२ सामुए़ल 22:8 - लिम्‍बु

⁸ इक्‍सादिङ् खाम्‍बेःक्‍मान् यक्‍खे़रो, हे़क्‍क्‍याङ् लुप्‍लि थाङे़रो, ताङ्‌साक्‍पाल्‍ले़ कुयुक्‍नाहाॽ मे़यक्‍खे़रो॥ खे़ङ्‌हाॽ थे़गक्‍कक् मे़यक्‍खे़रो थेआङ्‌भे़ल्‍ले़ खुने़ॽ कुसिक् पोगे़आङ् वये़रो॥

२ सामुए़ल 22:8 Referans Kwoze

निङ्‌वाॽफु साम्‍लोसुम् 97:4

खुने़ॽ साःम्‍भे ले़क्‍ल याःन्‍दुआङ् इक्‍सादिङ् खाम्‍बेःक्‍मान् थोॽरुरो, खे़न् इक्‍सादिङ् खाम्‍बेःक्‍माल्‍ले़ निसुआङ् थे़गक्‍कक्‍ना यङ्‌लो॥

अयुब 26:11

खुने़ॽ फे़ःक्‍तुसिल्‍ले़ ताङ्‌साक्‍पोबा सित्‍लाङ्‌हाॽ थे़गक्‍कक्‍ना यङ्‌लो खे़ङ्‌हाॽ किमाल्‍ले़ मुन्‍जिङ् मुन्‍जिङ् मुन्‍लो॥

निङ्‌वाॽफु साम्‍लोसुम् 77:18

मुन्‍दाङ् सेरिःल्‍ले़ ताङ्‌साक्‍पान् लोःक्‍खुरो, साःम्‍भे ले़क्‍ते़ल्‍ले़ काक् पिसाङ् थोॽरुरो, इक्‍सादिङ् खाम्‍बेःक्‍मो लुप्‍लि थाङे़रो खम्‍भ्‍याङ् खाम्‍बेःक्‍मान् यक्‍खे़रो॥

खासे़न्‍लोःम्‍बा 5:4

“यहवे दाङ्‌बाए, खे़ने़ॽ सेइरलाम् तगि के़धासिङ्‌ङे़ल्‍ले़, खे़ने़ॽ एदोमरे़ कुलाजेॽलाम्, तगि के़बोरे़ल्‍ले़ इक्‍सादिङ् खाम्‍बेःक्‍मे़न् यक्‍खे़रो, ताङ्‌साङ्‌बे़ल्‍ले़ थासुरो, खाॽमिःत्तिल्‍ले़ वहित् थासुरो॥

मत्ति 28:2

हक्‍चघत् साॽरिक् किप्‍मा के़घुबा लुप्‍लि थाङे़, थेआङ्‌भे़ल्‍ले़ यहवे दाङ्‌बाल्‍ले़ कुमाङ्‌लाइङ्‌बाधिक् साङ्‌ग्राम्‍पेदाङ्‌लाम् यो थ्‍ये़आङ् इःप्‍पुङ्‌ङिल्‍ले़ कुमुराओ के़ये़प्‍पा खे़न् यम्‍बा लुङ्‌ङिन् थिक्‍ले़प्‍माङ् इसुआङ् खे़न् सम्‍दाङ् युङ्‌सिङ्‌लो॥

नहुम 1:5

खुने़ॽ कुदगि कोःक्‍मा फाङ्‌जङ्‌हाॽ यङ्‌लो, हे़क्‍क्‍याङ् थे़गु माङ्‌वाहाॽ योःम्‍बेःक्‍लो॥ खुने़ॽ ताःल्‍ले़ इक्‍सादिङ् खाम्‍बेःक्‍मान् थुरुप्‍लुप्‍ना यङ्‌लो, योॽबान् नु खे़प्‍मो के़वाॽबाहाॽ के़रे़क् चिरिम्‍लिम्‍ना मे़यङ्‌लो॥

निङ्‌वाॽफु साम्‍लोसुम् 18:7

इक्‍सादिङ् खाम्‍बेःक्‍मान् यक्‍खे़रो, हे़क्‍क्‍याङ् लुप्‍लि थाङे़रो, कोःक्‍मा फाङ्‌जङ्‌हाॽरे़ कुयुक्‍नाहाॽ यक्‍खे़रो॥ खे़ङ्‌हाॽ थे़गक्‍कक् यक्‍खे़रो थेआङ्‌भे़ल्‍ले़ खुने़ॽ कुसिक् पोगे़आङ् वये़रो॥

सेःक्‌युक्‍मिबाहाॽ 4:31

खे़ङ्‌हाॽरे़ तुवा मे़जोगु मे़सुरुल्‍ले़ मे़जुप्‍से़आङ् मे़वये़बा ते़न्‍निन् लुप्‍लि थाङे़बा हे़क्‍के साॽरिक् यक्‍खे़॥ हे़क्‍क्‍याङ् खे़ङ्‌हाॽ काक् सेसेमाङ्‌ङिल्‍ले़ कुमुक्‍साम्‍मिल्‍ले़ थुक्‍तुसिआङ् निङ्‌वाॽफु पाःन्‍जाक्‍किन् मे़ङ्‌गिए मे़बारे़रो॥

मत्ति 27:51

बा खे़न् ये़म्‍मो माङ्‌हिम्‍मोबा फोःन्‍दान् थोलाम् यो कुबुङ्‌मो थारिक् खे़ल्‍ले़क् ते़ःक्‍खे़॥ इक्‍सादिङ् खाम्‍बेःक्‍मान् साॽरिक् थुरुप्‍लुप् यक्‍खे़, पयम् लुङ्‌हाॽ पःक्‍खे़,

निङ्‌वाॽफु साम्‍लोसुम् 68:8

हे़क्‍केःल्‍ले़ सिनै कोःक्‍माओबा इस्राइलिहाॽरे़ खुनिॽ निङ्‌वाॽफुमाङ्‌ङिल्‍ले़ कुदगि इक्‍सादिङ् खाम्‍बेःक्‍मान् यक्‍खे़रो, ताङ्‌साक्‍पोलाम् पाङ्‌गे़न्‍दिङ् वहित्‍मान् थ्‍ये़रो॥

२ सामुए़ल 23:7

कर फे़न्‍जेॽ नु सिङ्‌ङिल्‍ले़रक् सुम्‍मा सुक्‍ते़त्‍लो॥ सुम्‍मनाबा तिङ्‌हाॽ मिओ हाःम्‍मा पोङ्‌लो॥

निङ्‌वाॽफु साम्‍लोसुम् 77:19

वाभे़ल्‍ले़ङ्‌ङो लाङ्‌गे़घेगे़आङ् कुदिम्‍बे केःम्‍बा वरःङ्‌ङोलाम् के़बेरो, कर आत्तान्‍नाङ् के़लाङ्‌योक् निमे़दे़त्ते़ल्‍लो॥