२ सामुए़ल 18:2 - लिम्‍बु

² हे़क्‍क्‍याङ् दाउदरे़ खे़ङ्‌हाॽ सुम्‍सि लक्‍को से़न्‍दुसिआङ् पाङ्‌घुसि—सरुयाहरे़ कुस्‍सा योआब नु खे़ल्‍ले़ कुन्‍साॽ अबिसैन् हे़क्‍क्‍याङ् गित्ति इत्‍तैन् लाम्‍लोबा वये़॥ हाङ्‌ङिल्‍ले़ लाम्‍लोबाहाॽ मे़त्तुसि, “आङ्‌गाॽआङ् खिनिॽनुए थङ्‌ङो पेःक्‍का॥”

२ सामुए़ल 18:2 Referans Kwoze

खासे़न्‍लोःम्‍बा 7:16

खुने़ॽ खे़न् किप् सुम्‍सि मनाहाॽ कुलुप् सुम्‍सि चोगुसि, हे़क्‍क्‍याङ् के़रे़क् मनाहाॽ लत्‍छा लत्‍छा सादाङ् नु सिगाङ् ले़प्‍माङ् मिजोत् के़दिःप्‍पा थेआङ् मे़न्‌याक्‍मनाबा फुजिक् थिक्‍थिक् पिरुसि॥

निङ्‌वाॽफु साम्‍लोसुम् 3:6

आङ्‌गाॽ आदक्‍ले़ङ्‌वाओ हे़न्‍छिङ् हे़न्‍छिङ् निङ्‌मिहाॽरे़ कब्रिङ् मे़गप्‍पारो हे़क्‍केसाङ् आङ्‌गाॽ मे़गिआन्‍लो॥

२ सामुए़ल 17:11

आङ्‌गाॽ आसुजान् अक्‍तङ्‌बा वाॽ—दानलाम्‍बा बेर्सेबा थारिक्‍पा आत्तातान्‍ने यरिक् इस्राइलिहाॽ वहःङ्‌ङोबा ये़ःङ्‌घा कुइसिक् खे़ने़ॽओ फुक्‍खे़से़ॽ, हे़क्‍क्‍याङ् खे़ङ्‌हाॽरे़ खुन्‍छिॽ तगि खे़ने़ॽ आबाङे थङ्‌ङो मनाहाॽ तेॽरे़से़ॽआङ् थासिङ्‌ङे़ॽ॥

१ सामुए़ल 11:11

हे़क्‍क्‍याङ् कुदाःन्‍दिक्‍मा सावलरे़ कुमनाहाॽ कुलुप् सुम्‍सि चोगुसि॥ तानाम्‍सा इस्राइलिहाॽ अम्‍मोनि थक्‍सुबाहाॽरे़ खुनिॽ तुरायक् सिगाङ् मे़लासे़आङ् ले़न्‍जो थारिक्‍ले़ यरिक् अम्‍मोनिहाॽ मे़स्‍ये़रुसि॥ खे़न् एगाङ् के़हिङ्‌बा के़याःक्‍पाहाॽ ने़प्‍फु सोरिक् पोङ्‌मा मे़ङ्‌घोए फुत्‍चिङ्‌ज्‍याःङ् मे़बोःक्‍खे़॥

खासे़न्‍लोःम्‍बा 9:43

कल्‍ले़चोगुल्‍ले़ खुने़ॽ कुमनाहाॽ तारुसिआङ् खे़ङ्‌हाॽ कुलुप् सुम्‍सि चोगुसि, हे़क्‍क्‍याङ् ये़क्‌यक् लाःक्‍कात् ताम्‍दाम्‍बादे़न्‍नो सुगुसिआङ् युङे़॥ आल्‍ल खुने़ॽ मनाहाॽ ये़क्‌यक् लाःक्‍कात् मे़लःन्‍दे़ मे़भे़रे़बा निसुसि, खे़ब्‍याङ् खुने़ॽ पोगे़आङ् खे़ङ्‌हाॽ थङ्‌ङो फत्तुसि॥

खासे़न्‍लोःम्‍बा 7:19

इक्‍के़गोबा कम्‍ब्राङ्‌हाॽ खारक् मे़ले़क्‍सिङ्‌ङाङ् मे़ये़बे़॥ खे़ङ्‌हाॽरे़ खुन्‍छिॽ सादाङ्‌हाॽ मे़मुःत्तु, गिदोन हे़क्‍क्‍याङ् खुने़ॽनु के़वाॽबा किप् थिक् मनाहाॽ से़न्‍दिक् थिबोङ् मुक्‍ते़ल्‍ले़ साःङ्‌गाहिम्‍हाॽरे़ कुयाओ मे़गे़रे़॥ हे़क्‍क्‍याङ् खुन्‍छिॽ हुक्‍को मे़गत्तुबा फुजिक्‍हाॽ मे़हे़रु॥

२ सामुए़ल 23:18

सरुयाहरे़ कुस्‍सा योआबरे़ कुन्‍साॽ अबिसैन् कन् सुम्‍सि मनाहाॽरे़ लागि कुधे़गेक् लाम्‍लोबा वये़॥ थिक्‍ले़ङ् खुने़ॽ किप् सुम्‍सि मनाहाॽरे़ खुन्‍छिॽ लुम्‍मो लाःक्‍किन् याङुआङ् खे़ङ्‌हाॽ थुबु से़रुसि, हे़क्‍क्‍याङ् कम्‍भलॽरिक् खे़न् सुम्‍सि मनाहाॽ कुइसिक् खुने़ॽ कुमिङ् के़इङ्‌बा पोःक्‍खे़॥

१ हाङ् 2:28

आल्‍ल कन् इङ्‌घङ्‌ङिन् योआबरे़ओ के़रे़, खे़ब्‍याङ् खुने़ॽ यहवे दाङ्‌बे़ल्‍ले़ कुसेसे साःङ्‌गाहिम्‍मो खे़त्‍छिङ् पेआङ् ले़त्ति तोःम्‍मादे़न्‍निल्‍ले़ कुदाङ्‌हाॽ ते़म्‍सुआङ् ये़बे़ थेआङ्‌भे़ल्‍ले़ अब्‍सालोमरे़ दाउदरे़ कुदक्‍ले़ङ्‌वाओ चे़म्‍भन् चोगुल्‍ले़ खुने़ॽ अब्‍सालोमनु मेःन्, कर अदोनियाहःन्‍नु चे़म्‍भन् चोगुआङ् वये़॥

२ सामुए़ल 8:16

खे़न् ये़म्‍मो सरुयाहरे़ कुस्‍सा योआबे़न् थक्‍सुबाहाॽरे़ खुन्‍छिॽ लाम्‍लोबा वये़॥ हे़क्‍क्‍याङ् अहिलुदरे़ कुस्‍सा यहोसापाते़न् खानिःत् के़युङ्‌बा वये़॥

२ सामुए़ल 21:17

कर सरुयाहरे़ कुस्‍सा अबिसैन् दाउदे़ल्‍ले़ कुभाॽसे़ त्‍ये़॥ खे़ल्‍ले़ पलिस्‍तिधिक् हिप्‍तुसे़रु॥ हे़क्‍क्‍याङ् दाउदरे़ कुमनाहाॽरे़ माङ्‌मे़हे़क्‍सिङ्‌ल खुने़ॽ मे़मे़त्तु, “आदाङ्‌बा आभाल्‍ले़आङ् थङ्‌ङो आनिगे़नु के़म्‍बेःक्‍ने़न्, के़बेःक्‍ने़भग्र इस्राइल के़धोॽबा हाङ्‌ङिन् सिःॽ॥”