले़ दाउदे़न् मे़त्तु, “सावल नु खुने़ॽ कुहिम्सयङ्हाॽ मना के़से़प्पा मे़मे़त्तुसि, थेआङ्भे़ल्ले़ खे़ङ्हाॽरे़ गिबोनिहाॽ मे़से़रुसि॥ खे़ल्ले़चोगुल्ले़ साक् पोगे़आङ् वाॽ॥”
आङ्गाॽ खिनिॽ सम्धाङ् ते़न्धङ्हाॽ तारुङ्ॽ, हे़क्क्याङ् आङ्गाॽ चोगुङ्बा माङ्हुप्पिन् के़भेःन्दुम्बाल्ले़ कुले़क्वा नुःक्तुङ्ॽ॥ खिनिॽ आप्फेक् आप्फेक् ये़क्यक्हाॽओ के़जुप्सिॽ, आङ्गाॽ खे़प्मोआङ् खिनिॽ लुम्मो तुक्मा लाःक्मा पाङ्घुङ्ॽ, खे़ब्याङ् खिनिॽ निङ्मिहाॽरे़ खुन्छिॽ हुक्को के़ध्ये़ॽइ॥
“नासिगे़न् थक्ला के़गप्पा मनाए, कुबिरे़ लागि लत्छा लाजेॽओबा मनाहाॽरे़ आङ्गाॽ आदक्ले़ङ्वाओ नसान् मे़ले़क्खुआङ् लायो मे़जोगुॽ, हे़क्क्याङ् खे़ङ्हाॽ युम्रे़क् से़प्मासिरे़ लागि, खे़ङ्हाॽरे़ खुन्छिॽ कुजा तामा लाम्मिन् साक्तुङ्ॽ खम्भ्याङ् मनाहाॽ नु थक्साहाॽ के़रे़क् मे़ङ्मासिरे़ लागि साक्वान् फोःक्खुङ्ङाङ् आहुक्किल्ले़ साःप्सुङ्सिङ्ॽमु॥
खिनिॽ के़रे़क् ये़क्यक्हाॽ किर्गप् मे़गबु मे़ने़स्सुॽ, हे़क्क्याङ् खिनिॽ ताःक्पो के़युक्खुम्बा लाजेॽ के़रे़क्पा केःम्बा लुङ्धाक्हाॽ खे़ङ्हाॽरे़ मे़लुःन्दुॽ॥ यहवे दाङ्बा खिनिॽ निङ्वाॽफुमाङ्ङिल्ले़ पिमा के़इःत्तिबा के़रे़क् लाजेॽ कुले़ःम् खे़ङ्हाॽरे़ ये़क्यक्हाॽ थक्मा खिनिॽ किर्गप् के़म्गबिॽ॥
आल्ल आत्तिन् मे़न्छुमाःल्ले़ कुस्सा ये़म्बित्छान् एलिसाःल्ले़ याम्मो कुहिङ्वे़त् चोगुआङ् वये़, खे़न् मे़न्छुमान् खुने़ॽ अक्खे मे़त्तु, “खे़ने़ॽ के़हिम्सयङ्हाॽनु सोरिक् कप्मोलाम् पेगे़घे़रे़ॽ, हे़क्क्याङ् कुभा ये़म् आत्ति पोङ्ॽ हाबा खे़प्मो युङे़ॽ, थेआङ्भे़ल्ले़ यहवे दाङ्बे़ल्ले़ इस्राइल लाजेॽओ तङ्बे नुसि थारिक् साक् पोःक्मा इङ्जाङ् चोगुआङ् वाॽ॥”
Piblisite