२ सामुए़ल 22:3 - लिम्बु3 आनिङ्वाॽफुमाङ्ङिन् आङ्गाॽ आयाक्पेॽरो खुने़ॽओए आङ्गाॽ इःम्सिङ्ङारो॥ खोःल्ले़ आङ्गाॽ थेःक्काबा कुइसिक् खुने़ॽ से़ःप्पाआङ् नुरिक् कत्तारो॥ खुने़ॽग आङ्गाॽ के़धुम्बा आयक्लो, हे़क्क्याङ् आइःम्सिङ्मादे़न् नु आसे़न्लप्दाङ्बारो— कुइगे़भे़म्बा मनाहाॽलाम् खे़ने़ॽ के़से़ःप्पारो॥ Gade chapit la |
२ सामुए़ल 22:3
52 Referans Kwoze
इस्राइलए, खे़ने़ॽ मुॽइसाबाने़रो! यहवे दाङ्बालाम् से़न्लप् के़घोबा सुवाङ्, खे़ने़ॽ हे़क्तङ्बा हात् वाॽआङ्बे? खुने़ॽग खे़ने़ॽ के़घो नु के़भाॽबाङ्लो हे़क्क्याङ् खे़ने़ॽ के़हाङ्वा के़माङ्वा ताभेरो॥ खे़ने़ॽ के़निङ्मिहाॽ के़दगि मे़नःम्सिङ्ङाङ् मे़दारो खम्भ्याङ् खे़ङ्हाॽरे़ खुन्छिॽ चन्जम्बादे़न्हाॽ के़लाःक्तुरो॥”
यहवे दाङ्बाए, आमुक्साम् नु आहाङ्यक्के, तुक्खेवा ये़न्नोबा आइःम्सिङ्मादे़न्ने़, इक्सादिङ् खाम्बेःक्माल्ले़ कुया नु कुसुक्पोलाम्बा मे़न्छाम् सुवाङ्हाॽ खे़ने़ॽओ मे़दारो हे़क्क्याङ् खे़ङ्हाॽरे़ मे़बाःत्तुरो, “आनिगे पाधे़बाहाॽनुग इङ्ले़क्पा साम्माङ्हाॽ नु हने़बा नावाइत्लाहाॽरक् मे़वये़रो कर वेॽ थेआङ् होःप्ते़रो॥
खे़ङ्हाॽ सुरित् केजङ्लाम् वइःम्सिङ्मा नु खइक् खइक् के़इक्सिङ्बा वहित् साम्मिःत्लाम् इःम्सिङ्मादे़न् कुसिङ्बा मे़बोङ्लो॥ खे़म्ब्याङ् थेआङ् के़होप्पा मुरे़क् खारे़क्पा ये़ःङ्घादे़न्नो च्वाःत् लाङ्गे़घेःक्पा वहःङ् हे़क्तङ्बा मे़बोङ्लो, च्वाःत् के़हेबा खाम्बाङ्ङो यम्बा याक्पेओबा नाम्इःक्खङ् हे़क्तङ्बा मे़बोङ्लो॥
हे़क्क्याङ् खे़प्मो हन्नाःल्ले़ अक्खेलॽरिक् पेलिगे़न् तुवा चोगु, “आङ्गाॽ आनिङ्वान् यहवे दाङ्बाओ सःत्ते़आङ् वाॽरो, यहवे दाङ्बाओ आङ्गाॽ आमुक्साम्मिन् त्ये़आङ् वाॽरो॥ आनिङ्मिहाॽ येःप्मासि पान् आङ्गाॽ आम्ब्राओ त्ये़आङ् वाॽरो, आदाङ्बारे़ आङ्गाॽ से़न्लप् के़बिराङ्बाओ आसिक् पसम्समे़आङ् वाॽआरो॥
थेआङ्भे़ल्ले़ आङ्गाॽ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ थे पाःत्तुङ्ॽ, खे़प्से़ॽ॥ सःप्मा नु निङ्वाॽ तामा हयङ् किल्लिङ् नु ते़न्धाम् मेःक्खिम् साभःङ्जाःल्ले़ ससाङ्स्रोत्ते़न् आङ्गाॽ चिजि खक्खक् पोङ्ल चोगुङ्ॽ॥ कन् लाजेॽओबा मनाहाॽरे़ आप्फेक् खुन्छिॽ सिमानुःल्ले़ तगि खे़न् के़प्पा मे़निसुॽ॥
पोङ्मा के़इःप्पा पाःन्हाॽ पाःत्ते़म्मे़ॽओ, खे़न् ओसेःन्धाङ् चोगे़म्मे़ॽओ॥ खे़ङ्हाॽरे़ खुन्छिॽ लुम्मो आबाङे पान् मे़दङ्घुररो, यरिक् तङ्बे तगि कन् पाःन्निन् हाःत्ले़ पाःत्तुआङ् वये़बे? थे आङ्गाॽ यहवे दाङ्बे़ल्ले़ए मेःम्बि? आङ्गाॽनुःल्ले़ वेॽ हाःत्ताङ् निङ्वाॽफुमाङ् होप्लो॥ साम्योबा निङ्वाॽफुमाङ् नु से़न्लप्दाङ्बा, आङ्गाॽनुःल्ले़ वेॽ हाःत्ताङ् होप्लो॥
Piblisite