२ सामुए़ल 17:10 - लिम्बु10 हे़क्केःल्ले़ यम्बा मना नु केबा कुइसिक् कुगिमा के़होप्पा मनाःल्ले़ कुसिरे पोःक्मान् मारो॥ थेआङ्भे़ल्ले़ के़रे़क् इस्राइलिहाॽरे़ खे़ने़ॽ के़म्बा के़धुम्बा चोक् हे़क्क्याङ् खुने़ॽनु के़वाॽबाहाॽआङ् के़धुम्बा मे़जोक् के़लॽबान् मे़निसुआङ् वाॽ॥ Gade chapit la |
२ सामुए़ल 17:10
17 Referans Kwoze
मिस्र लाजेःल्ले़ कुयाःम्बेओ के़दाबा माङ्निङ्वाॽपान्निन् अक्तङ्बा वाॽरो— ओमे़त्ते़म्मे़ॽ, यहवे दाङ्बे़न् खाॽमिःत्तिन् युक्तुआङ् मिस्र लाजेॽओ युर पत्लो॥ खुने़ॽ युःल्ले़ मिस्र लाजेॽबा नावाइत्लाहाॽ मे़गिआङ् थे़गक्कक्ना मे़यङ्लो, हे़क्क्याङ् मिस्र के़युङ्बा मनाहाॽ खुन्छिॽ किमे़ल्ले़ युम्सुङ्मा मे़बोङ्ङाङ् साम्मिक्ले़ ले़रुसिरो॥
सावलरे़ दाउदे़न् मे़त्तु, “आङ्गाॽ आस्सा तुम्मा मेराबे़न्नु खे़ने़ॽ ते़न्धाम् मेःक्खिम् मे़त्ने़, कर खे़ल्ले़ कुले़क्वा थुम्दे़ॽर आसे़वा याःम्बक् चोगे़ॽ, हे़क्क्याङ् यहवे दाङ्बाल्ले़ कुलागि थङ् थक्ते़ॽ॥” थेआङ्भे़ल्ले़ सावलरे़ आबाङे कुहुक्लाम् मेःन्, कर पलिस्तिहाॽरे़ खुनिॽ हुक्लाम्बा दाउदे़न् से़प्मा निङ्वाॽ चोगुआङ् वये़॥
आनिगे आत्ति पेः क्मा सुक्तिगे़बे? आनिगे नुसाॽहाॽरे़ आनिगे निङ्साङ् मे़बुक्खुआङ् वाॽ॥ खे़ङ्हाॽरे़ मे़बाःत्तुॽ, ‘खे़न् मनाहाॽ आनिॽनुःल्ले़ यम्बा नु केःम्बा मे़जोक्॥ खे़ङ्हाॽरे़ खुनिॽ ये़क्यक्हाॽ यम्बा चोक् हे़क्क्याङ् ताङ्साङ् के़दक्पा लुङ्धाक् मे़से़त्तुआङ् ये़प्॥ आनिगे खे़प्मो अनाकिहाॽआङ् निसुम्सिम्बे़॥’”
खुने़ॽ कुसे़वारोबाधिक्ले़ मे़त्तु, “बेथले़हे़म के़युङ्बा यिसैरे़ कुस्साधिक्ले़ नुरिक् मुक्ला मुक्खुबा आङ्गाॽ निसुङ्ङाङ् वाॽ॥ खे़न् मे़ङ्गिए थङ् थक्मा के़धुम्बा मना चोक्॥ खुने़ॽ पान् पाःप्मा सिक्कुम्साबा नु ओमे़प्माल्ले़ साॽरिक् कुघे़म्सिङ्मा के़याक्पा नुबा मना वाॽ॥ हे़क्क्याङ् यहवे दाङ्बान् खे़न्नु वाॽ॥”
Piblisite