२ सामुए़ल 19:21 - लिम्‍बु

²¹ कर सरुयाहरे़ कुस्‍सा अबिसैःल्‍ले़ पाःत्तु, “यहवे दाङ्‌बाल्‍ले़ सेगुबा हाङ्‌ङिन् साक्‍मुरा मे़त्तुबाल्‍ले़ सिमिःङ्‌ग सिमा मे़बोङ्‌ने़म्‍बि?”

२ सामुए़ल 19:21 Referans Kwoze

लाम्‍दिक् 22:28

“निङ्‌वाॽफुमाङ्‌ङिन् चे़ॽया मे़मे़त्ते़म्‍मिन्‍ने़ॽ हे़क्‍क्‍याङ् आप्‍फेक् सुवाङ्‌बा लाम्‍लोबान् माङ्‌दे साङ्‌ग्रा मे़मे़त्ते़म्‍मिन्‍ने़ॽ॥

१ सामुए़ल 26:9

कर दाउदे़ल्‍ले़ खे़न् मे़त्तु, “हाङ्‌ङिन् मे़से़रे़न्‍ने़ॽ॥ यहवे दाङ्‌बे़ल्‍ले़ सेगुबा कुमना सम्‍धाङ् हुक् के़याक्‍पा आत्तिन् आप्‍तिक् मेःन्‍नेबा पोङ्‌बे?”

२ सामुए़ल 16:13

खे़ल्‍ले़चोगुल्‍ले़ दाउद नु खुने़ॽ कुमनाहाॽ खुन्‍छिॽ लाम् मे़धासिङ्, हे़क्‍क्‍याङ् सिमिन् दाउद लाङ्‌घेगे़बा लाम्‍मिल्‍ले़ थोहाङ् ले़प्‍माङ्‌बा कोःक्‍माए कोःक्‍मा पे, हे़क्‍क्‍याङ् पेःल्‍ले़ दाउदे़न् साक्‍मुरा मे़त्तुर लुङ्‌ङिल्‍ले़ ले़प्‍तु हे़क्‍क्‍याङ् खाम्‍हिःक्‍किल्‍ले़ चुःत्तुर पे॥

२ सामुए़ल 16:5

दाउद हाङ्‌ङिन् बहुरिम के़रे़, हे़क्‍केःल्‍ले़ खे़प्‍मो सावलरे़ कुहिम्‍सयङ्‌बा लत्‍छा मना, गेरारे़ कुस्‍सा सिमिन् लिगक् लःन्‍दे़आङ् दाउदे़न् साक्‍मुरा मे़त्तुर त्‍ये़॥

१ सामुए़ल 24:6

दाउदरे़ कुमनाहाॽ मे़त्तुसि, “आङ्‌गाॽ आन्‍दाङ्‌बे़न्, हे़क्‍के मे़प्‍मा यहवे दाङ्‌बे़ल्‍ले़ मे़बाङ्‌ङान्, खुने़ॽग यहवे दाङ्‌बाल्‍ले़ए हाङ् पोङ्‌से़ सेगुबारो! आङ्‌गाॽ खुने़ॽ हुक् याक्‍मा मे़नुॽने़न्, थेआङ्‌भे़ल्‍ले़ खुने़ॽ यहवे दाङ्‌बे़ल्‍ले़ सेगुबा हाङ्‌लो!”

२ सामुए़ल 16:9

हे़क्‍क्‍याङ् सरुयाहरे़ कुस्‍सा अबिसैरे़ हाङ्‌ङिन् मे़त्तु, “आदाङ्‌बे, कन् कुसिवे़त् ख्‍याबाल्‍ले़ आदाङ्‌बा थेआङ् साक्‍मुरा के़मे़प्‍पाबे? आङ्‌गाॽ पेःक्‍काॽआङ् खे़ल्‍ले़ कुधेगेःक्‍पे़न् फुन्‍दुङ् पिरुङ्‌बि?”

निङ्‌वाॽफु साम्‍लोसुम् 84:9

आनिगे खो निङ्‌वाॽफुमाङ्‌ङे, आनिगे हाङ्‌ङिन् ओमे़त्ते़ॽओ, खे़ने़ॽ के़सेगुबान् मुॽइसाम् पिरे़ॽओ॥

मे़रिङ् साप्‍पन् 4:20

यहवे दाङ्‌बे़ल्‍ले़ सेःन्‍दुबा हाङ्, आनिगे हिङ्‌मन्‍ने खे़ङ्‌हाॽरे़ खुन्‍छिॽ इजोओ थ्‍ये़रो॥ आम्‍भा खुने़ॽ कुगम्‍ब्राङ्‌ङो थिम्‍मे़न्‍दङ् सुवाङ्‌हाॽरे़ खुन्‍छिॽ लुम्‍मो आनिगे ताप्‍थेक् याम्‍धेक् वयिगे़ फाॽआङ् इःप्‍मनाआङ् वये़रो॥