२ सामुए़ल 2:26 - लिम्‍बु

²⁶ हे़क्‍केःल्‍ले़ अबनेरे़न् अःक्‍ते़आङ् योआबे़न् मे़त्तु, “थे ताभेःल्‍ले़ आभे़ल्‍ले़साङ् मनाहाॽ मे़क्‍खुसिबाबि? ‘आबाङे फुॽनुसाॽहाॽ आल्‍ल मे़नाःत्ते़म्‍सिम्‍मे़न्‍ने़ॽ’ के़मे़त्तुसिआङ् खे़ने़ॽ के़मनाहाॽ के़न्‍नुःक्‍तुन्‍सिम्‍बाबि?”

२ सामुए़ल 2:26 Referans Kwoze

यर्मिया 46:14

“मिस्र लाजेॽओ खे़ने़ॽ अःक्‍ते़ॽओ! मिग्‍दोल, मेम्‍फिस नु तहपन्‍हेस ये़क्‌यक्‍हाॽओ खे़ने़ॽ अक्‍खे मे़त्ते़से़ॽओ! ते़न्‍धङ् चोःक्‍मारे़ लागि ये़म्‍मासिम्‍मे़ॽओ, थेआङ्‌भे़ल्‍ले़ ताभेःल्‍ले़ खिर्लि के़वाॽबाहाॽ के़रे़क् ले़ःक्‍खुसिरो॥

सेःक्‌युक्‍मिबाहाॽ 7:26

हे़क्‍क्‍याङ् कुदाःन्‍दिक् ने़प्‍फु इस्राइलिहाॽ चुङे़त्‍छिर यागे़त्‍छिबा निसुसिआङ् नादङ् चोःक्‍मासि फाॽआङ् पेआङ् मे़त्तुसि, ‘तेःङ्‌बासे, खिन्‍छिॽग फुॽनुसाॽ के़धाप्‍सि! थेआङ् के़जुङ्‌सिबाबे?’

यर्मिया 46:10

थेआङ्‌भे़ल्‍ले़ कङ्‌ग यहवे दाङ्‌बे़ल्‍ले़ कुये़न्‍लो, मुक्‍साम्‍दाङ्‌बा यहवे दाङ्‌बे़ल्‍ले़ कुनिङ्‌मिहाॽरे़ लागि कुले़क्‌वा नुःक्‍मा ये़न्‍लो॥ ताभेःल्‍ले़ कुसिक् मे़न्‍जिम्‍मे थारिक् ओवा, माक्‍खिल्‍ले़ मे़म्‍मए थारिक्, ताभेःल्‍ले़ खल्‍ले़ःङ् ले़ःक्‍खुसिरो! युफ्रेतिस वहःङ्‌ङिल्‍ले़ कुयाओबा थाङ्‌गे़त् पिसाङ्‌बा लाजेॽओ यहवे दाङ्‌बा, मुक्‍साम्‍दाङ्‌बा यहवे दाङ्‌बे़ल्‍ले़ आइन् वयागे़न् सिदुङ्‌जभा यारिप् चोगुर याक्‍लो॥

होसे 11:6

खे़ङ्‌हाॽरे़ खुन्‍छिॽ ये़क्‌यक्‍हाॽओ ताभेहाॽ मे़हिक्‍खुरो, हे़क्‍क्‍याङ् खे़ङ्‌हाॽरे़ खुन्‍छिॽ लाम्‍धेःत्‍हाॽरे़ कुधेःक्‍माहाॽ मे़यन्‍छुरो, खे़ङ्‌हाॽरे़ खुन्‍छिॽ चोःक्‍मा मे़गोःत्तुबा पाःन्‍हाॽ मे़नुप्‍सु मे़बिरुसिरो॥

यर्मिया 12:12

एःक्‍सादे़न्‍नोबा मुरे़क् खारे़क्‍पा कोःक्‍माहाॽ यरिक् आमे़ङ्‌मे़ङ्‌बाहाॽरे़ मे़बन्‍छुरो, हे़क्‍क्‍याङ् खे़न् लाजेॽओबाहाॽ नाप्‍मासि फाॽआङ् खे़ङ्‌हाॽ मे़द्‌ये़आङ् मे़वाॽरो॥ आदाभेःल्‍ले़ लाजेन् थिक् सुक्‍पोलाम् वेॽ कुसुक्‍पो थारिक् मे़क्‍खुरो आत्तिल्‍ले़आङ् सनारुङ्‌ङो वाॽमा मे़घोसुन्‍लो॥

यर्मिया 4:21

आप्‍फाल्‍ले़ थारिक् ते़न्‍धङ् निसान ओमे़प्‍मा पोङ्‌बाबे? हे़क्‍क्‍याङ् मे़ल्‍लुक् सादाङ्‌हाॽ लाइक्‍पा खे़म्‍मा पोङ्‌बाबे?

यर्मिया 2:30

आङ्‌गाॽ खिनिॽ खुम्‍दिङ् पिनिङ् कर खे़ल्‍ले़ खिनिॽ थेआङ् के़म्‍मे़त्तिन्‍लो, आङ्‌गाॽ आघुम्‍दिङ्‌लाम्‍बा खिनिॽ के़न्‍हिन्‍दिन्‍लो॥ कुसाक्‍के़न्‍निल्‍ले़ मि के़बोङ्‌बा खिरिङ्‌बान् हे़क्‍के खिनिॽ सिक् पोगे़रो खे़ब्‍याङ् खिनिॽ माङ्‌निङ्‌वाॽपान् के़बाःप्‍पाहाॽ के़से़रुम्‍सिम्‍लो॥

यसैया 1:20

कर के़न्‍दे़न्‍दिन्‍नाङ् पिफ्‍युङ्‌बा के़बोक्‍खिने़भग्र खिनिॽ निङ्‌मिहाॽरे़ ताभेःल्‍ले़ के़म्ज्‍ये़प्‍ति के़म्‍स्‍ये़रिरो॥” थेआङ्‌भे़ल्‍ले़ यहवे दाङ्‌बे़ल्‍ले़ए कन् पाःन्‍निन् पाःत्तुआङ् वाॽरो॥

खाहुन् 17:14

खे़माॽ हेःक्‍सिङ्‌माङ्‌ग थे़ङ्‌मनाबा च्‍वाःत्तिन् हबा कुइसिःक्‍लो, खे़ल्‍ले़चोगुल्‍ले़ पाःन्‍धङ् पोङ्‌मानुःल्‍ले़ तगि खे़न् चिप्‍ल याःन्‍दे़ॽओ॥

निङ्‌वाॽफु साम्‍लोसुम् 4:2

मे़न्‍छाम्‍सासे, आप्‍फाल्‍ले़ थारिक् आजाःत्‍थि के़देसुम्‍बाबे? आप्‍फाल्‍ले़ थारिक् हने़बा पाःन्‍निन् खिनिॽ सिराॽथाङ्‌बाबे? हे़क्‍क्‍याङ् खिनिॽ आप्‍फाल्‍ले़ थारिक् इङ्‌ले़क्‍पा माङ्‌साम्‍माङ्‌हाॽ से़वा के़मे़त्तुम्‍सिम्‍बाबे? सेला

२ सामुए़ल 11:25

दाउदरे़ खे़न् मनान् मे़त्तु, “योआबे़न् अक्‍खे मे़त्ते़ॽ, ‘खे़ने़ॽ मे़गिसे़न्‍ने़ॽ, ताभेःल्‍ले़ आक्‍खेलॽरिक् लत्‍छा मनान् से़रुॽ, हाबाहे़क्‍के लॽरिक् वेॽइन्‍नाङ् से़रुॽ॥ ये़क्‌यक्‍किन् फत्ताम्‍मे़ॽ, हे़क्‍क्‍याङ् खे़न् खाप्‍पुध्‍यःङ् चोगाम्‍मे़ॽ॥’ योआबे़न् हाङ्‌हाङ् लॽर फाॽआङ् कन् पाःन्‍निन् चे़क्‍ते़ॽ॥”

२ सामुए़ल 2:16

हे़क्‍क्‍याङ् खे़ङ्‌हाॽ के़रे़क्‍ले़ आबाङे खुनिॽ निङ्‌मिहाॽरे़ थे़गेःक्‍पो मे़दे़म्‍सुसिआङ् ताभेःल्‍ले़ साप्‍पोःक्‍को मे़धुबुसि॥ अक्‍खेलॽरिक् खे़ङ्‌हाॽ थिक्‍ले़ङ्‌ले़ सोरिक् मे़स्‍ये़॥ खे़ल्‍ले़चोगुल्‍ले़ गिबोनबा खे़न् ते़न्‍निन् हेल्‍कत-हज्‍जुरिम मे़मे़त्तु॥

२ सामुए़ल 2:14

अबनेरे़ल्‍ले़ योआबे़न् मे़त्तु, “खे़ने़ॽ नु आङ्‌गाॽ थाङ्‌बे़न् आमनाहाॽओ लत्‍छा लत्‍छा आन्‍छिॽ तगाङ् थक्‍सिर॥” योआबरे़ मे़त्तु, “लु पोङ्, खे़ङ्‌हाॽरे़ हाबाहे़क्‍के चोःक्‍सुर॥”

२ सामुए़ल 2:25

बिन्‍यामिनिहाॽ अबनेर ले़प्‍माङ् मे़भुङ्‌सिङ्, हे़क्‍क्‍याङ् लत्‍छा कोःक्‍माल्‍ले़ कुजङ्‌धाङ् थङ्‌ले़ लागि यारिप् मे़बोःक्‍खे़॥

२ सामुए़ल 2:27

योआबे़ल्‍ले़ मे़त्तु, “से़क्‍खासाङ् निङ्‌वाॽफुमाङ्‌ङिल्‍ले़ कुमिङ्‌ङो पाःत्तुङ्‌ॽ, खे़ने़ॽ कन् पाःन्‍निन् के़म्‍बाःत्तुन्‍निल्‍ले़ग आमनाहाॽरे़ खुन्‍छिॽ फुॽनुसाॽहाॽ ताःन्‍दिक् तानाम् थारिक्‍साङ् नाःप्‍मा मे़ल्‍ले़रुसिन्‍मे़न्॥”