२ सामुए़ल 24:11 - लिम्‍बु

¹¹ हे़क्‍क्‍याङ् खुने़ॽ तानाम् पोगे़॥ कर हाबा कन् लुम्‍मो यहवे दाङ्‌बाल्‍ले़ कुइङ्‌घङ्‌ङिन् दाउदरे़ कुघागे़इक्‍पा गादबा माङ्‌निङ्‌वाॽपान् के़बाःप्‍पो के़रे़ चुरे़आङ् वये़—

२ सामुए़ल 24:11 Referans Kwoze

१ सामुए़ल 22:5

कर माङ्‌निङ्‌वाॽपान् के़बाःप्‍पा गादरे़ दाउदे़न् मे़त्तु, “खे़ने़ॽ यक्‍को मे़युङे़न्‍ने़ॽ॥ हारा यहुदा लाजेॽ पेगे़ॽ॥” खे़ल्‍ले़चोगुल्‍ले़ दाउदे़न् हारेतबा ताम्‍भुङ्‌ङो पे॥

१ सामुए़ल 9:9

(खे़न् ये़म्‍मोबा मनाहाॽरे़ निङ्‌वाॽफुमाङ्‌ङिन्‍नु सुजा नाःक्‍मा निङ्‌वाॽ मे़जोगुल्‍ले़ खे़ङ्‌हाॽरे़ अक्‍खे पाःप्‍मा थिम् वये़, “आनिॽ पेगिआङ् सुफो के़निबे़न् सेःन्‍दोसुम्॥” थेआङ्‌भे़ल्‍ले़ आइन् ताःन्‍दिक्‍पा माङ्‌निङ्‌वाॽपान् के़बाःप्‍पे़न् खे़न् ये़म्‍मो सुफो के़निबा मे़मे़त्तु॥)

१ साप्‍मुःन्‍धुम् 29:29

दाउद हाङ्‌ङिल्‍ले़ कुसाप्‍मुःन्‍धुम्‍मिन् कुहेःक्‍सिङ्‌माआङ्‌धो कुनुप्‍मा थारिक् माङ्‌निङ्‌वाॽपान् के़बाःप्‍पा सामुए़लरे़ कुसाप्‍पन्‍नो, माङ्‌निङ्‌वाॽपान् के़बाःप्‍पा नातानरे़ कुसाप्‍पन्‍नो नु खागे़इक्‍पा गादरे़ कुसाप्‍पन्‍नो साप्‍ते़आङ् पत्॥

१ साप्‍मुःन्‍धुम् 2:19

आल्‍ल अजुबान् मासिङ्‌ङाङ् काले़बे़ल्‍ले़ एप्राते़न् मेःक्‍खिम् मे़त्तु, खे़ल्‍ले़ खुने़ॽ कुलागि हुरे़न् कत्तु॥

२ सामुए़ल 24:12

“पेगे़ॽआङ् दाउदे़न् अक्‍खे मे़त्ते़ॽ, यहवे दाङ्‌बे़ल्‍ले़ अक्‍के पाःत्तुॽ, ‘आङ्‌गाॽ खे़ने़ॽ के़दगि सुम्‍सि पान् तारुङ् पिने़॥ खे़ङ्‌हाॽओ लत्‍छा सेगे़ॽ, हे़क्‍क्‍याङ् खे़न्‍ने खे़ने़ॽ के़दक्‍ले़ङ्‌वाओ केःत्तुङ् पिने़॥’”

१ साप्‍मुःन्‍धुम् 21:9

यहवे दाङ्‌बे़ल्‍ले़ दाउदरे़ कुघागे़इक्‍पा गादे़न् मे़त्तु,

१ साप्‍मुःन्‍धुम् 25:5

कन्‍हाॽ के़रे़क् हाङ्‌ङिल्‍ले़ कुघागे़इक्‍पा हेमानरे़ कुस्‍सा मे़वये़॥ निङ्‌वाॽफुमाङ्‌ङिल्‍ले़ हेमाने़न् थो फोङ्‌मारे़ लागि माङ्‌हुप् चोगुबा कुइसिक् निङ्‌वाॽफुमाङ्‌ङिल्‍ले़ हेमाने़न् थिबोङ्‌ङाङ् लिसि ये़म्‍बित्‍छासाहाॽ नु सुम्‍सि मे़न्‍छुमा साहाॽ पिरुआङ् वये़रो॥

२ साप्‍मुःन्‍धुम् 29:25

दाउद हाङ्‌ङिन्, हाङ्‌ङिल्‍ले़ कुधुम्‌या के़इबा गादे़न् नु माङ्‌निङ्‌वाॽपान् के़बाःप्‍पा नाताने़ल्‍ले़ निःन्‍धो मे़जोगु मे़बिरुसिबा थिम् कुइसिक् हिजकियाहःल्‍ले़ ले़बिहाॽ यहवे दाङ्‌बे़ल्‍ले़ कुहिम्‍मो ताहिप्‍हाॽ, अन्‍मेहाॽ नु तुःङ्‌गेहाॽनु सोसोरिक् खुन्‍छिॽ याःम्‍बक्‍को फत्‍छुसि॥ कन् थिम्‍मिङ्‌ग यहवे दाङ्‌बे़ल्‍ले़ कुमाङ्‌निङ्‌वाॽपान् के़बाःप्‍पाहाॽलाम् पिरुसिआङ् वये़॥

२ सामुए़ल 12:1

हे़क्‍क्‍याङ् यहवे दाङ्‌बे़ल्‍ले़ माङ्‌निङ्‌वाॽपान् के़बाःप्‍पा नाताने़न् दाउदरे़ॽओ पाङ्‌घु, हे़क्‍क्‍याङ् दाउदरे़ॽओ त्‍ये़आङ् मे़त्तु, “लत्‍छा ये़क्‌यक्‍को ने़त्‍छि मना वये़सि, थिक्‍किन् याङ्‌साकुन्‍धेसाबा वये़, वेॽसमा याङ्‌गे़साॽबा वये़॥