Biblia Todo Logo
Bib sou entènèt

- Piblisite -




२ सामुए़ल 2:6 - लिम्‍बु

6 आल्‍ल यहवे दाङ्‌बे़ल्‍ले़ खिनिॽ आप्‍फाले़साङ् थधप् मे़ल्‍लॽमनाबा मिःम्‍जि के़मे़त्तिबान् नु खुने़ॽ नसाःन्‍साबा चोःक्‍पान् ओसेःन् के़धाक्‍तिर, हे़क्‍क्‍याङ् खिनिॽ सावले़न्‍नु के़जोगुम्‍बा पाःन्‍नो आङ्‌गाॽआङ् खिनिॽनु नुबा याःम्‍बक् चोगुङ्॥

Gade chapit la Kopi




२ सामुए़ल 2:6
15 Referans Kwoze  

थे ताप्‍फे़ःम्‍बा चोःक्‍मा निङ्‌वाॽ के़इःप्‍पाहाॽ ताप्‍मे़म्‍बे़ॽने़म्‍बि? कर नुबा चोःक्‍मा निङ्‌वाॽ के़जोःक्‍पाहाॽरे़ थधप् मे़ल्‍लॽमनाबा मिःम्‍जिन् हे़क्‍क्‍याङ् कुदोःप्‍मा चोःक्‍मान् मे़घोसुरो॥


खे़न् एगाङ् यहवे दाङ्‌बे़न् खुने़ॽ कुबेसाङ्‌लाम् पोःक्‍खे़आङ् अक्‍खे के़लॽबा उवा चोगु, “यहवे दाङ्‌बा, यहवे दाङ्‌बान् मना साॽरिक् लुङ्‌माॽ के़दुक्‍पा नु के़नुॽबा निङ्‌वाॽफुमाङ्, हे़क्‍क्‍याङ् हने़ कुसिक् मे़म्‍बोःक्‍मनाबा नु साॽरिक् नासि के़धःप्‍पा चोक्, खे़ब्‍याङ् थधप् मे़ल्‍लॽमनाबा मिम् आमे़प्‍मे़प्‍पा नु नसाःन्‍साबा चोक्॥


कर इङ्‌गाॽ खिनिॽ मे़त्‍निङ्, निङ्‌मिहाॽ लुङ्‌माॽ तुक्‍ते़म्‍सिम्‍मे़ॽआङ् खिनिॽ ताप्‍फे़ःल्‍लिक् के़मे़प्‍पाहाॽ तुवा चोगे़म् पिरे़म्‍सिम्‍मे़ॽओ॥


वेॽ मनाहाॽ लुङ्‌माॽ के़दुक्‍पाहाॽ मुॽइसाबासिरो, थेआङ्‌भे़ल्‍ले़ खे़ङ्‌हाॽ लुङ्‌माॽ मे़दुक्‍तुसिॽरो॥


“खे़प्‍से़म्‍मे़ॽओ! मे़ल्‍लुक्‍हाॽ पराबाहाॽरे़ खुनिॽ लुम्‍मो पाङ्‌मनाबा कुइसिक् पाङ्‌निङ्‌लो॥ हे़क्‍केःल्‍ले़ खिनिॽ असेःक्‍पा हे़क्‍के चाचाःप्‍पा नु पुत्तुःक्‍के हे़क्‍के कुदोःप्‍मा पोःक्‍खे़म्‍मे़ॽओ॥


खुने़ॽ साङ्‌ग्राम्‍पेदाङ्‌लाम्‍बा नुगप् पिआआङ् से़ःप्‍पारो, हे़क्‍क्‍याङ् आङ्‌गाॽ तुक्‍खे के़जाःप्‍पाहाॽ फे़ःक्‍तुसिॽरो॥ निङ्‌वाॽफुमाङ्‌ङिल्‍ले़ थधप् मे़ल्‍लॽमनाबा कुमिःम्‍जिन् नु नसान् चोःक्‍मा सुक्‍के़दे़प्‍पा चोःक्‍पा पाःन्‍निन् ओसेःन्‍दाङ् चोगुरो॥ सेला


खे़ने़ॽग मिःप्‍मा सिङ्‌ये़न्‍लक् के़द्‌ये़बारो, हे़क्‍क्‍याङ् आङ्‌गाॽ आबाङे आत्तान् पेःक्‍काॽर पत्ताॽ आङ्‌गाॽए मे़निआन्, हे़क्‍केःल्‍ले़ आक्‍खेलॽरिक् आङ्‌गाॽनु पित्‍छि मे़प्‍मा सुक्‍तुङ्‌बे? यरुसले़ःम्‍मो नुःक्‍खे़ पेगे़ॽ, खे़ने़ॽ के़लाजेॽबा मनाहाॽआङ् खे़ने़ॽनुए तेॽरे़से़ॽ, यहवे दाङ्‌बे़ल्‍ले़ आभे़ल्‍ले़साङ् थधप् मे़ल्‍लॽमनाबा मिःम्‍जि के़मे़त्‍ल हे़क्‍क्‍याङ् खे़ने़ॽनु नसाःन्‍साबा पोङ्‌ल॥”


दाउदरे़ पाःत्तु, “नाहासरे़ आङ्‌गाॽ लुङ्‌माॽ तुक्‍ताङ्‌बा कुइसिक् आङ्‌गाॽ खुने़ॽ कुस्‍सा हानुने़न् लुङ्‌माॽ तुक्‍माए पोङ्‌ॽ॥” खे़ल्‍ले़चोगुल्‍ले़ दाउदरे़ हानुनरे़ कुम्‍बा स्‍ये़ःल्‍ले़ कुमनाहाॽ हाङ्‌हाङ् मे़त्‍छे़ पाङ्‌घुसि॥ दाउदरे़ कुमनाहाॽ अम्‍मोनिहाॽरे़ खुन्‍छिॽ लाजेॽओ मे़लासे़,


दाउदरे़ पाःत्तु, “मे़गिसे़न्‍ने़ॽ॥ खे़ने़ॽ के़म्‍बा जोनाथानरे़ कुले़क्‌वा लुङ्‌माॽ तुक्‍ने़॥ आङ्‌गाॽ के़न्‍धे़बा सावलरे़ के़रे़क् कुलाजेॽ कुसिङ्‌बुङ्‌हाॽ नुःक्‍तुङ् पिने़॥ खे़ने़ॽ हाङ्‌ङिल्‍ले़ कुजा चाजामादे़न्‍नो आङ्‌गाॽनु के़युङ्‌ङाङ् आभे़ल्‍ले़साङ् के़जरो॥”


हे़क्‍क्‍याङ् हाङ्‌ङिल्‍ले़ पाःत्तु, “सावलरे़ कुहिम्‍सयङ्‌ओ हात् कुहिङ्‌वे़त् वाॽबे? निङ्‌वाॽफुमाङ्‌ङिन्‍नु चोगुङ्‌बा माङ्‌हुप् कुइसिक् आङ्‌गाॽ खे़न् लुङ्‌माॽ तुक्‍तुङ्‌ॽ॥” सिबाःल्‍ले़ मे़त्तु, “ओरो, जोनाथानरे़ लत्‍छा कुस्‍सा वाॽ॥ खे़ल्‍ले़ ने़प्‍माङ् कुलाङ् के़सक्‍पा चोक्॥”


आल्‍ल खिनिॽ हुक्‍हाॽ के़धुम्‍बा पोङ्‌ल, हे़क्‍क्‍याङ् हाङ्‌हाङ् लॽरे़म्‍मे़ॽ, थेआङ्‌भे़ल्‍ले़ खिनिॽ दाङ्‌बा सावले़न् स्‍ये़आङ् होप्, हे़क्‍क्‍याङ् यहुदाबा मनाहाॽरे़ आङ्‌गाॽ खुन्‍छिॽ हाङ् मे़जोगाङ्‌ङाङ् वाॽरो॥”


खे़न् मनाहाॽरे़ खुने़ॽ आःन्‍छिङ्‌मा पिरे़त्‍छु, “खिनिॽ हिङ्‌मारे़ लागि आनिगे सिमासाङ् यारिप् वयिगे़॥ आनिगे कन् याःम्‍बक्‍किन् खिनिॽ हाःत्ताङ् के़म्‍मे़त्तुम्‍मिन्‍ने भग्र यहवे दाङ्‌बे़ल्‍ले़ आनिगे कन् लाजेन् पिरिगे़आङ् एगाङ् खिनिॽ आनिगे लुङ्‌माॽ तुक्‍कासिगे़ हे़क्‍क्‍याङ् नसाःन्‍साबा याःम्‍बक् चोगुम् पिआसिगे़रो॥”


खे़ब्‍याङ् नाओमिःल्‍ले़ खुने़ॽ कुम्‍बाङ्‌लिहाॽ लाम्‍मो मे़त्तुसि, “खे़न्‍छिॽ आबाङे पामारे़ खुन्‍छिॽ हिम्‍मो नुःक्‍खे़से़ॽ॥ खे़न्‍छिॽ आङ्‌गाॽ हे़क्‍क्‍याङ् आस्‍साहाॽ याप्‍मि नुरिक् आग्‍मे़त्ते़, हे़क्‍केलॽरिक्‍के यहवे दाङ्‌बे़ल्‍ले़ खे़न्‍छिॽ के़नुॽसि के़दासिर चोगुर॥


Swiv nou:

Piblisite


Piblisite